Literatur Emailuak

Ryszard Kapu?ci?ski Kristo fusilarekin Erandion

Ryszard Kapu?ci?skiren Kristo fusilarekin liburuari buruz arituko dira apirilaren 28anan (osteguna), 19:00etan Erandioko Altzaga liburutegian. Gidaria: Iñigo Astiz.

Irati Jimenez Begiak zabalduko zaizkizue Larrabetzun

Irati Jimenez idazleak Begiak zabalduko zaizkizue saiakera aurkeztuko du apirilaren 28an (osteguna) 19:00etan Larrabetzuko Anguleri kultur etxean.

Aiora Jakarekin Nirliit hizpide hartuta Erratzun

Aiora Jaka itzultzailearekin Nirliit liburuari buruz arituko dira apirilaren 28an(ortzeguna) 19:00etan Erratzun, Idazleekin solasean zikloaren baitan.

Joxean Agirre Adiskide bat nuen Zarautzen

Joxean Agirreren Adiskide bat nuen nobelari buruz solas egingo dute apirilaren 28an (osteguna) 18:30ean Zarauzko liburutegian.

Maddi Ane Txoperenaren Ene baitan bizi da Eskoriatzan

Maddi Ane Txoperenaren Ene baitan bizi da liburuari buruz arituko dira apirilaren 28an (osteguna) 18:00etan Eskoriatzako kultur etxean. Gidaria: Mikel Antza.

Andrei Kurkov Piknika izotzetan Lekeitioko institutuan

Andrei Kurkov idazlearen Piknika izotzetan liburuari buruz arituko dira apirilaren 28an (osteguna) 15:45ean Lekeitioko institutuko irakurle taldean.

Gabriel Ferrater, 50 urte

1972ko apirilaren 27an, 50 urte betetzeko 27 egun falta zitzaizkiola, bere buruaz beste egin zuen Gabriel Ferrater poetak, duela 50 urte. Adin horretatik aurrera bizitzen jarraitzea ez zuela merezi sarritan esana zen, eta bete. Ordura arte, hala ere, bizitza intentsoa izan zuen, eta jardun poetiko sakona, produkzio handikoa izan ez bazen ere. Bere poesiaren oinarrian begirada moral eta psikologikoa dagoela, baina irudi konkretuen bitartez emana, ez abstraktuki, diosku Beñat Sarasolak Munduko Poesia Kaierak bilduman idazle katalanaren antologiari egindako hitzaurrean. Haren heriotzaren urteurrena, Aritz Galarragak euskarari ekarritako poema antologia irakurtzeko parada aproposa.

Munduko Poesia @Kaierak
Gabriel #Ferraterhttps://t.co/5JIUMRx0EZ

Itzultzailea: @aritzgalarraga@AnyFerrater @GabrielFerrater pic.twitter.com/r8dLwunvKw

— ARMiARMA.eus (@armiarma) April 27, 2022

Santi Leoné Liztor mutanteak Iruñeko Zaldikon

Santi Leonék Liztor mutanteak liburu berria aurkeztuko du apirilaren 27an (asteazkena) 20:00etan Iruñeko Zaldiko Maldiko elkartean. Aurkezlea: Jaume Gelabert.

Karmele Jaio Aitaren etxea Sarrigurenen

Karmele Jaioren Aitaren etxea nobelari buruz solas egingo dute apirilaren 27an (asteazkena) 19:00etan Sarrigurengo irakurle taldean. Gidaria: Nerea Balda.

Alaine Agirreren Kamisoi zuri zetazkoa Barakaldon

Alaine Agirrerekin Kamisoi zuri zetazkoa liburuari buruz arituko dira apirilaren 27an (asteazkena) 18:00etan Barakaldoko Clara Campoamor kultur etxean.

Harkaitz Cano poesia, poetika eta beste Chicagoko unibertsitatean

Harkaitz Canok ingelesez argitaratutako Good Wolf, Bad Wolf poema antologia aurkeztu eta errezitaldia eskainiko du, eta ostean Harkaitz Cano: poesia eta poetika izenburupean hitzaldia izango da apirilaren 27an (asteazkena) 16:30ean Chicagoko unibertsitateko Classics 21 aretoan.

Lana kontukantari

Maiatzaren 1eko Langileen Nazioarteko Egunaren harira, Lanarteak, Euskararen Langile Profesionalen Elkarteak, Lana kontukantari sareratu du, lana hizpide duten testu, kantu eta bertsoen sorta bat. Literaturari dagokionez, 26 aleko zerrenda bat da, kantu eta kontu, olerki eta bertso, prosa eta poesia batuz osatutakoa. Bertan, Emeterio Arrese, Xabier Lizardi, Lauaxeta, Gabriel Aresti, Juan Mari Lekuona, Joxe Azurmendi, Julen Lekuona, Daniel Landart eta beste hainbat idazleren aleak irakur daitezke.

Idoia Santamaria eta Lander Majuelo Eta Sebald Gernikatik itzuli zen Leipzigeko unibertsitatean

W.G. Sebald idazlearen Austerlitz euskaratu ostean,  aurkezteko Eta Sebald Gernikatik itzuli zen hitzaldia eskeiniko dute Idoia Santamaria itzultzaileak eta Lander Majuelo Igela argitaletxeko editoreak apirilaren 27an (asteazkena) 13:15ean Leipzigeko unibertsitatean.

Eider Rodriguez eta Patxi Zubizarreta Eraikuntzarako materiala hizpide hartuta Gasteizen

Eider Rodriguez eta Patxi Zubizarreta idazleak Eraikuntzarako materiala nobelari buruz arituko dira apirilaren 26an (asteartea) 19:00etan Gasteizko Villasuso jauregian.

Karlos Cid Abasoloren poemekin Babel poetikoa Madrilen

Karlos Cid Abasolo idazlearen poemak euskaraz eta beste hainbat hizkuntzatan errezitatuko dituzte Babel poetikoa deitu dioten emanaldian apirilaren 26an (asteartea) 19:00etan Madrilgo hizkuntza eskolan.
Keinu konplizeak eta Laztanak eta aizkorak liburuetako poemak euskaraz, galegoz, katalanez, portugesez, txekieraz, nederlanderaz, gaztelaniaz, ingelesez eta ukranieraz irakurriko dituzte hizkuntza eskolako ikasleek.