Mar 31 25
Homero eta Odisea Donostian
Aritz Gorrotxategik Homeroren Odiseaz jardungo du martxoaren 31an (astelehena) 19:00etan Donostiako KM Kulturuneko Santa Teresa komentuko Ekitaldi Aretoan.
Mar 31 25
Alex Michalides Paziente isila
Alex Michaelides idazlearen Paziente isila euskaratu du Fernando Reyk eta datorren martxoaren 31an (astelehena) 10:30ean aurkeztuko dute Donostian. Argitaletxea: Erein.
Mar 30 25
Uxue Alberdi Hetero Ortzaizen
Uxue Alberdi hizlari dela Hetero liburuari buruz arituko dira martxoaren 30ean (igandea) 18:30ean Ortzaizeko Menta liburudendan.
Mar 30 25
Sean O’Caseyren libra
Jerry eta Sammy posta bulegora sartu dira libra baten bila. Horixe da Libra bat kobratu nahi dut (1939) antzezlanaren abiapuntua. Familia eta giro oso apal eta txirokoa, Irlandaren independentziaren aldeko borrokarekin engaiatua (Herritarren Armadako idazkari nagusi izan zen), 1917tik aurrera idazletzari ere lotu zitzaion Sean O’Casey, eta Irlandako langile klaseari buruz antzezlanik idatzi zuen lehen autorea izan zen. Zubizabal aldizkariak argitaratu zuen, euskaraz, 1880ko martxoaren 30 batez jaiotako idazle dublindarraren pieza.
Mar 30 25
Anari Alberdi Gari eta goroldiozko Senperen
Anari Alberdi bere Gari eta goroldiozko liburuari buruz Nora Arbelbiderekin solasean arituko da martxoaren 30ean (igandea) 14:00etan Senpereko Atxik ardo eta liburu konprometituen azokan.
Mar 29 25
Mohammed el-Kurd idazle palestinarraren Rifqa Iruñean
Mohammed el-Kurd idazle palestinarraren Rifqa poema liburua liburuaren errezitaldi musikatua egingo dute Eider Beobide, Xalba Ramirez eta Peru Galbetek martxoaren 29an (larunbata) 13:00etan Iruñean, Txantreako Euskaldunon Biltokin.
Mar 28 25
Virginia Woolf Farorantz Iruñean
Virginia Woolfen Farorantz aztertuko dute martxoaren 28an (ostirala) 19:00etan Iruñeko Katakrak liburudendako irakurle taldean.
Mar 28 25
Bea Salaberri Mesfida zaitez Donibane Lohizunen
Bea Salaberri Mesfida zaitez nobelari buruz arituko da eleketan martxoaren 28an (ostirala) 18:00etan Donibane Lohizuneko Mediatekan.
Mar 27 25
Kazuo Ishiguro Denboraren hondarrak Gasteizen
Kazuo Ishiguroren Denboraren hondarrak liburua izango dute hizpide martxoaren 27an (osteguna) 19:30ean Gasteizko irakurle klubean.
Mar 27 25
Aiora Jaka Independentziaren eguzkiak Larrabetzun
Aiora Jaka itzultzailea lagun dutela Ahmadou Kouroumaren Independentziaren eguzkiak liburuari buruz berba egingo dute martxoaren 27an (osteguna) 19:00etan Larrabetzun.
Mar 27 25
Montserrat Roig Gerezi denbora Leioan
Montserrat Roig idazlearen Gerezi-denbora izango dute berbagai martxoaren 27an (osteguna) 18:30etan Leioako liburutegian.
Mar 27 25
Antzerkiaren nazioarteko eguna
Teódoros Terzópoulos antzerkilariaren mezua
Antzerkiak, errealitate birtualeko gelaxkan giltzaperatuta, bere indibidualismo itogarrian barruratuta dauden pobretutako hiritarrek osatzen duten mundu batean, gure garaiak bidaltzen duen SOS mezua entzun dezake? Kontrol eta jazarpen sistema totalitario baten baitan ematen den bizitza-espektroaren alor orotan existentzia robotizatuak dituen mundu batean?
Antzerkia hondamendi ekologikoaz, planetaren tenperaturaren igoeraz, bioaniztasunaren izugarrizko galeraz, ozeanoen kutsaduraz, glaziarren urtzeaz, baso-suteen areagotzeaz eta muturreko fenomeno meteorologikoez arduratzen da? Antzerkia ekosistemaren alderdi aktibo bilaka daiteke? Duela urte askotatik, antzerkia planetan ematen diren giza-eraginen fenomenoaren testigu izan da, baina zailtasunak izan ditu arazo horrekin interakzioan aritzeko.
(gehiago…)
Mar 27 25
Leire Ugadi Simulakro bat
Leire Ugadiren Simulakro bat poema liburu berria aurkeztuko dut martxoarean 27an (osteguna) 10;30ean Donostiako Elkar liburudendan.
Mar 26 25
Hezur berriak
Amapola hazi batetik, haragizko erauntsi bat. “Zorionak, idatzi zidan, jakin dut hezur berriak dauzkazula”. Jendaurrean mutututako gorputz dardaratu batean, zirriborro-lanbro batekin dabil hara-hona poemotako ahotsa, idazten lagunen ahots-mezuak entzun ahala, idazten loezinean dela. Nola egiten dute besteek? Ama idazleak, ama lagunak, ama fakirrak. Ospitale hotz batean barruratutako hatzak eta barruratutako hitzak, dena normal, itsasaurreko anbibalentzia, erruak, damuak. Jaioberri baten arnasa etxekotu bezpera eta harekin heldutako argi-itzala bildu ditu Ane Labaka Mayozek Hezur berriak bere lehen poema liburuan. Osorik irakur dezakezue sarean.
Mar 26 25
Ane Labaka Mayoz Hezur berriak
Ane Labaka Mayoz idazleak Hezur berriak bere lehen poema liburua aurkeztuko du martxoaren 26an (asteazkena), 12:00etan Donostiako Udal Liburutegi Zaharrean. Argitaletxea: Susa literatura.
