maiatza
07
14
Bake prozesuaren gerrako partea ematen digu Urtzi Urrutikoetxeak bere hirugarren poema liburuan, Utzidazu karmina kentzen. Letretan sarrera garratza egin zuen Borroka galduetatik gatoz haren luzapena ote den pentsa liteke hasiera batean. Ez, ez dago luzapenik. Mundu berdintsuan bizi dela, besterik ez. Barnekoiak dira orain poemak, maitasuna dute hezurdura. Maitasuna, izan ere, egitate poetikoa da: hiztegi bat osatu behar dute maitaleek, elkarrekikoa egin ahal izateko. Kode ulergarri bat eskaintzen digu poetak, baldin intimitatea gizarteak kutsatzen duela badakigu, kodeek testuingurua salatzen dutela badakigu. Mundulekua gero eta estuagoa, gero eta ilunagoa egiten da liburuan aurrera joan arau, maitasuna aldiz gero eta gozoagoa, hots, beharragoa: bake prozesuaren gerrako partea, deklarazio bat metroan edo gaueko autobusean, maitearen adatsa sorbaldan.
maiatza
06
14
Iban Zalduaren Etorkizuna ipuin liburuaz mintzatuko dira maiatzaren 6an (asteartea) 19:00etan Eibarko liburutegian.
maiatza
03
14
Joxan Artzeren poemetan oinarritutako “Nola belztu behar zuria” errezitaldia egingo dute Asier Sarasolak Oier Guillanek maiatzaren 3an (larunbata) 22:00etan Usurbilgo Usurbe antzokian. Musika. Bide Ertzean.
Api
30
14
Mikel Antzaren Atzerri nobelaz jardungo dute apirilaren 30ean (asteazkena) 18:30ean Zarauzko liburutegian.
Api
30
14
Koldo Izagirreren Parisen bizi naiz poema liburua aztertuko dute apirilaren 30ean (asteazkena) 18:30ean Arrasateko Kulturaten.
Api
30
14
Hodeiak zapatetan errezitaldia egingo du Mikel Etxaburuk apirilaren 30ean (asteazkena) 18:00etan Eskoriatzan, Huhezin. Musika: Keu Agirretxea.
Api
30
14
Idazle guztiek idazten dute, nolabait, uretan. Jarioaren irudi eternala dugu ura, badoan biziarena. Patxi Salaberriren lehen liburua, Uretan idatziak (Kutxa, 2002), bizitzaren jarioan idatzitako poemez osatua da. Bizitzari buruzko aditasun horretan ekarriko digu Itaka auto-ilarara, edo begipean daukan botila hutsa hartuko du gogoetarako aitzakiatzat. Apunte intimo laburrak lehenik, inguruan eta oro har gizartean oinarritutako iritziak ondoren, erreferentzia klasikotatik abiatzen dituen jardun luzeak azkenik. Multzo guztietan ageri dira poema biribilak, eta beti gustu ona gure ezdeusa, joanaren garratza edo bizipoza kantatzerakoan. Autorearen hizkera landuak ez du mezuaren gardena kaltetzen, sobera poetikotik urruntzen dakien poeta da Salaberri.
Api
29
14
Ana Jakak Ez zen diruagatik nobela aurkeztuko du apirilaren 29an (asteartea) 11:00etan Donostiako Elkar liburu dendan.
Api
28
14
Garbiñe Ubedaren Hobe isilik nobelaz ariko dira apirilaren 28an (astelehena) 19:30ean Donostiako Udal Liburutegiko sotoan.
Api
28
14
Mikel Etxaburuk Hodeiak zapatetan poema liburu berria aurkeztuko du apirilaren 28an (astelehena) 11:00etan Donostiako Udal Liburutegiko sotoan. Argitaletxea: Susa.
Api
27
14
“Gabrielen lekua” sentikaria jokatuko dute apirilaren 27an (igandea) 19:30ean Igorreko kultur etxean.
Api
26
14
“Gabrielen lekua” sentikaria izango da apirilaren 26an (larunbata) 21:00etan Mungiako Olalden.
Api
26
14
Iñigo Astizek eta Mikel Ayerbek Baita hondakinak ere poema liburuan oinarritutako “Hondakindegia” errezitaldia egingo dute apirilaren 26an (larunbata) 20:00etan Bartzelonako Euskal Etxean.
Api
25
14
J.M Coetzeeren Lotsaizuna liburua aztertuko dute apirilaren 25ean (ostirala) 20:00etan Iruñeko Katakrak-en.
Api
25
14
Munduko Poesia Kaierak bildumako Trakl, Marçal eta Cesaire idazleen poema irakurraldia izango da apirilaren 25ean (ostirala) 19:00etan Durangoko Plateruena kafe antzokian. Irakurleak: Peru Magdalena, Leire Bilbao, Paddy Rekalde eta Beñat Sarasola.
