Ira 17 22
Henry David Thoreau Walden baso irakurraldia Alkizako Ur maran
Henry David Thoreau Walden irakurtzen arituko dira Hernaniko Kale irakurketako kideak irailaren 17an (larunbata) 18:00etan Alkizako Ur maran.
Ira 17 22
Saseta, Monzon eta Gudarien eginak Hondarribian
Saseta, Monzon eta Gudarien eginak poesia eta kantu emanaldiaren lehen agerpena egingo dute irailaren 17an (larunbata) 11:30ean Hondarribiko Itsas Etxea auditoriumean.
Ira 16 22
Katixa Agirre Berriz zentauro aurkezpen jaia Bilboko Biran
Katixa Agirrek Berriz zentauro nobelaren aurkezpen jaia antolatu du irailaren 16an (ostirala) 19:00etan Bilboko Bira tabernan.
Ira 16 22
Eduardo Blanco Amor-en Parranda
Narratiba galegoari berritasuna eman ziola Parranda (A esmorga, 1959) liburuak, hura modernosmoari begira jarriz, hala diote kritikariek. 1897ko irailaren 14an, duela 125 urte, jaio zen Eduardo Blanco Amor, idazle galego ezinbestekoa. Espainiako gerra bitartean poesía idatzitakoa, narratiba eta, batez ere, antzerkia landu zituen ondorenean. Bizitzaren garratza erakusten du Parranda eleberriak, testu heterodoxo eta ausart batean. Igela argitaletxeak 2015ean plazaratu zuen, Ramon Etxezarretaren itzulpenean. Hona liburuaren pasarteak, nobelan barneratzeko gonbit gisa.
Ira 15 22
Anton Txekhov31 ipuin Larrabetzun
Anton Txekhov idazlearen 31 ipuin liburua euskaratu du Iker Sancho Insaustik eta datorren irailaren 15an (osteguna) 19:00etan hizpide hartuko dute Larrabetzuko Anguleri kultur etxean.
Ira 15 22
Leslie Feinberg Mari-mutil handi baten bluesa Aretxabaletan
Leslie Feinberg idazlearen Mari-mutil handi baten bluesa izango dute hizketagai irailaren 15ean (osteguna) 18:00etan Aretxabaletako Kultur etxean.
Ira 13 22
Alice Munro Hartza mendi gainera igo zen Zumaian
Alice Munro idazlearen Hartza mendi gainera igo zen ipuina hartuko dute hizpide irailaren 13an (asteartea) 18:00etan Zumaiako irakurle taldean. Gidaria: Uxue Alberdi.
Ira 13 22
Nerea Ibarzabal Bar Gloria
Nerea Ibarzabal Salegik Bar Gloria nobela berria aurkeztuko du irailaren 13an (asteartea) goizeko 11etan Donostiako udal liburutegiko Mandas dukearen aretoan. Argitaletxea: Susa literatura.
Ira 12 22
Eider Rodriguez Eraikuntzarako materiala Lekeition
Eider Rodriguezen Eraikuntzarako materiala nobelari buruz berba egingo dute irailaren 12an (astelehena) 19:00etan Lekeitioko Galarrena elkartean.
Gidaria: Mikel Antza.
Ira 12 22
Iban Zaldua Ipuina engainua da
Iban Zalduak Ipuina engainua da liburu berria aurkeztuko du irailaren 12an (astelehena) 11:00etan Donostiako udal liburutegian, Mandas dukearen aretoan. Argitaletxea: Elkar.
Ira 11 22
Antton Lukuren Antso Azkarra Irunean
Antton Lukuk idatzitako Antso Azkarra edo Miramamolinen esmeralda jokatuko dute Peio Berteretxeren zuzendaritzapean Makeako herritarrek irailaren 11an (igandea) 18:00etan Iruñeko Santa Ana plazan.
Ira 10 22
Poesia eguna Oiartzunen
Poesia eguna ospatuko dute irailaren 10ean (larunbata) 11:00etatik aurrera Oiartzungo bidegorrian.
Ira 08 22
Joseba Sarrionandia eta Ines Osinaga Olatu arteko txalupa arraroa Donostian
Joseba Sarrionandia eta Ines Osinaga berbak eta kantuak uztartzen arituko dira Olatu arteko txalupa arraroa ikuskizunarekin irailaren 8an (osteguna) 19:00etan Donostiako Victoria Eugenia klubean. Poesia orduak.
Ira 08 22
Katixa Agirre Berriz zentauro
Katixa Agirrek Berriz zentauro nobela aurkeztuko du irailaren 8an (osteguna) 11:00etan Bilboko Pozas kaleko Elkar liburudendan. Argitaletxea: Elkar.
Ira 08 22
Nerea Ibarzabalen Bar Gloria nobela
Nerea Ibarzabal Salegiren nobela berria da Bar Gloria.
Egunaren zurrunbiloa noiz apalduko daude Ana, Rakel eta Migel, patxaran gozotan hirurei eusten dien sarea ehuntzen segitzeko. Idi buru bat dute zelatan —gorputz gaixo baten itzala ilunpean—, eta distantzia gutxira dute Paradise, desira ukatuen dantzaleku, gela erreserbatu eta moketazko hormekin; eta baita hiria ere, lagunarte berri, arrotz denaren aire urduri eta modernitatearen lokalizazioekin.
Mundu bat kabitzen da Gloria tabernako azuleju gorri eta gainazal koipetsuen artean, eta denboraren ate ezberdinetatik sartuko da irakurlea bertara kontakizun honetan. Jendea da haren zimendu, eta konplizitate uneek, isildutako bortxa-markek, lanordu konpartituek zein elkarrizketa tarteka mutuek epeldu bezala erreko dituzte habe horiek, beste batzuk eraikitzeko, akaso. Iragan hurbil baten hitzezko filmatze bat dakar Nerea Ibarzabal Salegiren estreinako nobelak. Asteartean aurkeztuko dugu Donostian, Mandasko Dukearen aretoan, goizeko 11etan, eta sarean irakur dezakezue Bar Gloria.