maiatza
09
19
Literaturiaren edizio berri bat izango dugu asteburu honetan Zarautzen. Ostiraletik igandera literaturarekin lotutako emanaldi, liburu aurkezpen, hitzaldi eta tailerrak izango dira herriko gune ezberdinetan. Urtero bezala, aurten ere larunbatean -goiz eta arratsalde- eta igande goizean liburu azoka izango da Musika plazan. Susa argitaletxeak udaberriko nobedadeak zuzenean aurkezteaz gain, katalogoko liburuak izango ditu eskuragai literaturzalearentzat. Jose Luis Otamendik eta Iñigo Astizek errezitaldiak egingo dituzte Garoa liburudendan Disoluzio agiriak eta Analfabetoa poema liburuak aurkezteko; Beñat Sarasolak Uxue Apaolazarekin egingo du solasaldia Deklaratzekorik ez nobelaren gainean eta Miren Agur Meabek Josune Muñozekin batera aurkeztuko du Hezurren erretura narrazio liburu berria. Garazi Arrulak eta Ion Olanok Idea Vilariño eta Cesare Paveseren Munduko poesia kaierak aurkeztuko dituzte igande goizean.
maiatza
08
19
Elena Ferranteren Adiskide paregabea mintzagai izanen dute maiatzaren 8an (asteazkena) 18:00etan Leitzako irakurle taldean.
maiatza
08
19
Jose Luis Otamendik Disoluzio agiriak poema liburuan oinarritutako errezitaldia egingo du maiatzaren 8an (asteazkena) 19:30ean Bilboko Bira kulturgunean.
maiatza
08
19
Sergei Dovlatoven Maleta izango dute hizpide maiatzaren 8an (asteazkena) 19:30etan Burlatako irakurle taldean.
maiatza
08
19
Giorgio Bassaniren Finzi Continiren lorategia hizketagai izango dute maiatzaren 8an (asteazkena) 19:00etan Barañaingo irakurle taldean.
maiatza
08
19
Yoseba Peñarekin Hariak nobelari buruz egingo dute berba maiatzaren 8an (asteazkena) 19:00etan Berriatuako liburutegian.
maiatza
08
19
Iñigo Astizek Analfabetoa aurkeztuko du maiatzaren 8an (asteazkena) 11:00etan Donostiako Pandora tabernan. Argitaletxea: Susa.
maiatza
07
19
Irati Elorrietaren Neguko argiak liburuari buruz mintzatuko dira maiatzaren 7an (asteartea) 19:30ean Donostiako Udal liburutegiko irakurle taldean.
maiatza
07
19
Baita hondakinak ere argitaratu zuenetik zazpi urte igaro direnean ikusiko du argia Iñigo Astizen bigarren poema liburuak. Analfabetoa. Denok gara analfabeto iberieraz idatzitako inskripzio baten aurrean, baina horrek ez du esan nahi gaur egun inguratzen gaituzten mezuak osotasunean ulertzen ditugunik. Hain zuzen ere, kodeak, zeinuak ulertzeko saiakerak —batzuetan ezintasunak, beste batzuetan ulertzeak ematen duen poz txikiak— zeharkatzen du Astizen liburua. Maiatzaren 8an aurkeztuko du, Donostiako Pandora tabernan.
maiatza
07
19
Castillo Suarez poetak Irautera liburua aurkeztuko du maiatzaren 7an (asteartea) 11:00etan Donostiako Elkar liburudendan. Argitaletxea: Elkar
maiatza
06
19
Danele Sarriugarte Azala erre liburuari buruz arituko da maiatzaren 6an (astelehena) 18:00etan Baionako Mediatekan. Baionako Irakurle Kluba.
maiatza
03
19
Harkaitz Canoren Fakirraren ahotsa liburuari buruz hizketan arituko dira maiatzaren 3an (ostirala) 19:30ean Eako Eskolondon.
maiatza
03
19
Bea Salaberrirekin Baionak ez daki liburuaz arituko dira maiatzaren3an (ostirala) 19:30ean Mauleko mediatekan, Barnekaldeko Irakurle Klubean.
maiatza
03
19
Miren Gorrotxategiren 33 ezkil berbagai izango dute maiatzaren 3an (ostirala) 18:00etan Durangoko Andraguneko irakurle taldean.
maiatza
03
19
Ramon Saizarbitoriaren Egunero hasten delako nobelaren 50. urteurrenean berragirtalpen berezia aurkeztuko dute maiatzaren 3an (ostirala) 11:00etan Donostiako udal liburutegian. Argitaletxea: Erein.
