Literatur Emailuak

Gabriel Aresti gogoratuko dute Bilboko Loraldian

Gabriel Aresti gogoan izango dute martxoaren 11an (larunbata) Bilboko Loraldian. Goizeko 10:30ean Karmelo Landak gidatuta Ibaizabal itsasadarrean ibilbidea itsasuntzian Arestiren poesiako tokiak bisitatuz; bazkari ikuskizun berezia Kafe Antzokian –Sonia Gonzalez, Mikel Martinez, Miren Amuriza, Aire ahizpak…- eta iluntzean Otxarkoagako Ugarte plazan Biola bat ala mailu bat proiekzio merezia auzoko eraikinetan. Bilbon dabil Gabriel Aresti.

Iñigo Martinez Pantailen garaipena

Iñigo Martinez filosofoak Pantailen garaipena aurkeztuko du martxoaren 10ean (ostirala) 11:00etan Donostiako Elkar liburudendan. Argitaletxea: Elkar.

Slavenka Drakulic Han ez banengo bezala Aretxabaletan

Slavenka Drakulic idazlearen Han ez banengo bezala hartuko dute berbagai martxoaren 9an  (osteguna) 19:00etan Aretxabaletako irakurle taldean. Gidaria: Mikel Antza.

Hamabi ipuin gehiago eta sei ipuinlari berri ipuina.eus atarian

Campion, Azkue, Aresti eta Nemesio Etxanizen ipuin gehiago igo ditugu, egileen estilo eta gai desberdinak dastatzeko.
P. Eri, Mikel Azurmendi, Joxean Agirre, Bordari eta Juan Martin Elexpuruk lehen agerpena dute Ipuina.eus-en. Nork bere estiloan, kontaera finkoz osatutako lanekin datoz, ausart eta umoreko. Gozamen hutsa.
Xalbador Garmendiak aipamen berezia behar du. Sortzaile gisa apatzen den aldiro eta edonon, Historia triste bat antzerkiaren egiletzat hartzen da. Besterik ez. Mingarria da oso, Garmendia kemen handiko narratzailea genuelako. Hona hemen Juan San Martinek eta Serafin Basaurik antolatu zuten Hegatsez liburuan (1971):”Ipuin askoren egilea dugu, beretariko batzuk aldizkarietan zabaldurik daude, baina beste batzuk argitara gabeak. Guziak bildurik, merezi luke liburu berezi bat osatzea“.
Kemen handiko narratzailea izan genuen, kritika soziala literatura bihurtzen zekiena protagonista maitagarriren bitartez. Hiru ipuin igo dizkiogu, garratzak.

Irene Sola Nik kantatu eta dantza egiten du mendiak Elorrion

Irene Solaren Nik kantatu eta dantza egiten du mendiak liburuari buruz arituko dira martxoaren 8an (asteazkena) 17:30ean Elorrioko liburutegian. Gidaria: Mikel Antza.

Miren Agur Meaberen Kristalezko begi bat egungo literaturaren ikur

Amodiozko haustura batek eragindako minetik ihesi, bolada baterako Landetara joango da, adiskide batzuek utzitako etxera; eta han, idazten hartuko du sosegua, bizitzako galerei, bere izateari, desamodioari eta askatasunari, idazkuntzaren zentzuari buruzko gogoetak paperera ekarriz.

2013ko martxoan horrela aurkezten genuen Literatur Emailuetan Miren Agur Meabe idazlearen Kristalezko begi bat nobela.

Bilbo Zaharra forum

10 urte geroago, Bilbo Zaharra Forumean solasgai hartu dute lana, eta hiru egunez nobelaren gainean arituko dira.

• Uxue Alberdik gidatuta, Ane Labaka eta Nerea Ibarzabalek, nobelatik ateratako gaien inguruan kantatuko dute martxoaren 14an.
  
• Biharamunean –martxoaren 15ean–  Jule Goikoetxea eta Ibon Egañak aletuko dituzte bere ikuspegiak.
• Eta azkenik, martxoaren 16an Karmele Jaio eta Unai Elorriagaren txanda izango da.
• Gainera, ekainaren 8an, Kristalezko begi bat nobelaren irakurketa jarraitua egingo dute Bilboko Arriaga antzokian.
  

Irene Sola Nik kantatu eta dantza egiten du mendiak Abadiñon

Irene Solaren Nik kantatu eta dantza egiten du mendiak liburuari buruz arituko dira martxoaren 7an (asteartea) 19:00etan Abadiñoko Errota kultur etxean. Gidaria: Mikel Antza

James Joyce Ulises Iruñean

Xabier Olarrak  euskarari ekarritako James Joyceren Ulises nobelari buruz arituko dira  berriz ere martxoaren  7an (asteartea) 19:00etan Iruñeko Campana tabernan. Ulises irakurle taldea.

Arrate Egaña Itzalen distira Donostian

Arrate Egañarekin Izarren distira liburuari buruz arituko dira martxoaren 7an (asteartea) 19:00etan Donostiako udal liburutegian.Gidaria: Iñigo Aranbarri.

Joseba Sarrionandia Munduari bira eman zion ontzia Santutxun

Joseba Sarrionandiak Munduari bira eman zion ontzia hartuko du berbagai martxoaren 7an (asteartea) goizeko 10:00ean Santutxuko AEK euskaltegian. Darabilbo.

Irati Jimenez Ogia eta zirkua Donostian

Irati Jimenezek idatzitako Ogia eta zirkua saiakerari buruz arituko dira martxoaren 6an (astelehena) 19:00etan Ikasbide kultur elkartean, Donostian.

Iratxe Retolaza Irakurbide feministak euskal literaturan Arbizun

Iratxe Retolazak Irakurbide feministak euskal literaturan hitzaldia emango du martxoaren 6an (astelehena) 18:00etan Arbizuko udaletxean.

Miren Gorrotxategi 33 ezkil Donostian

Miren Gorrotxategiren 33 ezkil hizketagai izango dute martxoaren 6an (astelehena) 18:00etan Donostian, Okendo kultur etxean.

Roberto Juarrozen poesia bertikala

Poesia bertikala izenburuaren pean, 1etik 14ra zenbakituta hamalau poesia liburu argitaratu zituen Roberto Juarroz poeta argentinarrak 1958an hasi eta 1997ra bitarte. Beste poema solte batzuekin batera, horixe du obra. Kreazionista eta sinbolisten eraginpean idazten hasia, poesía kontzeptuala da berea, hitzen baitan absolutuaren bila murgiltzen dena. Liburuetan ere poemak izenbururik gabe, zenbakiz  ordenatuak ditu. Horien lagin ederra dakarkigu Iñigo Astizek, 17 poema euskaratuta.

Lander Garro Faith Iruñeko Zaldikon

Lander Garro idazlearen Faith nobelari buruz arituko dira otsailaren 24an (ortzirala) 19:30ean Iruñeko Zaldiko Maldiko elkartean.