Api 23 08
Esanen aduanan Berrizen
Miren Agur Meabe, Leire Bilbao eta Yolanda Arrietak Esanen aduanan emanaldia eskainiko dute apirilaren 23an (asteazkena) 19:00etan Berrizko Kultur Etxean, Esther Gabiola eta Uritze Laka musikariekin.
Api 23 08
Relax Zornotzan
Rafa Ugaldek Relax liburuaz mintzatuko da apirilaren 23an (asteazkena) 19:00etan Zornotzako Zelaieta Zentroan Hitzaldiaren izenburua: “Erotismoa euskaraz”.
Api 23 08
Beñat Sarasola Eskoriatzan
Beñat Sarasolak abanguardietako poemen irakurketa egingo du apirilaren 23an (asteazkena) 18:30ean Eskoriatzan, Mondragon Unibertsitatean. “Posible al da poesia Play Stationaren ondoren?” galderari erantzuten ahaleginduko da.
Api 23 08
Rodriguez eta Canoren
ipuin bana italieraz
Roberta Gozzi itzultzaileak Eider Rodriguez eta Harkaitz Canoren narrazio bana bidali dizkigu italieraz jarriak. Eta handik gutxira gaur (2004, Susa) liburuari izena ematen diona eta Neguko zirkua (2005, Susa) liburuko “Batere valsik gabe amaituko da narrazio hau ere”. Hementxe dituzu hurrenez hurren: E di lì a poco, oggi eta Nemmeno questo racconto finirà con un valzer.
Api 22 08
Zulo bat uretan, Iñigo Aranbarri
Iñigo Aranbarrik Zulo bat uretan nobela berria aurkeztuko du apirilaren 22an (asteartea) 12:00etan Donostiako Udal Liburutegiko Sotoan. Argitaldaria: Susa.
Api 22 08
Anari kantuaz eta poesiaz
Anarik Kantuaren poHesia hitzaldia egingo du apirilaren 22an (asteartea) 11:30ean Eskoriatzan, Mondragon Unibertsitatean. Kantuaren eta poemaren arteko aldeez (hesiez) mintzatuko da.
Api 22 08
Mikel Azurmendi
Greziako mitologiaz
Greziako mitologia klasikoko hainbat pasarte berrosatzen lan bat egin zuen Mikel Azurmendik Kontu kontari Grezian barrena liburuan (Baroja, 1985). Troiako gerra, Ulisesen bidaia, Heraklesen lanak, munduaren sorrera… Batez ere Homero eta Hesiodoren kontakizunetan oinarrituta, Greziako mitologiako elementu eta narrazio klasikoak hartu eta euskaraz jarri zituen Azurmendik, istorio klasikoak bai baina narradorearen XX. mendeko ikuspegiaren ukitua emanez. Hemen dituzu Greziako mitologiako istorio klasikoak euskaraz.
Api 21 08
Angel Erro Eskoriatzan
Angel Errok Poematrix (relouded) saioa eskainiko du apirilaren 21ean (astelehena) 18:30ean Eskoriatzan, Mondragon Unibertsitatean. “Posible da PlayStationaren ostean poesia idaztea?” galderari erantzungo dio.
Api 21 08
IV. Literaldia Bartzelonan
Taperware Kolektiboaren Leihatila beltza liburuaren aurkezpenarekin abiatuko da IV. Literaldia Bartzelonan, apirilaren 23an (asteazkena) 19:30ean Hizkuntz Eskolan; egun berean 20:00etan Euskal Etxean Ur Apalategik ipuin baten irakurketa egingo du. Hilabete osoko egitaraua iragarri dute: apirilaren 24an Beñat Sarasolaren Kaxa huts bat errezitala; apirilaren 29an Harkaitz Canoren hitzaldi bat eta errezitala; maiatzaren 14an Ibon Egañaren hitzaldia (“Gatazkari buruzko begirada”); maiatzaren 15ean Koldo Izagirre eta Joseba Tapiaren errezitala (“Harresi ostean pareta”); maiatzaren 22an Iñigo Aranbarriren hitzaldia (“Idazten duguna gara”).
Api 18 08
Oro bare, Ibai Iztueta
Ibai Iztuetak Oro bare poema liburua aurkeztuko du apirilaren 18an (ostirala) 11:30ean Donostiako Udal Liburutegiko Sotoan. Argitaldaria: Utriusque Vasconiae.
Api 17 08
Katamalo Usurbilen
Katamalo poesia eta musika emanaldia egingo du bihotz bakartien klubak apirilaren 17an (osteguna) 20:00etan Usurbilen, Sutegi kultur etxean.
Api 17 08
Bizitza homeopatikoak, Xabier Mendiguren
Xabier Mendigurenek Bizitza homeopatikoak narrazio liburu berria aurkeztuko du apirilaren 17an (osteguna) 12:00etan Donostiako Udal Liburutegiko Sotoan. Argitaldaria: Susa.
Api 17 08
Zulo bat uretan, Iñigo Aranbarriren nobela berria
Kazetari bat da Iñigo Aranbarriren nobela berriko narratzailea. Ikerketa batean murgildurik, jakin dituenak kontatzeko premiak larrituta dauka, idazten ari den erreportajeko gertakarien frogak desagertzera baitoaz. Itoizko urtegia betetzeko herriak husten dihardute 2003ko udaberrian, biztanleak ez ezik kanposantuetako hilak ere ateratzen. Horretan ari da Maite Andueza antropologo-forentsea, Oscar Iriarte etorkin argentinarraren laguntzaz, bertakoak izan zirenen gorpuzkinak berreskuratzen urak betirako irentsi baino lehen. Baina Larraingaingo hilerriko hormetatik kanpo ere ba omen dago lurperatutakorik, eta kosta ahala kosta aurkitu nahi dute, aitzurka, denbora kontra daukaten arren. Zulo bat uretan nobela apirilaren 22an (asteartea) 12:00etan aurkeztuko du Aranbarrik, Donostiako Udal Liburutegiko Sotoan.
Api 16 08
Katamalo Bilbon
Katamalo poesia eta musika emanaldia egingo du bihotz bakartien klubak apirilaren 16an (asteazkena) 19:30ean Bilbon, Sarrikoko unibertsitatean.
Api 16 08
Mandatariaren gerra, Jose Inazio Basterretxea
Jose Inazio Basterretxeak Mandatariaren gerra nobela aurkeztuko du apirilaren 16an (asteazkena) 11:30ean Bilboko Elkar megadendan (Zamudioko atarian). Argitaldaria: Elkar.