maiatza
21
19
2002an Caine saria irabazi eta literaturaren sustapenerako Kwani? agerkaria sortu zituenean ezagun egiten hasi zen Binyavanga Wainaina kenyarra. Urte batzuk geroago sareak astindu zituen Nola idatzi Afrikari buruz artikuluarekin, hainbat estereotipori aurre egiten baitie testu ironiko horretan. 2011n Egunen batean toki honi buruz idatziko dut: memoria bat liburua kaleratu zuen, testu bikain batean Afrikaz mendebaldean zabaltzen den irudia irauliz, kritikatuz, erakutsiz egungo belaunaldi gazteek bestelakoa dela bizi duten Afrika, erakutsi nahi dutena… LGTBI aktibista, idazle eta kultur eragilea, 48 urte zituela hil da maiatzaren 21ean Binyavanga Wainaina. Elearazi webgunean euskaratu zuen Danele Sarriugartek Nola idatzi Afrikari buruz, irakurgai daukazuena.
maiatza
20
19
Asteon hil da Nanni Balestrini idazlea, maiatzaren 20an. Militante politikoa izanik Italiako 1968an parte hartu zuen. Novissimi eta Gruppo 63 neoabangoardietako kidea izan zen. 1977ko mugimenduaren ostean erbestearen eta espetxearen artean hautatu behar izan zuen. Baina idazten jarraitu zuen. Euskaraz, Ikustezinak liburu ezaguneko pasarte bat ekarri zuen euskarara Joserra Utretxek 1990ko martxoan plazaratutako Susa 25 aldizkarian. Hedoi Etxartek, Sinplistak liburua aurkezteko osatu zuten fantzine bateko Balestrinien testu baten itzulpena eskaini digu: Gutuna nire irakurle esperientziagabe eta baketsuari. Testu hori La violenza ilustratta libururako hitzaurre moduan idatzi zuen Balestrinik.
maiatza
17
19
Yoseba Peñaren Hariak nobelan oinarritutako sentikaria estreinatuko dute maiatzaren 17an (ostirala) 20:30ean Zarauzko Modelo zineman; Iraia Elias, Rafa Rueda eta Agurtzane Intxaurragarekin.
maiatza
17
19
Andrea Camilleriren Uraren forma hizpide hartuko dute maiatzaren 17an (ostirala) 19:15ean Sarrigurengo irakurle taldean.
maiatza
16
19
Bernardo Atxagaren Behi euskaldun baten memoriak liburuari buruz arituko dira solasean maiatzaren 16an (osteguna) 19:00etan Erronkariko irakurle taldean, euskaltegian.
maiatza
16
19
Katixa Agirreren Amek ez dute liburua izango dute hizketagai maiatzeren 16an (osteguna) 19:00etan Zestoako irakurle taldean.
maiatza
16
19
Iñigo Aranbarrik Munduko tokirik ederrena liburuari buruz berba egingo du maiatzaren 16an (osteguna) 19:00etan Larrabetzuko Anguleri kultur etxean.
maiatza
16
19
Bernardo Atxagak Soinujolearen semea. Literatura eta zinea solasa eskainiko du maiatzaren 16an (osteguna) 18:00etan Miarritzeko Mediatekan.
maiatza
15
19
Uxue Alberdiren Jenisjoplin nobelari buruz solas egingo dute maiatzaren 15ean (asteazkena) 19:30ean Iruñeko San Frantziskoko liburutegian.
maiatza
14
19
Idea Vilariñoren obra poetikoa aztertuko dute maiatzaren 14an (asteartea) 19:30ean Iruñeko Nafar ateneoan, Joxemiel Bidador poesia taldean.
maiatza
14
19
Katixa Agirreren Amek ez dute liburua izango dute hizketagai maiatzaren 14an (asteartea) 19:00etan Martuteneko irakurle taldean.
maiatza
14
19
Mary Shelleyren Frankenstein hizketagai izango dute maiatzaren 14an (asteartea) 18:00etan Zumaiako irakurle taldean.
maiatza
14
19
Arantxa Iturberen Lehenago zen berandu liburuko ipuinei buruz arituko dira maiatzaren 14an (asteartea) 17:30ean Nafarroako liburutegiko irakurle taldean.
maiatza
14
19
Patxi Iturregiren Ur biren artean ipuin liburuaren gainean berba egiteko elkartuko dira maiatzaren 14an (asteartea),11:00etan, Laudioko Udal Euskaltegian.
maiatza
14
19
Miren Agur Meabek Hezurren erretura aurkeztuko du maiatzaren 14an (asteartea) 11:00etan Donostiako udal liburutegiko sotoan. Argitaletxea: Susa.
