maiatza 30 19
Frankenstein Getarian
Mary Shelleyren Frankenstein hizketagai izango dute maiatzaren 30ean (asteartea) 18:30ean Getariako irakurle taldean.
maiatza 29 19
Sukkwan irla Mendillorrin
David Vann idazlearen Sukkwan irla nobelari buruz arituko dira maiatzaren 29an (asteazkena) 19:30ean Mendillorriko liburutegian.
maiatza 29 19
Liburu azoka Ziburun
Euskal disko eta liburu azoka antolatu dute ekainaren 1ean (larunbata) Ziburun. Goizeko 11:00etatik arratsaldeko 20:00ak arte Ziburuko herriko plaza gure literaturako nobedade eta lanez mukuru egonen da. Ziburuko Baltsan elkarteak halaber Argia astekaria omendu gura izan du bere mendeurrenean. Susa literatura argitaletxea, Euskal Herriko beste hainbatekin batera Ziburuko azokan izanen da.
Ziburun euskal literaturak izan duen tradizioa ezagutzeko aukera izango dute bertara gerturatzen direnek, Joanes Etxeberri (1580-1665), Piarres Etxeberri (XVII. mendea), Pierre Argaiñaratz (XVII. mendea), Beñat Gazteluzar (1619-1701), Jan Battista Kamusarri Murgi (1815-1842) eta Piarres Larzabal (1915-1988) idazle ziburutarrak nabarmenduz.
maiatza 28 19
Waterloon galdutakoak Antsoainen
Xabier Etxaniz Rojoren Waterloon galdutakoak hartuko dute hizpide maiatzaren 28an (asteartea) 19:30ean Antsoaingo irakurle taldean.
maiatza 28 19
Migel Marmolen hamaika eta bat jaiotzak Iruritan
Dani Fano Migel Marmolen hamaika eta bat jaiotzak nobela grafikoari buruz solasean arituko da maiatzaren 28an (asteartea) 19:00etan Iruritan. Idazleekin solasean elkartea.
maiatza 24 19
Basa Ean
Miren Amurizaren Basa nobela hartuko dute berbagai maiatzaren 24an (ostirala) 19:30ean Eako Eskolondon.
maiatza 23 19
Oker ttiki garrantzigabeak Zarautzen
Antonio Tabucchiren Oker ttiki garrantzigabeak liburua hartuko dute hizketagai maiatzaren 23an (osteguna) 19:30ean Zarauzko Garoa liburudendan.
maiatza 23 19
Bihotz handiegia Hendaian
Eider Rodriguez Bihotz handiegia hizpide hartuta arituko da maiatzaren 23an (osteguna) 18:30ean Hendaiako Baleak elkartean.
maiatza 22 19
Disoluzio agiriak Iruñean
Jose Luis Otamendik Disoluzio agiriak poema liburuan oinarritutako errezitaldia egingo du maiatzaren 22an (asteazkena) 19:30ean Iruñeko Karririkin.
maiatza 22 19
Fakirraren ahotsa Tolosan
Harkaitz Cano Fakirraren ahotsa liburuari buruz hizketan arituko da maiatzaren 22an (asteazkena) 19:00etan Tolosako kultur etxean, Galtzaundik sustatutako irakurle taldean.
maiatza 22 19
Eider Rodriguez eta Itxaro Borda solasean Baionan
Eider Rodriguez eta Itxaro Borda literaturari buruz solasean arituko dira maiatzaren 22an (asteazkena) 18:30ean Baionako Euskal museoan. Maiatzaldia.
maiatza 21 19
Larrutik ordaindua Eibarren
Joseba Lozanoren Larrutik ordaindua hartuko dute berbagai maiatzaren 21ean (asteartea) 19:00etan Eibarko Juan San Martin liburutegian.
maiatza 21 19
Amek ez dute Lasarten
Katixa Agirreren Amek ez dute liburua izango dute hizketagai maiatzaren 21ean (asteartea) 18:30ean Lasarteko irakurle taldean.
maiatza 21 19
Binyavanga Wainaina hil da
2002an Caine saria irabazi eta literaturaren sustapenerako Kwani? agerkaria sortu zituenean ezagun egiten hasi zen Binyavanga Wainaina kenyarra. Urte batzuk geroago sareak astindu zituen Nola idatzi Afrikari buruz artikuluarekin, hainbat estereotipori aurre egiten baitie testu ironiko horretan. 2011n Egunen batean toki honi buruz idatziko dut: memoria bat liburua kaleratu zuen, testu bikain batean Afrikaz mendebaldean zabaltzen den irudia irauliz, kritikatuz, erakutsiz egungo belaunaldi gazteek bestelakoa dela bizi duten Afrika, erakutsi nahi dutena… LGTBI aktibista, idazle eta kultur eragilea, 48 urte zituela hil da maiatzaren 21ean Binyavanga Wainaina. Elearazi webgunean euskaratu zuen Danele Sarriugartek Nola idatzi Afrikari buruz, irakurgai daukazuena.
maiatza 20 19
Nanni Balestrini idazlearen gutuna irakurle esperientziagabe eta baketsuari
Asteon hil da Nanni Balestrini idazlea, maiatzaren 20an. Militante politikoa izanik Italiako 1968an parte hartu zuen. Novissimi eta Gruppo 63 neoabangoardietako kidea izan zen. 1977ko mugimenduaren ostean erbestearen eta espetxearen artean hautatu behar izan zuen. Baina idazten jarraitu zuen. Euskaraz, Ikustezinak liburu ezaguneko pasarte bat ekarri zuen euskarara Joserra Utretxek 1990ko martxoan plazaratutako Susa 25 aldizkarian. Hedoi Etxartek, Sinplistak liburua aurkezteko osatu zuten fantzine bateko Balestrinien testu baten itzulpena eskaini digu: Gutuna nire irakurle esperientziagabe eta baketsuari. Testu hori La violenza ilustratta libururako hitzaurre moduan idatzi zuen Balestrinik.