maiatza 12 11
Galerna Markinan
Iratxe Esnaolaren Galerna nobela aztertuko dute maiatzaren 12an (osteguna) 19:00etan Markina-Xemeingo liburutegian.
maiatza 12 11
Poesiaren Astea Mikelazulon
Maiatzaren 26tik ekainaren 2ra bitartean egitarau zabala dakar Oreretako Mikelazulo elkarteak Poesiaren 11. Asterako. Juan Ramon Makusoren Huntza hezur berritan errezitaldiarekin abiatuko da; bigarren egunean herrialde arabiarretako poemak irakurriko dituzte; maiatzaren 28an bi errezitaldi: Manex Agirreren Igo gora eta Jose Luis Otamendiren Bustilehorreko poemak; maiatzaren 29ko goizean mahai-ingurua eta arratsaldean irakurraldi irekia; eta amaitzeko, ekainaren 2an, Jon Benitoren Bulkada errezitaldia.
maiatza 11 11
Joan Las Karrerasen
Patxi Zubizarretaren Joan liburuaz berbetan jardungo dute maiatzaren 11n (asteazkena) 19:30ean Las Karrerasko Udal aretoan.
maiatza 11 11
Estatu etnozidaren kontra, Joxe Manuel Odriozola
Joxe Manuel Odriozolak Estatu etnozidaren kontra saiakera aurkeztuko du maiatzaren 11n (asteazkena) 12:00etan Donostiako Elkar aretoan.
maiatza 11 11
Julene Azpeitiaren 100 ipuin
Julene Azpeitiak Burgosen irakasle ziharduela, 1949tik 1952ra bitartean idatzi zuen Amandriaren altzoan liburua, 100 ipuin laburrez osatua. Aurten 50 urte dira bilduma eder hura Kuliska Sortan argitaratu zela, eta gogoan dauzkagu Juan San Martinek hitzaurrean paratu zituen hitzok, 1961ean: “Urri dira euskaraz Amandriaren altzoan bezain liburu onak haurrentzat. Gehiago esango nuke: oraindik zentzura sartzeke dauden umeentzat ere euskara trakets eta baldarrean egindako liburuak ikusten ditugula, pedagogiaren funtsik gabe. Julenek bete digu hutsune handi bat”.
maiatza 09 11
Hilobiko isiltasuna Igorren
Arnaldur Indridasonen Hilobiko isiltasuna nobela aztertuko dute maiatzaren 9an (astelehena) 19:00etan Igorreko kultur etxean.
maiatza 07 11
Ez donk armairu Bartzelonan
Ez donk armairu errezitaldia egingo dute maiatzaren 7an (larunbata) 20:00etan Bartzelonako Euskal Etxean.
maiatza 07 11
Txitra, Tagoreren antzezlan bat
Rabindranath Tagore Kalkutan jaio zela 150 urte direla-eta hainbat ekitaldi badira Bangladesh eta Indian. Guk ere aitzakia hori baliatu dugu, idazle bengaliarrak 1892an idatzitako Chitrangada antzezlanaren itzulpena, Txitra, Balendin Aurre Apaizek 1962an Egan aldizkarian argitaratua digitalizatzeko eta teatro-testuak.com webgunean paratzeko.
maiatza 05 11
Dublindarrak Gasteizen
James Joyceren Dublindarrak ipuin liburuaz jardungo dute maiatzaren 5ean (osteguna) 20:00etan Gasteizko Hikaateneoan. Gidatzailea: Iban Zaldua.
maiatza 05 11
Ordu bietan Frontoian Tolosan
Jokin Ansorenaren Ordu bietan Frontoian nobelari buruz solasean jardungo dute maiatzaren 5ean (osteguna) 19:30ean Tolosako kultur etxean.
maiatza 05 11
Spray, Paddy Rekalde
Paddy Rekaldek Spray poema liburua aurkeztuko du maiatzaren 5ean (osteguna) 11:00etan Donostiako Udal Liburutegiko sotoan. Argitaldaria: Susa.
maiatza 05 11
Fikzioaren izterrak Gasteizen
Fikzioaren izterrak ipuin liburuaz mintzatuko da Ur Apalategi maiatzaren 5ean (osteguna) 10:30ean Gasteizen, EHUko Letren Fakultatean.
maiatza 05 11
Orain 50 urte hil zen Zerbitzari
Lehen Mundu Gerrako kronikengatik da ezaguna gure literaturan Jean Elizalde Zerbitzari; Eskualduna aldizkarian plazaratu zituen 13 zatitan, lehenengoa 1936ko abenduaren 25ean eta azkenengoa 1937ko abuztuaren 27an, eta Patri Urkizuk bildurik Alberdaniak berrargitaratu zituen 57a gerlan liburuan. Idatzi zituen baita ere Metsikorat izeneko kronika sail bat, olerkiak, ipuinak eta antzerkia. Jean Elizalde apaiza duela 50 urte hil zen Lekornen, 1961eko maiatzaren 5ean.
maiatza 04 11
Bitartean heldu eskutik Bartzelonan
Kirmen Uriberen Bitartean heldu eskutik poema liburuaz jardungo dute maiatzaren 4an (asteazkena) 19:00etan Bartzelonako Euskal Etxean. Gidatzailea: Aritz Galarraga.
maiatza 04 11
Fikzioaren izterrak Durangon
Ur Apalategiren Fikzioaren izterrak ipuin liburuaz ariko dira maiatzaren 4an (asteazkena) 19:00etan Durangoko udal liburutegian.