Aza 19 14
Intimitatea Elorrion
Hanif Kureishiren Intimitatea aztertuko dute azaroaren 19an (asteazkena) 19:00etan Elorrioko liburutegian
Aza 19 14
Nevadako egunak Larrabetzun
Bernardo Atxagarekin Nevadako egunak nobelaz berba egingo dute azaroaren 19an (asteazkena) 19:00etan Larrabetzuko Anguleri kultur etxean.
Aza 19 14
Hnuy illa nyha majah yahoo Arrasaten
Joseba Sarrionandiaren Hnuy illa nyha majah yahoo poema liburuaz ariko dira azaroaren 19an (asteazkena) 18:15etan Arrasateko liburutegian.
Aza 19 14
Pernando, bizirik hago oraindio
Xabier Mendigurenen Pernando, bizirik hago oraindio (Euskaltzaindia / BBK, 1989) heroi baten inguruan osatutako antzerkia dugu, alprojaren errekuperazioa kritika soziala egiteko. Gaiak, arin eramandako hariak eta dialogo piperdunek publiko zabal batentzat egindakoa dela erakusten dute, baina gure 1960-70 hamarraldietan aberatsa izanagatik hain bihurtua zen tamala antzerkiaren egoera autonomia aroan, non zaila baita oraindio bertako eta bertarako ekoizpena. Antzerkigintza hori, gaztelaniaren bertsioaren menpekotasunik gabekoa, talde amateurrek baino ez dute egin urteetan. Xabier Mendiguren esku trebearen lan hau Debako Goaz taldeak taularatu zuen 1992an, azpiegiturako hainbat arazo gainditu ostean. Antzerki liburuen salmenta hutsaren hurrengoa denez, mesede handia egiten diete egileari eta generoari argitalpena bermatua daukaten sariek. Corpus bat metatzen laguntzen dute, testuak eskuragarri bihurtuz.
Aza 18 14
Ez zen diruagatik Oiartzunen
Ana Jakaren Ez zen diruagatik nobelari buruz solas egingo dute azaroaren 18an (asteartea) 20:00etan Oiartzungo Manuel Lekuona kultur etxean.
Aza 18 14
Venusen delta Meatzaldean
Anais Nïnen Venusen delta liburua aztertuko dute azaroaren 18an (asteartea) 19:30ean Mealtzaldeko Haritzalde aretoan
Aza 18 14
Gerra txikia Lasarten
Lander Garrorekin Gerra txikia nobelaz mintzatuko dira azaroaren 18an (asteartea) 19:00etan Lasarteko Villa Mirentxun.
Aza 18 14
Han goitik itsasoa ikusten da Oñatin
Julen Gabiriarekin Han goitik itsasoa ikusten da nobelari buruz berba egingo dute azaroaren 18an (asteartea) 18:30ean Oñatiko liburutegian.
Aza 18 14
Andraizea, Irati Goikoetxea
Irati Goikoetxeak Andraizea liburua aurkeztuko du azaroaren 18an (asteartea) 12:00etan Donostiako Udal Liburutegi Mandas aretoan.
Aza 18 14
Historia, arraza, nazioa, Joxe Azurmendi
Joxe Azurmendik Historia, arraza, nazioa saiakera liburua aurkeztuko du azaroaren 18an (asteartea) 11:00etan Donostiako Elkar aretoan. Arratsaldeko 18:30ean solasaldia.
Aza 17 14
Frankestein Igorren
Mary Shelleyren Frankestein nobela aztertuko dute azaroaren 17an (astelehena) 17:00etan Igorreko kultur etxean.
Aza 17 14
Zazpigarren Ahotsenea
Durangoko Azoka egunetan 93 ekitaldi izango dira Ahotsenean, bi gune ezberdinetan: zuzeneko musika emanaldien karpa eta solasaldien karpa. Errezitaldi hauek iragarri dituzte: abenduaren 5ean Antonio Casado da Rochak Islandiera ikasten eskainiko du; eta abenduaren 6an Jose Luis Otamendik Kapital publikoa, Itxaro Bordak Zure hatzaren ez galtzeko, Danele Sarriugartek Erraiak eta Jule Goikoetxeak Tractatus. Ahotsenean liburu berriak aurkeztuko dituzte idazleok: Ernesto Prat, Eric Dicharry, Yolanda Arrieta, Pako Aristi, Fito Rodriguez, Alaine Agirre, Lander Garro, Juan Ramon Makuso, Unai Elorriaga, Patxo Telleria, Marikita Tambourin, Hasier Larretxea, Ana Urkiza, Garazi Kamio, Jon Arretxe, Irati Goikoetxea, Eider Rodriguez eta Ana Jaka.
Aza 14 14
Orpoz orpo Txantrean
Ernesto Praten Orpoz orpo nobelaz solas egingo dute azaroaren 14an (ostirala) 19:00etan Iruñean, Txantreako Biltokin.
Aza 14 14
Musika airean Beasainen
Karmele Jaioren Musika airean nobelaz jardungo dute azaroaren 14an (ostirala) 17:30ean Beasaingo Igartza jauregian.
Aza 13 14
Gerla Handia:
Noiz artio othe gira hemen?
Eskualduna-n, Alemaniako enperadorearen erretratua egiten segitu du: hura zen gerla piztu zuena, haren handinahia zen gatazkaren sorburua. “Alemanak hurbiletik” sailean, Jean Etxeparek gai klasiko bat landu du: 70eko gerlatik 14kora, alemanak beren burua prestatzen ibili dira; Frantziako politikariak, berriz, nora ezean ibili dira. Noiz artio iraunen du gerlak? Hainbat aldiz azaltzen den galdera da hori: erreketan sartuak gerla egiteko molde berri honekin, luze iraun dezake: “horra zertako baziren uste zutenak, gerla hunek ez zezakela iraun bizpahiru aste baino gehiago”. Gerlarien berrietan behin eta berriz agertzen den ideia da hori: “Noiz artio othe gira hemen? Hori dakiena ixilik dago”. Kirikiñok, Euzkadi-n, lubakiak egitera behartua izan zen nafar baten abenturen berri emanen digu, bai eta doixtarren basakerien berri ere Charleroin.