maiatza 15 14
Irakurraldia Gasteizen
Manex Agirrek eta Gaizka Amondarainek “Berramatzea” eskainiko dute maiatzaren 15ean (osteguna) 19:30ean Gasteizko Arte eta Lanbide Eskolako liburutegian.
maiatza 15 14
Atzerri Markinan
Mikel Antzaren Atzerri nobelari buruz ariko dira maiatzaren 15ean (osteguna) 19:00etan Markina-Xemeingo liburutegian.
maiatza 15 14
Zwei Frauen Tolosan
Joxean Agirreren Zwei Frauen nobelari buruz jardungo dute maiatzaren 15ean (osteguna) 19:00etan Tolosako liburutegian.
maiatza 14 14
Itxaro Bordaren errezitaldia Baionan
Itxaro Bordak errezitaldia eskainiko du maiatzaren 14an (asteazkena) 20:30ean Baionako Euskal Museoan.
maiatza 14 14
Hiru gutun Iruñetik Gasteizen
Patxi Zubizarretarekin Hiru gutun Iruñetik nobelaz solastatuko dira maiatzaren 14an (asteazkena) 19:30ean Gasteizen, Judimendiko Gizarte Etxean.
maiatza 14 14
Libertitzeaz Baionan
Antton Lukurekin Libertitzeaz liburuari buruz solastatuko dira maiatzaren 14an (asteazkena) 19:00etan Baionako Euskal Museoan.
maiatza 14 14
Bilbao-New York-Bilbao Leitzan
Kirmen Uriberekin Bilbao-New York-Bilbao nobelaz solas egingo dute maiatzaren 14an (asteazkena) 18:30ean Leitzako liburutegian.
maiatza 14 14
Gogoetak, Xipri Alberbide
Xipri Alberbidek Gogoetak liburua aurkeztuko du maiatzaren 14an (asteazkena) 18:30ean Baionako Euskal Museoan. Argitaletxea: Maiatz.
maiatza 14 14
Harri eta herri, 50 urte
Gaurko egunez 1964an plazaratu zen Gabriel Arestiren Harri eta herri, Kuliska Sorta bilduman (55. zenbakia), Zarauzko Itxaropenak inprimatua. Argitalpena 972 alekoa izan zen; horietatik 480 harpidedunei bidali zitzaizkien, 80 hartu zituen idazleak, 29 zentsurara eta lege gordailura eta liburutegietara eraman zituzten, eta gainerakoak dendetara zabaldu ziren. Profeta bati izeneko poeman Arestik berak argi azaltzen du bere poetikaren ardatzetako bat: “Nire poesia oso merkea da, herriaren ahotik hartu nuen debalde, eta debalde ematen diot herriaren belarriari”. Harri eta herri liburuak zalaparta sortu zuen, Zeruko Argia astekariaren ekaineko eta uztaileko artikuluak lekuko. Irailaren 19an, Donostiako Udal Liburutegian egindako hitzaldian Arestik Egia bat esateagatik eta Nire aitaren etxea irakurri zituen, Patxi Mujikaren grabazioari esker jasoak izan direnak. Liburuaren lehen edizioari Juan San Martinek egin zion hitzaurrea, eta 2000. urtean egindako edizio berrian Koldo Izagirrek idatzi zuen sarrera.
maiatza 13 14
Errezitaldia Baionan
Itxaro Bordak errezitaldia egingo du maiatzaren 13an (asteartea) 20:30ean Baionako Euskal Museoan.
maiatza 13 14
“Etxepare Rap” Donostian
Imanol Epeldek “Etxepare Rap” eskainiko du maiatzaren 13an (asteartea) 19:30ean Donostiako Udal Liburutegi zaharreko sotoan.
maiatza 13 14
Mahai-ingurua Baionan
Paulo Iztuetak eta Emilio Lopez Adanek mahai-inguruan parte hartuko dute maiatzaren 13an (asteartea) 19:00etan Baionako Euskal Museoan. Aurkezlea: Eric Dicharry.
maiatza 13 14
Maiatz aldizkaria Baionan
Maiatz literatur aldizkariaren 58. zenbakia aurkeztuko du Lucien Etxezaharretak maiatzaren 13an (asteartea) 18:30ean Baionako Euskal Museoan.
maiatza 13 14
Lima Barretoren ipuin bat
Afonso Henriques de Lima Barreto brasildar idazle eta kazetaria Rio de Janeiron jaio zen 1881ean, eta 1922an hil hiri berean. Oso kritiko zorrotza izan zen bere garaiko sistema politikoarekin, eta gizarte-pribilegioak zein arrazakeria salatu zituen engaiamendu handiz. Gizarteko apalenen ahotsa izan zen, ahotsik gabeena. Lima Barreto mulatoa zen eta gertutik bizi behar izan zituen bidegabekeria eta mespretxua. Bizitzako azken urteak ospitale psikiatriko batean eman zituen, idazteari behin ere utzi gabe. XIX. mendeko errealismoari atxiki zitzaion, baina haren estiloa ez zen batere apaindua izan: bizi-bizia zen, kalekoa, manierismorik gabekoa. Denetariko generoak landutakoa, haren lanik nabarmenenak dira, besteak beste, Triste Fim de Policarpo Quaresma eleberria, Marginália artikulu-bilduma eta Cemitério dos Vivos hil ostean argitaraturiko zoroetxeko kronika laburra. Euskaraz irakur daiteke orain, Iñigo Roquek euskaratu baitu Kalifornia Berria ipuina, gaur eskaintzen dizueguna.
maiatza 12 14
Errezitaldia Gasteizen
Nerea Gallastegik eta Edu Zelaietak errezitaldia egingo dute maiatzaren 12an (astelehena) 19:30ean Gasteizko Arte eta Lanbide Eskolako liburutegian.