maiatza 25 22
Uxue Alberdi Dendaostekoak Sarrigurenen
Uxue Alberdiren Dendaostekoak liburuari buruz berbetan arituko dira maiatzaren 25ean (asteazkena) 19:00etan Sarrigurengo Oihanburu salan. Gidaria: Nerea Balda.
maiatza 25 22
Kepa Iribar 72 ordu
Kepa Iribarek 72 ordu izeneko nobela aurkeztuko du maiatzaren 25ean (asteazkena) 11:00etan Donostiako udal liburutegian. Argitaletxea: Erein.
maiatza 24 22
Annie Ernaux Gertakizuna Zaraitzuko irakurle taldean
Annie Ernaux idazlearen Gertakizuna liburuari buruz hitz egingo dute maiatzaren 24an (asteartea) 19:30ean Ezkarozen, Zaraitzuko irakurle taldean.
maiatza 24 22
Virginie Despentesen King Kong teoria Aurizberrin
Virginie Despentesen King Kong teoriaz mintzatuko dira maiatzaren 24an 18:30ean Aurizberriko liburutegian.
maiatza 22 22
Cecil Day-Lewisen Nabarra
1972ko maiatzaren 22an hil zen Cecil Day-Lewis idazlea. 30etako idazle ingelesen artean erreferentzia ezinbestekoa, militante komunista, beste zenbait idazle garaikidek bezala, Espainiako 36ko gerrarekin harreman estua izan zuen. Eta Euskal Herriarekin: The Nabarra poema luzea ondu zuen Euzkadiko Gudontzidiko bou ezagunaren ibilera eta borroka oinarri hartuta. Luigi Anselmik euskaratu zuen Idatz&Mintz-entzat (Bolondresa poema ere badator Nabarra-ren edizio horretan), 2003an, eta hiru urte geroago Jose Luis Padronek beste itzulpen bat egin zuen Bassarairen edizio hirueledunerako, Bere izena Nabarra izenburuaz. Sarean irakurgai dagoen lehenaz gain, bigarren itzulpen hau eta honetarako Gabriel Insaustik egindako aurkezpena ere (obraz, garaiaz, estiloaz eta Day-Lewisez) online jarri ditugu. Igela argitaletxeak ere Piztiak hil behar du polizia-eleberria, Day-Lewisek Nicholas Blake ezizenaz plazaratua, argitaratu zuen, Estibaliz Lizasok euskaratua.
maiatza 22 22
Itxaro Borda, Amaia Hennebutte eta Ur Apalategi kafe literarioan Donibane Lohitzunen
Amaia Hennebutte, Itxaro Borda eta Ur Apalategi literaturaz solasaean arituko dira maiatzaren 22an (igandea) 10:00etan Donibane Lohitzuneko Maitena trinketean.
maiatza 20 22
Leire Vargas, Oihana Arana eta Miren Amuriza Dena ametsa den irudipenaz Arrazolan
Leire Vargasen Dena ametsa den irudipena poema liburuari buruz solasean eta kantuan arituko dira Oihana Arana eta Miren Amuriza maiatzaren 20an (ostirala) 20:30ean Arrazolako Amillena bentan.
maiatza 20 22
Amets Arzallus Miñan Ean
Amets Arzallus eta Ibrahima Baldek idatzitako Miñan liburuari buruz hizketan jardungo dira maiatzaren 20an (ostirala) 19:30ean Eako Eskolondon.
maiatza 20 22
Gabriel Ferrater poetaren mendeurrena
1922ko maiatzaren 22an jaio zen Reus-en Gabriel Ferrater. Editorea Seix Barrall argitaletxean, irakaslea unibertsitatean eta, batez ere, poeta izan zen, 50 urte bete aurretik bere buruaz beste egin aurretik. Aurten bere jaiotzaren mendeurrena ospatzen ari dira Katalunian, eta bere poemen oihartzunak gurera ere heltzen dira, ez oso aspaldi euskarari ekarritako lanak ere argitaratu izan direlako. Zenbait poeta katalan antologia osatu eta itzuli zuen Gerardo Markuletak 1997an eta Literatura Unibertsala sailean argitaratu. Berrikiago, Aritz Galarragak Munduko Poesia Kaierak bilduman, Gabriel Ferrater poetaren lanak euskaratu zituen eta argitara eman, Beñat Sarasolaren hitzaurrearekin.
Gabriel #Ferrater jaio zen duela 100 urte. @AnyFerrater https://t.co/aCuWqJnxEs pic.twitter.com/LRrRh5UprR
— ARMiARMA.eus (@armiarma) May 20, 2022
maiatza 19 22
Miren Agur Meabe Sukaldaritza eta poesia Gasteizen
Miren Agur Meabe idazlea Mikel Peña sukaldariaren ondoan arituko da Sukaldaritza eta poesia ekitaldian maiatzaren 19an (osteguna) 20:15ean Gasteizko Poetak maiatzean egitarauaren baitan.
maiatza 19 22
Xabi Borda Urtu aurretik Zarautzen
Xabi Bordak Urtu aurretik poema liburuan oinarritutako errezitaldia egingo du maiatzaren 19an (osteguna) 19:00etan Zarauzko Garoa liburudendan.
maiatza 19 22
Joseph Brodsky Ur-marka Donostian
Rikardo Arregi Diaz de Heredia eta Nerea Arruti Joseph Brodsky idazlearen Ur-marka saiakerari buruz solasean arituko dira maiatzaren 19an (osteguna) 18:30ean Donostiako Tobacco Days liburudendan.
maiatza 14 22
Ainara Maia Hatsaren poesia Sormenen
Ainara Maiak Hatsaren poesia 2021eko lanen bilduma aurkeztuko du maiatzaren 14an (larunbata) 14:00etan Galdakaoko Sormenen.
maiatza 14 22
Xabi Borda Urtu aurretik Sormenen
Xabi Bordak Urtu aurretik aurkeztuko du maiatzaren 14an (larunbata) 13:30ean Galdakaoko Sormenen.
maiatza 14 22
Asel Lusarraga Katuak jandakoa Galdakaoko Sormenen
Asel Lusarragak Katuak jandakoa aurkeztuko du maiatzaren 14an (larunbata) 13:00etan Galdakaoko Sormenen.