Api 23 19
Obabakoak Altsasun
Bernardo Atxagaren Obabakoak hartuko dute hizpide apirilaren 23an (asteartea) 18:00etan Altsasuko liburutegian.
Api 23 19
Nola sustatu euskarazko irakurketa? Saran
Euskarazko irakurketa nola sustatu asmatzen saiatuko dira Lierni Arizaga kazetaria, Maider Bexagar liburuzaina, Peio D’Uhalt editorea, Lucien Etxezaharreta idazlea eta Maiatz argitaletxeko kidea eta Baionako Mediatekako Gilles Riviere liburuzaina apirilaren 23an (asteartea) 15:30ean Sarako idazleen biltzarrean.
Api 23 19
Egunero hasten delako irakurraldia Donostian
Ramon Saizarbitoriaren Egunero hasten delako nobela jendaurrean irakurriko dute apirilaren 23an (asteartea) 13:00etan Donostiako Gipuzkoa plazako liburu azokan, Liburuaren egunaren karietara.
Api 23 19
Euskal idazleen elkartea Sarako biltzarrean
Garbiñe Ubeda eta Peru Iparragirrek hitzaldi bana eskainiko dute idazle elkarteari buruz apirilaren 23an (asteartea) 11:00etan Sarako idazleen biltzarrean.
Api 23 19
Gailur ekaiztsuak irakurraldia Donostian
Emily Brontë idazlearen Gailur ekaiztsuak nobelaren irakurraldia egingo dute apirilaren 23an (asteartea) 10:30ean Donostiako Gipuzkoa plazako liburu azokan, Liburuaren eguneko ekitaldi sortaren barruan.
Api 23 19
XXI. mendeko euskal literaturari buruz Saran
Itziar Madinak XXI. mendeko euskal literatura aztertuko du apirilaren 23an (asteartea) 9:30ean Sarako idazleen biltzarrean.
Api 22 19
Afoniak Sarako idazleen biltzarrean
Xabi Erkizia, Arantxa Iturbe eta Lucas Rullok berriz idazleen ahotsak bilduz sortutako Afoniak emanaldi berezia eskainiko dute apirilaren 22an (astelehena) 16:00etan Sarako idazleen biltzarrean.
Api 22 19
Etxera bidean eta Douvosin kapitainaren malura Saran
Juan Carlos Etxegoien Xamar idazleak Etxera bidean eta Kepa Altonagak berriz Douvoisin kapitainaren malura aurkeztuko dute apirilaren 22an (astelehena) 15:30ean Sarako idazleen biltzarrean.
Api 22 19
Poema bat da herri hau Saran
Itxaro Bordak eta Severine Dabadie argazkilariak Poema bat da herri hau liburua aurkeztuko dute apirilaren 22an (astelehena) 15:00etan Sarako idazleen biltzarrean.
Api 19 19
Sarako idazleen biltzarra
Beste behin, eta badira 36 edizio dagoeneko, Sarako idazleen biltzarra ospatuko da. Aurtengoan bi egun hartuko ditu biltzarrak Sarako kiroldegian eta bere liburuekin izango dira idazleak apirilaren 22an eta 23an. Ekitaldi sorta oparoa izango da astelehen eta asteartez eta besteak beste egitarauko zenbait saio ekarri ditugu hona. Itxaro Bordak eta Severine Dabadie argazkilariak Poema bat da herri hau liburua aurkeztuko dute Elkar argitaletxearen eskutik. Pamiela argitaletxeko nobedadeak aurkeztuko dituzte Juan Carlos Etxegoien Xamar eta Kepa Altonaga idazleek: Etxera bidean eta Douvoisin kapitainaren malura. Xabi Erkizia, Arantxa Iturbe eta Lucas Rullok berriz idazleen ahotsak bilduz sortutako Afoniak emanaldi berezia eskainiko dute. Itziar Madinak XXI. mendeko euskal literatura aztertuko du eta Euskal idazleen elkarteko Garbiñe Ubedak eta Peru Iparragirrek hitzaldi bana emango dute elkartearen izenean. Azkenik euskarazko irakurketa nola sustatu asmatzen saiatuko dira Lierni Arizaga kazetaria, Maider Bexagar liburuzaina, Peio D’Uhalt editorea, Lucien Etxezaharreta idazlea eta Maiatz argitaletxeko kidea eta Baionako Mediatekako Gilles Riviere liburuzaina.
Api 18 19
Iñigo Astizen zortzi poema, hondakindegitik erreskatatuak
Datozen asteotan kaleratuko da Analfabetoa, Iñigo Astizen bigarren poema liburua. 2012an argitaratu zuen estreinakoa, Baita hondakinak ere. Orduko poemak oinarri hartuta, Hondakindegia eskaini zuen 2014an, Mikel Ayerberekin batera. Performancea ere izan zen errezital hartatik erreskatatu ditugu zortzi poemok:
Esperimentu biopolitikoa kalean
Maitasun sorpresa demografikoa
Errautsak
Tomateez aitarekin
Infinitua dastatzeko
Hil berri den aitaren arrastoa besarkatzeko
Objektuak
Euskal Herria (Ginsberg erara)
Api 18 19
Victor Hugoren Parisko Notre Dame
Parisko Andre Maria 1482 izenburuarekin argitaratu zen Victor Hugoren nobela 1931ko martxoaren 16an, aurrena hiru kapitulu kenduta eta urtebete geroago osorik. Lan honetan Notre Dame katedrala bipildu egiten da, eta aste honetako sutearen karietara 1997an Iñaki Azkunek Erein argitaletxean argiratu zuen euskarazko bertsioa ekarri gura izan dugu gogora.
Api 17 19
Lekuak Garoan
Bernardo Atxagaren Lekuak hartuko dute hizketagai apirilaren 17an (asteazkena) 19:30ean Zarauzko Garoa liburudendan.
Api 17 19
Maleta Burlatan
Sergei Dovlatoven Maleta mintzagai izanen dute apirilaren 17an (asteazkena) 19.30ean Burlatako irakurle taldean.
Api 17 19
Feriatzaileak Iruñean
Patxi Larrionen Feriatzaileak nobelari buruz mintzaturen dira apirilaren 17an (asteazkena) 19:30ean Iruñeko San Frantzisko liburutegiko irakurle taldean.
