Abe 18 08
Ohe bat ozeanoaren erdian Gasteizen
Mikel Hernandez Abaituaren Ohe bat ozeanoaren erdian liburuaz jardungo dute abenduaren 18an (osteguna) 20:00etan Gasteizko irakurle klubean (Hikaateneoan).
Abe 18 08
Steinbecken Zeruko Belardiak
Kaliforniako Salinasen jaio zen John Steinbeck 1902an, eta inguru haietan kokatu zituen idazleak bere kontakizun gehienak. Urrezko kikara (1929) izan zen Steinbeckek argitaratu zuen lehendabiziko nobela, Zeruko Belardiak bigarrena (1932). Kolono espainiar batek XVIII. mendearen amaieran Kaliforniako bailara bati ezarritako izena da Las Pasturas del Cielo, eta hango jendearen bizimodua kontatzen da hamabi istorio egoki txirikordatu hauen bitartez. Steinbeck hil zela 40 urte beteko dira larunbat honetan, abenduaren 20an, eta idazlea gogoan osorik eskaintzen dizugu Zeruko Belardiak, Maria Garikanoren itzulpenarekin (1994, Ibaizabal). Steinbecken beste liburu hauek ere euskaratuak izan dira: Perla (Ruper Orodorikak), Tortilla Flat (Koro Navarrok) eta Arthur erregearen eta bere zaldun prestuen egintzak (Joseba Urteagak).
Abe 15 08
Tom hil da Donostian
Maria Darrieussecqen Tom hil da nobelaz mintzatuko dira abenduaren 15ean (astelehena) 19:30ean Donostiako literatur solasaldietan (Udal Liburutegiko Sotoan). Gidatzailea: Xabier Gantzarain.
Abe 12 08
Ramon Saizarbitoriaren lehen eleberrigintza, Mikel Hernandez Abaitua
Mikel Hernandez Abaituak Ramon Saizarbitoriaren lehen eleberrigintza liburua aurkeztuko du abenduaren 12an (ostirala) 12:30ean Donostiako Udaletxeko prentsa aretoan. Argitaldaria: EHU.
Abe 11 08
Esanen aduanan Durangon
Miren Agur Meabe, Leire Bilbao eta Yolanda Arrietak Esanen aduanan testu irakurraldia egingo dute abenduaren 11n (osteguna) 19:30etan Durangoko San Agustin kultur gunean. Musika: Esther Gabiola eta Uritze Laka.
Abe 11 08
Belarra kantari Arrasaten
Koro Navarro itzultzailea Doris Lessingen Belarra kantari nobelaz mintzatuko da abenduaren 11n (osteguna) 19:00etan Arrasateko Jokin Zaitegi aretoan.
Abe 11 08
Kandela aldizkaria
sortu zela 25 urte
Gasteizko Filologia Fakultatean argitaratu zen estreinakoz Kandela literatur aldizkaria 1983ko abenduan, Julen Arriolabengoa, Jon Iñaki Lasa, Tere Irastortza, Manu Lopez eta Xabier Etxanizek egina. Bi zenbaki besterik ez zituen izan Kandela aldizkariak, 1984ko maiatzean kaleratutakoa bigarrena. Nolanahi ere den, liburu bi ere argitaratu zituzten: Euskal Letren Dantza 1983an (urte hartako literatur ekoizpenaren kritikaz atondua) eta Susa argitaletxearen bildumarako koproduzitutako Jon Iñaki Lasaren Andaluziari ene bilduma poemarioa.
Abe 10 08
Joxean Sagastizabalen Inguratuta gatxeuden
Lau narrazio eskaini zizkigun Joxean Sagastizabalek Inguratuta gatxeuden ipuin liburuan, 1989an Baroja etxearekin publikatu zuen hartan. Jolasean liburuko tankerako giro eta erregistroan, dialogo bizi eta prosa fresko batez bilbatu zituen istorioak. Garaiko errealitatearen erretratua egitea lortzen du, ironia eta umorea beti lagun, liburuko lau narrazioetan. Hemen irakur ditzakezu.
Abe 04 08
Beluna jazz, Harkaitz Canoren lehendabiziko nobela
Hogei urterekin idatzi zuen Harkaitz Canok bere lehen nobela. Kea behelainopean bezala (1994) poema liburuarekin aurrena eta Beluna jazz (1996) eleberriarekin ondoren, idazle apartaren estilo berezkoa eta dirdiratsua agerian geratu ziren. Urte batzuetan agorturik egon ondoren Beluna jazz edizio gaurkotu eta berrituan agertu du orain Susak, eta aldi berean osorik eskaintzen dizugu sarean. Bob Ieregi tronpetajolea du protagonista, Beluna Moon klubean jotzen aritu zena. Zorigaiztoz, ordea, Alaska psikiatrikoan gatibu dago Bob Ieregi, eta handik ihesi beharra dauka nola edo hala.
Abe 03 08
Aspaldiko lagunen bisita, Susa aldizkariko 25 ipuin
Aspaldiko lagunen bisita narrazio bilduma aurkeztuko du Susa argitaletxeak abenduaren 3an (asteazkena) 12:00etan Donostiako Udal Liburutegiko sotoan. Apailatzailea: Mikel Elorza.
Abe 02 08
Egunsentiaren esku izoztuak Iruñean
Xabier Leteren Egunsentiaren esku izoztuak liburu berriko poemen errezitaldia izango da abenduaren 2an (asteartea) 19:30ean Iruñeko Planetarioan. Jose Angel Irigaray eta Xabier Lete irakurle, eta Joxan Goikoetxearen musika.
Abe 02 08
Munduko zazpi herrialdetako ipuinak, Joseba Sarrionandia
Joseba Sarrionandiaren Munduko zazpi herrialdetako ipuinak liburua aurkeztuko du Pamiela argitaletxeak abenduaren 2an (asteartea) 11:00etan Bilboko Kafe Antzokian.
Abe 01 08
Bilbao-New York-Bilbao Gasteizen
Kirmen Uribek Bilbao-New York-Bilbao nobelako pasarteak irakurriko ditu abenduaren 1ean (astelehena) 20:00etan Gasteizko Florida kultur etxean.
Abe 01 08
Zoaz infernura, laztana, Anjel Lertxundi
Anjel Lertxundik Zoaz infernura, laztana nobela aurkeztuko du abeduaren 1ean (astelehena) 12:30ean Donostiako Udal Liburutegiko sotoan. Argitaldaria: Alberdania.
Abe 01 08
Zinema eta Literatura, Harkaitz Cano
Harkaitz Canok Zinema eta Literatura saiakera aurkeztuko du abenduaren 1ean (asteazkena) 11:00etan Donostiako Elkar dendan.