Literatur Emailuak

Jokin Urain eta Iñaki Pikabea Piti Sorkuntza eta espetxea Etxarri

Jokin Urain eta Iñaki Pikabea Piti, Sorkuntza eta espetxea gaiaren inguruan arituko dira solasean  maiatzaren 10ean (asteazkena) 19:00etan Etxarriko Kultur etxean.

Amets Arzallus Miñan Agoitzen

Amets Arzallusek  Ibrahima Balderekin idatzitako Miñan liburuari buruz elekatuko dira maiatzaren 10ean (asteazkena) 18:00etan Agoizko Euskararen etxean.

Libe Goitia Artetxeren estreinako poema liburua

Sei geltokitatik igarotzen den zeharkaldi poetikoa osatu du Libe Goitia Artetxek Fast fatum poema liburuan. Gai agorrezinen bideetatik —partitzea, hiria, maitasuna, heriotza—, geografia propio bat eraiki du, eta intuizioz zein ziurtasunez betetako lerroen artean ageri da poeta bizitzaren zantzuak haztatzen —amaren eskuak, herdoilaren edertasuna, odolezko marrazkiak—, tradizioarekin zein adierazpide garaikideenekin elkarrizketa betean. Osorik irakur dezakezue sarean.

Libe Goitia Artetxe Fast Fatum

Libe Goitia Artetxek Fast Fatum poema liburua aurkeztuko du maiatzaren 9an (asteartea) 11:30ean, Donostiako Konstituzio plazako liburutegian. Argitaletxea: Susa.

Miriam Luki Argialdiak Literaturian

Miriam Lukik Mikel Ayerberekin Argialdiak ipuin liburua aurkeztuko du maiatzaren 7an (igandea) 13:30ean Zarauzko Literaturian.

Jon Urzelai Su festak Literaturian

Jon Urzelai Urbieta eta Antton Iturbek Su festak hartuko dute hizpide maiatzaren 6an (larunbata) 18:00etan Zarauzko Literaturian.

Libe Goitia Artetxe Fast Fatum Literaturian

Libe Goitia Artetxek eta Iñigo Astiz Fast Fatum poema liburu berriari buruz hizketan arituko dira maiatzaren 6an (larunbata) 13:00etan Zarautzen. Literaturia.

Jon Benito Manifestua Literaturia

Jon Benito idazleak irakurriko du Literaturiako manifestua maiatzaren 5ean (ostirala) 20:00etan, ekitaldi horrekin abiatuko da euskal literaturaren plaza Zarautzen.

Edorta Jimenez Hemingway eta Euskal Herria Baionan

Edorta Jimenez idazleak Hemingway eta Euskal Herria mintzaldia eginen du maiatzaren 4an (osteguna) 18:00etan Baionako Euskal museoan. Maitzaldia.

Juno Mac eta Molly Smith Puta zikinak Iruñean

Juno Mac eta Molly Smith egileen Puta zikinak Sexu-langileen eskubideen aldeko borroka euskaratu du Amaia Astobizak eta maiatzaren 3an (asteartea) 19:30ean aurkeztuko dute Iruñeko Karrikiri liburudendan

Jon Urzelai Su festak

Jon Urzelai Urbietaren Su festak maiatzaren 3an (asteazkena) 11:30ean aurkeztuko du Susa argitaletxeak Donostiako Konstituzio plazako liburutegian.

Su festak, Euskal Herriko musika jaialdiak XXI. mendean

Musika jaialdiek Euskal Herrian izan duten egitekoa aztertu du Jon Urzelai Urbietak Su festak saiakeran, mende erdian, eremu globalean zein lokalean jazotakoak harilkatuz: Mairuelegorretako kobetatik hasi, Woodstocken errepliketatik igaro, eta Kobetamendiko zein Irisarriko zelaietara heldu. Gerraosteko kontsumo gizartearen garapena, transgresioaren lilura, gaztetasunaren asmakizuna, folklorizazioa, gentrifikazioa, urbanoa irentsi nahi duen urbanismoa, eta beste arakatu ditu Urzelai Urbietak. Walden, Martxa eta Borroka, Guggenheim. Be basque eta normaltasun simulakroak. “Marka bat eraiki nahi da, ez herri bat”, ohartarazi du. Harekin, baina, gogo kolektibo garaikidea taupaka non den ere bistaratu du, non ari den tradizioa berritzen, non komunitatea bere burua berrimajinatzen. Oro ez baita erre usaina oraino.
Osorik irakur dezakezue sarean.

Su festak saiakeran aurkezpenean Jon Urzelai Urbietak irakurritakoa sarean jarri dugu denon eskura.

Juno Mac eta Molly Smith Puta zikinak Baionan

Juno Mac eta Molly Smith egileen Puta zikinak Sexu-langileen eskubideen aldeko borroka euskaratu du Amaia Astobizak eta maiatzaren 2an (astelehena) 18:30ean aurkeztuko dute Baionako Epaiska ostatuan.

Eneko Barberena Suak erreko ez balu Orbaizetan

Eneko Barberenak Suak erreko ez balu nobela beltza aurkeztuko du apirilaren 29an (larunbata) 19:00etan Orbaizetako udaletxeko aretoan. Goizean mendi ibilbidea egingo dute liburuko pasarteak gogora ekarriz.

Nerea Ibarzabal Bar Gloria Atarrabian

Nerea Ibarzabal Salegi Bar Gloria nobelari buruz arituko da apirilaren 29an (larunbata) 12:00etan Atarrabiako Kultur etxean. Karrikaluze.