abenduak
maiatza 07 12
Maiatz argitaletxeak maiatzaren 15 eta 16an arratsaldez egingo ditu aurtengo solasaldiak Baionako Euskal Museoan, 28. edizioan. Peio Jorajuria eta Pierre Mestrot beren liburuez ariko dira, Itxaro Bordak Laura Mintegi elkarrizketatuko du, “Zer aldatu da euskal literaturan 30 urtez?” mahai-ingurua izango da, Eric Dicharryk eta Xabier Erkiziak performancea eskainiko dute eta Urtzi Urkizuk errezitaldia.
maiatza 07 12
Joseba Gabilondo, Josu Bijueska eta Rosa Miren Pagola irakasle eta epaimahaikideek literatur sariez mahai-inguruan jardungo dute maiatzaren 7an (astelehena) 12:00etan Bilboko Deustuko Unibertsitatean.
maiatza 06 12
Juan Luis Zabalak “Gaztetxeak eta literatura” hitzaldia egingo du maiatzaren 6an (igandea) 18:00etan Arrasateko gaztetxean.
maiatza 03 12
Iban Zalduaren Biodiskografiak liburuaren aurkezpen musikatua egingo du maiatzaren 3an (osteguna) 19:30ean Basauriko Pozokoetxe kultur etxean.
maiatza 03 12
Twist nobelaz solas egingo dute Harkaitz Canorekin maiatzaren 3an (osteguna) 18:00etan Bilboko Bidebarrietan. Gidatzailea: Beñat Sarasola.
maiatza 03 12
John Steinbecken Saguak eta gizonak nobela aurkeztuko du Iñigo Errastik maiatzaren 3an (osteguna) 12:00etan Donostiako Udal Liburutegiko sotoan. Argitaldaria: Alberdania.
maiatza 03 12
Koldo Izagirreren Sua nahi, Mr. Churchill? (2005) liburuko hamaikagarren kontakizuna, Amsterdam, katalanera itzulirik igorri digu Luis Carmonak. Ipuinak Pasaiako portuko zamaketariak ditu protagonista. Carmonak Nik ere Germinal! egin gura nuen aldarri nobela itzuli zuen katalanera 2006an.
maiatza 02 12
Pako Aristik “Gogoetak folio zuriaren aurrean” errezitaldia egingo du Mikel Elizaga pianoan lagun duela maiatzaren 2an (asteazkena) 19:30ean Iruñeko Kondestablearen Jauregian.
maiatza 02 12
Iñigo Aranbarriren Zulo bat uretan nobelaz ariko dira maiatzaren 2an (asteazkena) 19:30ean Bartzelonako Euskal Etxean. Gidatzailea: Aritz Galarraga.
maiatza 02 12
Heine, Uhland, Baudelaire, Prudhomme euskaratu zituen Iokin Zaitegik, baina bere itzulpen garrantzitsuenak Platon, Soflokes eta Euripidesen lanak gurera ekartzen egin zituen. 1963an Egan aldizkarian plazaratutako Medeie digitalizatu dugu teatro-testuak.com gunerako. Honela mintzo da Medeie: “Adorea eta adimena dituzten guzien artean emakumeok gara izaki errukarrienak. Ondasun gonburuz senar bat erosi behar izaten dugu, gure soinaren jaun eta jabea har dezagun: izan ere ez baita gaitz hori baino gaitz gorriagorik”.
Api 28 12
Andima Ibinagabeitiaz jardungo dute apirilaren 28an (larunbata) 18:00etan Eako HEA lokalean.
Api 28 12
Literatura Eskolan Ur Apalategik “Zeintzuk dira euskal literaturaren paradigma berriak?” hitzaldia egingo du apirilaren 28an (larunbata) 10:00etan Ziburun, AEKren gaueskolan.
Api 27 12
Asel Luzurragaren Gezurra odoletan nobelaz solas egingo dute apirilaren 27an (ostirala) 20:00etan Iruñeko Zaldiko Maldikon.
Api 27 12
Kepa Larrearen Itzalak harturik saiakeraz berba egingo dute apirilaren 27an (ostirala) 19:30ean Eako HEA taldearen egoitzan.
Api 27 12
Jose Inazio Lasak Denboraren hosto artetik poema liburua aurkeztuko du apirilaren 27an (ostirala) 11:00 Donostiako Udal Liburutegiko sotoan.