Aza 17 20
Xala Zornotzan
Cynthia Ozick idazlearen Xala berbagai hartuko dute azaroaren 17an (asteartea) 18:30ean Zornotzako liburutegian.
Aza 17 20
Hiru liburu berri Ganbila bilduman
Ganbila bilduman hiru liburu berri aurkeztuko dira azaroaren 17an (asteartea) 11:00etan Donostiako udal liburutegian.
Erika Olaizolaren Panpina, Sarah Kane idazlearen Zartatua eta 4.49 Psikosia eta Arantxa Iturbe eta Agurtzane Intxaurragaren Bidaideak.
Aza 17 20
Agurtzane Intxaurraga eta Arantxa Iturbe, Bidaideak
Testu teatroaren kalitatearekiko mira, euren sasoiko euskararekiko atxikimendua, eta, kasu askotan, emakumeen begirada sozial bati loturiko jarduna, beren belaunaldiko testuinguruan erreferentzia bakanetakoa izan dena. Agurtzane Intxaurragaren eta Arantxa Iturberen arteko elkarlana aitzindaria izan da, eta eredugarria. 1989an hasi zuen ibilbidea Hika antzerki taldeak, hainbat etapa ezagutu dituena. Eta une batean Arantxa Iturberen hitzak batzu zitzaizkion Agurtzane Intxaurragaren antzerki-senari, eta bien artean hainbat lan osatu dituzte. Ganbilako bildumara ekarri dugun Bidaideak honetan hiru elkartu ditugu: Ai ama! (2002), Ixa (2003) eta Aitarekin bidaian (2010). Taula gainean bezainbat goza ditzazuela orain paperean.
Aza 16 20
Hezurren erretura Hernanin
Miren Agur Meabe Hezurren erretura nobelari buruz arituko da azaroaren 16an (astelehena) 19:00etan Hernaniko Biteri kultur etxean. Gidaria: Kattalin Miner.
Aza 16 20
Sarah Kaneren antzerkiaren indarra
Euskarara ekarritako autore batekin ere badator Ganbila bildumaren hirugarren emanaldi hau: Sarah Kane. 28 urte besterik ez zituela hila, denbora laburrean lortu zuen eszena britainiarreko —eta gerora europarreko— erreferentziazko izen bat izatea, antzerki garaikidea ezagutzeko ezinbesteko egilea bilakatzea. Haren testuek gizarteak bazterrean utzitakoen egoera bortitzak jasotzen dituzte, Zartatua lanean ikus dezakegunez. 4.48 Psikosia, berriz, bere buruaz beste egin aurretik ospitale psikiatrikoan idatzitako testua dugu. Arantzazu Fernandezek itzuliak, liburuan bildu diren bi lanok adierazpen ukaldi latzak ditugu.
Aza 15 20
Erika Olaizolaren Panpina
Erika Olaizolaren imajinariotik, bulkadatik, adierazteko beharretik sortutako lan bat da Panpina. 2019ko udazkenean estreinatu zenetik, antzezlana emanalditik emanaldira hazten joan da. Publikoarekin berehalakoa izan da konexioa, eta gerora, autore eta antzezle den Erika antzezlanaren energiaz jabetu ahala, gero eta ozenago egin du eztanda haren oholtza gaineko indarrak, ordubeteko monologoan harrapatzen zaituena. Liburu honetara bildu dugu orain, Ganbila bildumara, Erika Olaizolak berak sormen prozesuari buruz idatzitako gogoetekin batera, eta baita han edo hemen bidaide izan dituen lagunek “panpina” kontzeptua buruan hartuta libururako idatzi dituzten ekarpenekin ere. Jolasten has zaitezke, irakurle.
Aza 12 20
Naparra kasu irekia Jon Alonso
Jon Alonsok Naparra kasu irekia liburua aurkeztuko du azaroaren 12an (osteguna) 11etan sarean. Argitaletxea: Elkar.
Aza 11 20
Kabitu ezina Durangon
Aintzane Usandizagaren Kabitu ezina hartuko dute hizpide azaroaren 11an (asteazkena) 19:00etan Durangoko liburutegian. Gidaria: Leire Bilbao.
Aza 11 20
Esnearen kolorekoa Azpeitiko Jabekuntza eskolan
Nell Leyshon idazlearen Esnearen kolorekoa hizpide izango dute azaroaren 11an (asteazkena) 18:00etan Azpeitiko Jabekuntza eskolan.
Aza 11 20
Moio Elorrion
Kattalin Miner idazlearen Moio izango dute berbagai azaroaren 11n (asteartea) 18:00etan Elorrioko Udal liburutegian. Gidaria: Mikel Antza.
Aza 11 20
Munduko Poesia Kaiera berriak: May Ayim eta Raymond Carver
Munduko Poesia Kaierak bildumaren bi liburu berri; May Ayim (Garazi Ugalde Pikabea itzultzaile) eta Raymond Carver (Harkaitz Cano itzultzaile) idazleen antologiak aurkeztuko dira azaroaren 11an (astezkena) 11:00etan Donostiako udal liburutegiko sotoan. Argitaletxea: Susa literatura.
Aza 11 20
Raymond Carver poeta
XX. mendeko ipuingile handienetakoa izateagatik da batez ere ezaguna Raymond Carver, baina poeta bikaina ere izan zen, Harkaitz Canok euskarara ekarritako antologia honetan egiazta daitekeenez. Beste idazle batzuen kasuan ez bezala, Carverrenean ipuingintza eta poesiagintza elkarloturik agertzen zaizkigu, halako moldez non poesiarekiko uzkur diren narrazio zaleentzat sarbide bikaina izan daitekeen. Egunerokotasunean iltzatutako poemak dira Carverrenak, non objektu (telefonoak, eskutitzak, eta beste) eta auzi etxetiarrak agertzen zaizkigun lehen planoan. Erdiko klaseko mundu estatubatuarraren testigantza ematen digute, bizi materialki ase baina gainontzean kamutsak agerraraziz; nolabait, XIX. mende akaberako poesia modernoko spleen (asperra, unadura) sentipen hori XX. mende erdiko AEBetara eraman zuen.
Aza 10 20
Atabala eta euria Astigarragan
Joseba Sarrionandiak idatzitako Atabala eta euria liburuaren gainean arituko dira azaroaren 10ean (asteartea) 19:30ean Astigarragako Erribera kulturgunea. Gidariak: Joannes Jauregi eta Isabel Etxeberria.
Aza 10 20
Etxera bidean Abadiñon
Xamar idazlearen Etxera bidean izango dute mintzagai azaroaren 10ean (asteartea) 19:00etan Abadiñoko Errota kultur etxean. Gidaria: Mikel Antza.
Aza 10 20
May Ayimen poema antologia
Poesiari ez zaio gehiegitan aitortzen zauria zauritzeko dohaina, baina perspektibarekin begiratuta, horixe izan zen May Ayim-en poesiaren bertute handienetakoa, hots, Holokaustoaren trauma nekez atzean uzten ari zen Alemaniaren zauria presente egitekoa. Hanburgon 1960an jaioa, ama alemaniar eta aita ghanatar banaren alaba, gaztetatik izan zuen interesa kultura afro-alemaniarrarekiko, eta Ratisbonako Unibertsitatean defenditutako tesiak ere horixe izan zuen gaitzat. Bere saiakerez kanpo, gai hori jorratzen dute Ayimen poema ugarik. Bereziki gurasokeriazko diskurtsoak zituen jomugatzat, arrazakeria isil hori, etorkorra dena ulerkorra bainoago. Irakurleari atsedenik ematen ez dion poesia da berea, ez boteretsuen ez besteen hobenik garbitzen ez duena. Orain euskaraz irakur daitekeena, Munduko Poesia Kaierak bildumarako Garazi Ugalde Pikabeak egindako itzulpenean.
