Urr 22 14
Garbiketa Arrasaten
Sofi Oksanenen Garbiketa nobela aztertuko dute urriaren 22an (asteazkena) 18:15etan Arrasateko liburutegian.
Urr 22 14
Martin Iturbe Balda,
literatur sarien amarruan
Martin Iturbe Baldaren Bizitzako urratsetan (CAP, 1973) eta Asekaitz (CAP, 1974) poema bildumak, oro har eta bereziki poesia sailean Irun Sariak hamarraldi horretan izan zirenaren eredua izan litezke: topikoen zakua, arrunkeriaren biltegia. Gizon izatearen gurutzea, kezkaren kezka, ilunpean argirik ez… Planteamendu xaloak, garapen xaloak, ideia xaloak. Modernitate kutsu edo sarien oinarrietan ezarritako lerro kopurua betetze aldeko amarru, hitz batek, bik edo hiruk osatzen dituzte lerroak, zutabe-poemak sortuz. Horrek ere zirriborro efektua egiten du. Urteak behar izan zituzten Irun sariek, egia esan, idazle idazleagoen estimua jaso arte. Argitaletxe batek eskaini zion Kutxari sarituak argitaratzea prestigioa eta zabalkundea azkartzearren, baina Kutxak jarraitu du, egundaino, argitalpenak egiten.
Urr 21 14
Nevadako egunak Lasarte
Bernardo Atxagaren Nevadako egunak liburuaz mintzatuko dira urriaren 21ean (asteartea) 19:00etan Lasarteko Villa Mirentxun.
Urr 20 14
Paradisu zinemak Igorren
Aritz Arrizabalagaren Paradisu zinemak nobelaz mintzatuko dira urriaren 20an (astelehena) 17:00etan Igorreko kultur etxean.
Urr 18 14
Larremotzetik Iruritan
Hasier Larretxeak Larremotzetik liburua aurkeztuko du urriaren 18an (larunbata) 19:00etan Iruritako Jauregian.
Urr 17 14
Orpoz orpo Izuran
Ernesto Pratek Orpoz orpo liburua aurkeztuko du urriaren 17an (ostirala) 20:00etan Izurako Ametzenia ostatuan.
Urr 17 14
“Hondakindegia” errezitaldia Bergaran
Iñigo Astizek eta Mikel Ayerbek Baita hondakinak ere poema liburuan oinarritutako “Hondakindegia” errezitaldia egingo dute urriaren 17an (ostirala) 20:00etan Bergarako Zabalotegin.
Urr 17 14
Dalloway andrea, Virginia Woolf
Virginia Woolfen Dalloway andrea eta Emakumeen lanbideak edo Etxeko aingerua hiltzea aurkeztuko dituzte liburu bakarrean urriaren 17an (ostirala) 20:00etan Iruñeko Zaldiko Maldikon. Argitaletxea: Edo!
Urr 17 14
Euli-giro Baionan
Uxue Alberdiren Euli-giro ipuin liburuaz solas egiten dute urriaren 17an (ostirala) 14:00etan Baionako Mediatekan.
Urr 16 14
“Etxepare rap” Itziarren
Imanol Epeldek “Etxepare rap” eskainiko du urriaren 16an (osteguna) 21:30ean Itziarko Andutz biltokian.
Urr 16 14
Lasai, ez da ezer gertatzen Oiartzunen
Ana Malagonen Lasai, ez da ezer gertatzen ipuin liburuaz solas egingo dute urriaren 16an (osteguna) 20:00etan Oiartzungo liburutegian.
Urr 16 14
Erraiak Sopelan
Danele Sarriugarteren Erraiak nobelaz jardungo dute urriaren 16an (osteguna) 19:00etan Sopelako Kurtzio kultur etxean.
Urr 16 14
Post-it bizitzak Larrabetzun
Iolanda Zuñigaren Post-it bizitzak liburuaz jardungo dute urriaren 16an (osteguna) 19:00etan Larrabetzuko Anguleri kultur etxean.
Urr 16 14
Munduko Poesia Kaierak errezitaldia Donostian
Munduko Poesia Kaierak bilduman Emily Dickinson, Carlos Drummond de Andrade eta Miguel Hernandez idazleen antologia berriak aurkeztuko dituzte errezitaldi bidez Angel Errok, Koldo Izagirrek eta Josu Landak urriaren 16an (osteguna) 19:00etan Donostiako Bukowski tabernan.
Urr 16 14
Gerla Handia:
Gerra urte, negar urte
Gerra gaztigu gisa, denok omen gara hobendun Jainkoaren aldean, hori biltzen du aste honetako Eskualduna-ren lehen predikuak. Jarraian logistika kontuak aipatzean burdinbidearen garrantzia azpimarratzen du, trena ezinbestekoa baita gerran ari direnak asetzeko eta horiek armaz hornitzeko. Badu txungurretik Jean Elizalde Zerbitzari apaizaren kronikak, “Kazeta egileak eta gerlariak ez dituzte naski gauzak begi beraz ikusten”, lehen predikuaren aldean tonu belizista begi-bistakoa da lubakietan den apezaren kronikan. Bestalde gizonak gerran ari diren bitartean, geratzen diren laborariek elkarri laguntzen diote eta mozkinak ez dira sobera urritu, hori bai, laborantzako tresna gutxiago saltzen dira. Oso berri gutxi gerraren inguruan, ezin jakin nor ari den nagusitzen.