Literatur Emailuak

Maitasunezko oihua, munduaren erdian Erronkarin

Kyoichi Katayamaren Maitasunezko oihua, munduaren erdian hartuko dute mintzagai azaroaren 14an (osteguna) 19:00etan Erronkariko Irakurle Klubean.

Amaia Lasa eta Luxenburgen Kartzelako gutunak Basaurin

Amaia Lasa bere olerkiak komentatzen eta Rosa Luxenburg-en  Kartzelako gutunak Sophie Liebknechti liburuaren inguruan solasean arituko da azaroaren 14an (osteguna) arratsaldeko 18:45ean Basauriko Pozokoetxen.

Sorgin belarra Toti Martinez de Lezea

Toti Martinez de Lezearen Sorgin belarra aurkeztuko da azaroaren 14an (osteguna) 12:00etan Donostiako liburutegiko sotoan. Argitaletxea: Erein.

Kristo fusilarekin Ryszard Kapu?ci?ski

Ryszard Kapu?ci?skiren Kristo fusilarekin aurkeztuko da Donostiako Liburutegiko sotoan azaroaren 14an (osteguna), 11:00etan. Argitaratzailea: Katakrak.

Ipuingintzari buruzko mahai-ingurua Gasteizen

Ignacio Aldecoa idazlearen heriotzaren 50. urteurrena dela eta, “Neurria eta sotilezia: ipuina, egun” solasaldian izango dira Bernardo Atxaga, Arantxa Iturbe eta Ana Malagon idazleak, Iban Zalduak gidatuta. Azaroaren 13an (asteazkena), iluntzeko 19:30ean, Gasteizko Kultur Etxean (Florida ibilbidea, 9).

Rafa Egigurenen aurreneko ipuin liburua

Japonian misiotan dela antzerki zuzendari batekin pilota apustua egiten duen jesuita; Donostiako Alde Zaharrean Pintxo Tasting Tour batean dabilen bitartean molotov koktelak hegan ikusten dituen kataluniarra; 36ko gerraostean, ezkonbidaia Santoñan preso duten senidea bisitatzeko baliatzen duen bikotea; Euskal Herriko etxe baten eta jabearen bilakaera kontatzen dituen xurgagailu japoniarra… Ustekabeko tokietan aurkituko du umorea irakurleak Rafa Egigurenen hamahiru ipuinotan. Liburuek, klandestinitateak, antzerkiak, zahartzaroak zeharkatzen dute idazlearen aurreneko ipuin bilduma. Eta bere lanetan ohikoa den Ekialdeko kulturak. Osorik irakur dezakezue Txipiroiak bere beltzean sarean.

Aitaren etxea Literaktum

Zeldak -Gorputz Honetatik- Elena Olave

Elena Olavek Zeldak -Gorputz Honetatik- poesia liburua aurkeztuko du azaroaren 13an (asteazkena) 19:00etan Durangoko Hitz liburudendan. Argitaletxea: Balea Zuria.

Aitaren etxea Karmele Jaio

Karmele Jaiok Aitaren etxea aurkeztuko du azaroaren 13an (asteazkena) 11:00etan Donostiako Elkar liburudendan. Argitaletxea: Elkar.

Munduko tokirik ederrena Martutenen

Iñigo Aranbarriren Munduko tokirik ederrena ipuin-bilduma izango dute mintzagai azaroaren 12an (asteartea), Martuteneko Etxarriene kultur etxean, iluntzeko 19:00etan.

Proleterka Zumaian

Fleur Jaeggy idazlearen Proleterka hartuko dute hizpide azaroaren 12an (asteartea) 18:30ean Zumaiako irakurle taldean.

Lucia Berlinen hiru ipuin

68 urte bete zituen egunean, 2004ko azaroaren 12an, hil zen Lucia Berlin idazlea, duela hamabost urte. Bere literaturak egoki islatzen duenez, maizenik bere bizitza abiapuntu edo begiratoki baitu, 360 gradukoa izan zuen bizimodua, orain goian, orain behean, albo batean orain, gero bestean; baina bizitzen, gelditu barik. Irakurle eta kritikaren ezagutza berandu xamar ezagutua, azken urteotan izan du oihartzuna haren obrak Europan, Manual For Cleaning Women ipuin-bildumak batez ere.  Liburu horretako hiru ipuin dakartzagu, Ainhoa Mendiluze Ormaetxea eta Isabel Etxeberria Ramirezek euskaratuak, idazle handi honen sormenaz gozatzeko lagin eder askoa.

Etxeak eta hilobiak Donostiako Literaktum jaialdian

Bernardo Atxaga Etxeak eta hilobiak nobela berria aurkezten arituko da azaroaren 11n (astelehena) 19:30ean Donostiako Ernest Lluch kultur etxean. Literaktum.

Inoren munduan Asel Luzarraga

Asel Luzarragaren Inoren munduan aurkeztuko da azaroaren 11n (astelehena) 11:00etan Donostiako Elkar liburu-dendan. Argitaletxea: Elkar.

Högeitavat errezitaldia Donostian

Iñigo Astiz eta Mikel Ayerbek Högeitavat poesia errezitaldia egingo dute azaroaren 8an (ostirala) 20:00etan Donostiako Ernest Lluch kultur etxean.