maiatza 09 19
Bihotz handiegia Erandion
Eider Rodriguezen Bihotz handiegia ipuin liburuaz berba egiteko elkartuko dira maiatzaren 9an (osteguna) 19:00etan Erandioko Altzaga liburutegian.
maiatza 09 19
Susa Literaturian
Literaturiaren edizio berri bat izango dugu asteburu honetan Zarautzen. Ostiraletik igandera literaturarekin lotutako emanaldi, liburu aurkezpen, hitzaldi eta tailerrak izango dira herriko gune ezberdinetan. Urtero bezala, aurten ere larunbatean -goiz eta arratsalde- eta igande goizean liburu azoka izango da Musika plazan. Susa argitaletxeak udaberriko nobedadeak zuzenean aurkezteaz gain, katalogoko liburuak izango ditu eskuragai literaturzalearentzat. Jose Luis Otamendik eta Iñigo Astizek errezitaldiak egingo dituzte Garoa liburudendan Disoluzio agiriak eta Analfabetoa poema liburuak aurkezteko; Beñat Sarasolak Uxue Apaolazarekin egingo du solasaldia Deklaratzekorik ez nobelaren gainean eta Miren Agur Meabek Josune Muñozekin batera aurkeztuko du Hezurren erretura narrazio liburu berria. Garazi Arrulak eta Ion Olanok Idea Vilariño eta Cesare Paveseren Munduko poesia kaierak aurkeztuko dituzte igande goizean.
maiatza 08 19
Adiskide paregabea Leitzan
Elena Ferranteren Adiskide paregabea mintzagai izanen dute maiatzaren 8an (asteazkena) 18:00etan Leitzako irakurle taldean.
maiatza 08 19
Disoluzio agiriak Bilbon
Jose Luis Otamendik Disoluzio agiriak poema liburuan oinarritutako errezitaldia egingo du maiatzaren 8an (asteazkena) 19:30ean Bilboko Bira kulturgunean.
maiatza 08 19
Maleta Burlatan
Sergei Dovlatoven Maleta izango dute hizpide maiatzaren 8an (asteazkena) 19:30etan Burlatako irakurle taldean.
maiatza 08 19
Finzi Continiren lorategia Barañainen
Giorgio Bassaniren Finzi Continiren lorategia hizketagai izango dute maiatzaren 8an (asteazkena) 19:00etan Barañaingo irakurle taldean.
maiatza 08 19
Hariak Berriatuan
Yoseba Peñarekin Hariak nobelari buruz egingo dute berba maiatzaren 8an (asteazkena) 19:00etan Berriatuako liburutegian.
maiatza 08 19
Analfabetoa Iñigo Astiz
Iñigo Astizek Analfabetoa aurkeztuko du maiatzaren 8an (asteazkena) 11:00etan Donostiako Pandora tabernan. Argitaletxea: Susa.
maiatza 07 19
Neguko argiak Donostian
Irati Elorrietaren Neguko argiak liburuari buruz mintzatuko dira maiatzaren 7an (asteartea) 19:30ean Donostiako Udal liburutegiko irakurle taldean.
maiatza 07 19
Analfabetoa, Iñigo Astizen bigarren poema liburua
Baita hondakinak ere argitaratu zuenetik zazpi urte igaro direnean ikusiko du argia Iñigo Astizen bigarren poema liburuak. Analfabetoa. Denok gara analfabeto iberieraz idatzitako inskripzio baten aurrean, baina horrek ez du esan nahi gaur egun inguratzen gaituzten mezuak osotasunean ulertzen ditugunik. Hain zuzen ere, kodeak, zeinuak ulertzeko saiakerak —batzuetan ezintasunak, beste batzuetan ulertzeak ematen duen poz txikiak— zeharkatzen du Astizen liburua. Maiatzaren 8an aurkeztuko du, Donostiako Pandora tabernan.
maiatza 07 19
Irautera Castillo Suarez
Castillo Suarez poetak Irautera liburua aurkeztuko du maiatzaren 7an (asteartea) 11:00etan Donostiako Elkar liburudendan. Argitaletxea: Elkar
maiatza 06 19
Azala erre Baionan
Danele Sarriugarte Azala erre liburuari buruz arituko da maiatzaren 6an (astelehena) 18:00etan Baionako Mediatekan. Baionako Irakurle Kluba.
maiatza 03 19
Fakirraren ahotsa Ean
Harkaitz Canoren Fakirraren ahotsa liburuari buruz hizketan arituko dira maiatzaren 3an (ostirala) 19:30ean Eako Eskolondon.
maiatza 03 19
Baionak ez daki Maulen
Bea Salaberrirekin Baionak ez daki liburuaz arituko dira maiatzaren3an (ostirala) 19:30ean Mauleko mediatekan, Barnekaldeko Irakurle Klubean.
maiatza 03 19
33 ezkil Durangon
Miren Gorrotxategiren 33 ezkil berbagai izango dute maiatzaren 3an (ostirala) 18:00etan Durangoko Andraguneko irakurle taldean.