Literatur Emailuak

Juliana Leveille-Trudel Nirliit Donostian

Juliana Leveille-Trudel idazlearen Nirliit liburuari buruz arituko dira irailaren 9an (asteartea) 19:00ean Donostian, San Jeronimoko liburutegian. Donostia kultura.

Miren Amuriza Pleibak Atarrabian

Miren Amuriza ren Pleibak liburuari buruz arituko dira irailaren 9an (asteartea) 19:00etan Atarrabiko Lapikon.

Lurdes Iriondo isilarazitako ahotsa Donostian

Lurdes Iriondo, isilarazitako ahotsa errezitaldi musikatua egingo du  Jon Martinek  Irati Odriozola eta Ainhoa Ansa musikarekin irailaren 8an (astelehena) 19:00etan Donostiako Victoria Egueniako klubean. Poesia orduak.

Itziar Ugarte, Harkaitz Cano eta Jose Luis Otamendi Poeta bat zure sukaldean Oiartzunen

Harkaitz Cano, Itziar Ugarte eta Jose Luis Otamendik Poeta bat zure sukaldean errezitaldiak egingo dituzte herritarren etxeetan irailaren 8tik 10era 19:00etan Oiartzunen. Poesia egunak.

• Irailaren 8an, (astelehena) Jose Luis Otamendi, Done Eztebe plaza 12 2Bn.
  
• Irailaren 9an (asteartea) Harkaitz Cano, Iradi bidea 16 eskuinean.
• Irailaren 10ean (asteazkena) Itziar Ugarte, Arraskuelarre kalea 10, 2. ezkerrean.
  
  

Yolanda Arrieta Etxe bat poesia errezitaldia

Yolanda Arrieta idazleak eta Peru Galbete musikariak Etxe bat poesia errezitaldi musikatua egingo dute irailaren 6an (larunbata) 18:30ean Oiartzungo Landetxe kultur aretoan. Poesia egunak.

Mendeurrenak

Angel Gonzalez

Mendea beteko zuketen irailaren 6an idazle diferente bik: Angel Gonzalez eta Andrea Camilleri. Poeta izan zen Angel Gonzalez, frankismoan Espainiako belaunaldi berriekin batera idazten hasi zena, 30 urte betetzerako liburuak argitaratzen. Poesia soziala egiten zutenen artean kokatu zuten hasmentan, baina bide propio aberatsa jorratu zuen gerora. Gerardo Markuletak ekarri zuen euskarara haren lanaren antologia bat, Munduko Poesia Kaieren baitan argitaratu zena.

Camilleri

Eleberrigilea izan zen Camilleri. Profesionalki antzerki mundukoa, gidoilari, zuzendari… lanean jardundakoa, oso berandu arte ez zuen argitaratu. Ia 70 urte zituela argitaratzen hasitako istorio beltzekin eta bereziki Salbo Montalbano ikertzailearen sailarekin lortu zuen arrakasta handia, mundu osoan. Euskaraz irakur daitezke bere hiru liburu, eta horietako bateko lau narrazio eman zizkigun Fernando Reyk.

Jabier Kaltzakorta Bereterretxeren kantorea Etxebarren

Bereterretxen kantorea hizpide hartuko dute Jabier Kaltzakortarekin irailaren 5ean (ostirala) 19:00etan Etxebarrengo arrabotû plazan.

Heriotzak Eduardo du izena poesia ez-errezitala Oiartzunen

Heriotzak Eduardo du izena poesia ez-errezitala eskainiko du Formol laborategiak irailaren 5ean (ostirala) 19:00etan Oiartzungo Landetxe kultur aretoan. Poesia egunak.

103 urteko poemak

1914ko irailaren 5ean jaio zen Nicanor Parra idazle txiletarra. XX. mendea korritutako poeta izan zela esatea ez da gehiegikeria Parraren kasuan, izan ere 103 urte beteta zendu baitzen antipoesiaren poeta gailena izan zena (hura hil eta urtebetera hil zen Bernard Dadie idazle bolikostarra, 103 urtez hau ere).  Txiletarrak mendea bete zuenean hamar poema ekarri zizkion euskarari Josu Landak, eta hamabost hurrengo urtean Garazi Arrulak. Merezi du gogoratzea eta irakurtzea gaur, antipoeta hil zela 111 urte betetzen direla (eta merezi, baita ere, Dadieren poemez akordatzea, haren mendeurrenean euskarari ekarritakoak).

Poesia egunak Oiartzunen

Poesia egunak antolatu dituzte Oiartzunen. Heriotzak Eduardo du izena poesia ez-errezitala eskainiko du ostegun honetan Formol laborategiak. Biharamunean, Yolanda Arrieta idazleak eta Peru Galbete musikariak Etxe bat poesia errezitaldi musikatua egingo dute. Azkenik, aipagarria da Harkaitz Cano, Itziar Ugarte eta Jose Luis Otamendik Poeta bat zure sukaldean errezitaldiak egingo dituztela herritarren etxeetan.

Aresti Bermeon

Aresti Bermeon izeneko topaketa antolatu dute abuztuaren 28 eta 29an Bermeoko liburutegian.

David Diopen lau poema

Hegazkin-istripu batek isilarazi zuen, duela 65 urteko abuztuaren 29an, negritudearen ahots indartsuenetako bat, Bordelen jaiotako David Diop senegaldarrarena. 33 urte baino ez zituen, baina Mendebaldearen kolonizazio kultural nahiz ekonomikoaren aurkako poeta ezinbestekoa zen. Maiatz aldizkarian Itxaro Bordak bi poema euskaratu zituen, eta urteurrenaren harira bertze bi ekarri dizkiogu euskarari; hemen laurak.

Jende behartsua

Inis Mór irlan jaio zen abuztuaren 28 batez, 1896an, Liam O’Flaherty idazlea. Ia obra guztia ingelesez izanagatik, irlanderaz idatzi zuen ipuin bilduma bat, Desioa (1954), askoren iritziz hizkuntza horretan plazaraturikoen artean bikainena.  Haurtzaroko paisaiaren indarrera itzultzen da O’Flaherty narrazio horietan, natura sotil bezain harro ageri da, landareen zikloek eta animalien bizitzek markatzen dute gizakiena. Bilduma honetako Jende behartsua ipuina  euskaratu zuen Iñigo Aranbarrik.

Goiatz Labandibar Zoo Ean

Goiatz Labandibarrek idatzitako  Zoo liburuari buruz mintzatuko dira  abuztuaren 22an (ostirala) 19:30ean Eako Eskolondon.

Harkaitz Cano Ulu egiteko bolondres bila Donostian

Harkaitz Cano idazlearen Ulu egiteko bolondres bila poema liburuari buruz arituko dira abuztuaren 13an (asteazkena) 18:30ean Donostian, KMK-ko irakurketa klubak antolatuta.