Api 25 14
Euli-giro Bergaran
Uxue Alberdirekin Euli-giro ipuin liburuaz ariko dira apirilaren 25ean (ostirala) 18:30ean Bergarako Angiolillo liburutegian.
Api 24 14
Baita hondakinak ere Zarautzen
Iñigo Astizen Baita hondakinak ere poema liburuaz ariko dira apirilaren 24an (osteguna) 19:30ean Zarauzko Garoa liburu dendan.
Api 24 14
Zwei Frauen Iruñean
Joxean Agirreren Zwei Frauen nobelari buruz solas egingo dute apirilaren 24an (osteguna) 19:00etan Iruñeko Sanduzelaiko liburutegian.
Api 24 14
Zorion handiegia Larrabetzun
Alice Munroeren Zorion handiegia eta Mo Yanen Hori da umorea, maisu! liburuak aztertuko dituzte apirilaren 24an (osteguna) 19:00etan Larrabetzuko Angulerin.
Api 24 14
Bulkada Getarian
Jon Benitorekin Bulkada poema liburuaz ariko dira apirilaren 24an (osteguna) 18:30ean Getariako Saiaz hotelean.
Api 24 14
Alejo Carpentierren kronikak Euskal Herrian zehar
Gaurko egunez hil zen Alejo Carpentier idazle kubatarrari sona handiena eleberriek eta musika lanek eman bazioten ere, haren ekoizpenik oparoena kazetari legez egindakoa izan zen. 1933an, Frantzian erbesteratua zelarik, Euskal Herria zeharkatu zuen trenez, han-hemen geldialditxo batzuk eginez. Bidaia haren kronika Carteles aldizkarian argitaratu zuen: Historiarik gabeko bidaia baten kronikak. Koldo Izagirrek euskaratutako lerrootan, herri ugariren inguruko deskripzioak eta gogoetak irakur daitezke: Baiona, Miarritze, Hendaia, Irun, Hondarribia…
Api 23 14
Maitalea Donostian
Marguerite Durasen Maitalea nobelaren irakurketa publikoa egingo dute apirilaren 23an (asteazkena) 13:00etan Donostiako Gipuzkoa Plazan, Liburu Azokan.
Api 23 14
Pepe Artolari omenaldia Donostian
Pepe Artolari omenaldia egingo diote apirilaren 23an (asteazkena) 11:00etan Donostiako Gipuzkoa Plazan, Liburu Azokan.
Api 22 14
Hodeiak zapatetan, Mikel Etxabururen poema berriak
Preso egon denaren gogoa kartzelara itzultzen da beti; hainbat sarriago, hurbil den epaiketa zital baten zain baldin badago. Mikel Etxaburuk apirilaren 28an jendaurrean aurkeztuko du bere bigarren poema liburua, Hodeiak zapatetan, maitasuna eta askatasuna dituena gai nagusiak. Hitz biluzien jaiduraz, joskera apalen zale, molde soilen bitartez kantatuko ditu Mikel Etxaburuk oroitzapenak eta desirak, aberriaren ardura eta kartzelaren samina, bakardadea eta amets egiten segitzeko grina.
Api 21 14
“Munduko Poesia da Gurea” hitzaldiak Durangon
“Munduko Poesia da Gurea” hitzaldi sorta eskainiko dute Koldo Izagirrek eta Gotzon Barandiaranek apirilaren 21etik 25era, bost egunez, goizeko 10:00etatik 12:00etara Durangoko Plateruena kafe antzokian.
Api 19 14
“Gabrielen lekua” Baigorrin
“Gabrielen lekua” sentikaria izango da apirilaren 19an (larunbata) 19:00etan Baigorrin.
Api 19 14
Gabriel Garcia Marquezen heriotzarenean
Apirilaren 17an hil zen Gabriel Garcia Marquez idazle kolonbiarra, errealismo magikoa deitu izan denaren adierazlerik gorenetarikoa. Bere idazlanetan fantastikoa eta erreala maisuki uztartu ohi ditu, Hego Amerikako bizitza eta gatazkak islatuz. Oparoa da Garcia Marquezen liburuak euskaraz irakurtzeko aukera, lau liburu hauexek: Heriotza iragarritako baten kronika (1982, Xalbador Garmendia), Jenerala bere laberintoan (1990, Xabier Mendiguren Bereziartu), Koronelari ez dio inork idazten (1992, Tomas Sarasola) eta Naufrago baten kontakizuna (1998, Eneko Barrutia). Horiez gain, pieza txikiagoak ere argitaratu dira aldizkarietan edo bildumetan, besteak beste, orain eskaintzen dizkizugun Zerbait izugarri gertatu behar da herri honetan (1985, Joseba Sarrionandia / Mitxel Sarasketa) eta Horietako egun batean (1994, Gillermo Etxeberria).
Api 16 14
Joxerra Garziaren
poema ohartarazleak
Zotal egunak: etorkizuneko giroaren iragarleak. Oharrak hartzeko egunak, ohartarazteko poemak. Bizikizunen trinkotze bat, dena erabakia dagoelako susmoa, ez baikara zahartzetik edo hiltzetik libratuko. Ezin izan izugarri baikorra ere. Baina nostalgia baikor handi baten barruan bizi da Joxerra Garzia, eta borroka egiteko kemena ematen dio laino mehe horrek, orainaldi batean finkatzen denez: egun haietan ikusten zuen giroak, zer etorkizun? Irakurlearekiko konplizitatea, zintzotasun politiko eta intelektuala mingostasunik gabeko umorez. Bai, zintzotasuna ere izan liteke tresna poetikoa. Nolakoa den poetaren barrena, zer daukan bihotz-ninian. Joxerra Garziaren gizabideak ez du poesiaren kalitatea jaten, baina bai handitzen. Poema libreak eta lotuak, kopla zaharrak, berriak eta berriagoak, hiria, haizea, itsasoa, inon ezeko uharteak… Ederra bilduma.
Api 14 14
Apirila Azpeitian
“Apirila, nobela baten zainak” hitzaldia egingo du Iñigo Aranbarrik apirilaren 14an (astelehena) 19:30ean Azpeitiko liburutegian.
Api 12 14
Iñigo Aranbarriren hitzaldia Durangon
Iñigo Aranbarrik “Abanguardiak euskal literaturan” hitzaldia eskainiko du Literatura Eskolan apirilaren 12an (larunbata) 10:00etan Durangoko liburutegian.