Ira 30 16
Azken hitzordua Ean
Sandor Marairen Azken hitzordua nobelaz ariko dira irailaren 30ean (ostirala) 19:30ean Eako Eskolondon.
Ira 30 16
Gerra txikia Hendaian
Lander Garrorekin Gerra txikia nobelari buruz mintzatuko dira irailaren 30ean (ostirala) 18:30ean Hendaiako mediatekan.
Ira 29 16
Feriatzaileak, Patxi Larrion
Patxi Larrionek Feriatzaileak nobela berria aurkeztuko du irailaren 29an (osteguna) 11:00etan Donostiako Udal Liburutegiko sotoan. Eta arratsaldeko 20:00etan Iruñeko Zaldiko Maldiko elkartean.
Ira 28 16
Gerra txikia Zarautzen
Lander Garroren Gerra txikia nobelaz ariko dira irailaren 28an (asteazkena) 18:30ean Zarauzko liburutegian.
Ira 28 16
Gezurren basoa, Alberto Ladron Arana
Alberto Ladron Aranak Gezurren basoa eta Ander Odriozolak Freeport nobela aurkeztuko dituzte irailaren 28an (asteazkena) 11:00etan Donostiako Elkar aretoan.
Ira 28 16
Patxi Larrionen lehendabiziko nobela
Feriatzaileak izena du Patxi Larrionen eleberriak eta bihar, irailak 29, jendaurrean aurkeztu aurretik osorik eskaintzen dizugu sarean. Zortzi Oscar sari jaso zituen Patton pelikulako eszena batzuk Urbasan eta Iruñean filmatu ziren 1969ko udaberrian. Zinegile amerikanoentzat lanean ari denez Martin Galdeano (nobelako protagonista), produkzio handi hartan negozioak, amarruak eta lapurretak egiteko aukera paregabea duela iruditu zaio. Larrionen kontakizunak bizitasun harrigarri batez azaltzen ditu jukutriak eta sekretuak, anbizioa eta traizioa, adiskidantza eta desira; baina bide batez, gizarte eredu zahar baten eraldatze garaiaren erretratua eskaintzen digu.
Ira 26 16
Globalizazioak eta Erdi Aro berria, Joseba Gabilondo
Joseba Gabilondok Globalizazioak eta Erdi Aro berria saiakera aurkeztuko du irailaren 26an (astelehena) 11:00etan Donostiako Udal Liburutegiko sotoan. Argitaletxea: Erein.
Ira 22 16
Argia Larrabetzun
Peru Magdalenarekin Argia poema liburuaz jardungo dute irailaren 22an (osteguna) 19:00etan Larrabetzuko Angulerin.
Ira 22 16
T.S. Elioten bost poema
XX. mendeko poesia ingeleseko izen handietako bat dugu T.S. Eliotena. Modernismoaren maisuetarik, erreferentzia izan da geroztikako egile askorentzat, mundu osoan. Euskaraz ere izan du harrerarik, Gabriel Arestik, Joseba Sarrionandiak eta Jon Juaristik hura euskaratzen egindako lana adbide (Hordagok argitaratu zituen itzulpenok, 1983an, irakurgai daude Armiarman). Xabier Bovedak ere ekin dio, eta haren bost pieza ekarri ditu euskarara, tartean J. Alfred Prufrocken amodiozko kantua poema luzea, eta Idatz&Mintz aldizkarian argitara eman. Hemen irakur ditzakezu orain.
Ira 21 16
Ehiztariaren isilaldia Tolosan
Luis Garderen Ehiztariaren isilaldia nobelaz ariko dira irailaren 21ean (asteazkena) 19:00etan Tolosako kultur etxean.
Ira 20 16
Herio heroi Oiartzunen
Oier Guillanekin Herio heroi antzerki obraz mintzatuko dira irailaren 20an (asteartea) 20:00etan Oiartzungo Fermiñenen.
Ira 20 16
Gizajoen katalogoa Las Karrerasen
Joxean Agirreren Gizajoen katalogoa nobelaz berba egingo dute irailaren 20an (asteartea) 19:30ean Las Karrerasko Haritzalde aretoan.
Ira 20 16
Literatur solasaldia Bilbon
Jasone Osoro eta Gotzon Barandiaran idazleen arteko solasaldia izango da irailaren 20an (asteartea) 19:30ean Bilboko Bidebarrieta liburutegian.
Ira 19 16
Kearen fiordoa Irurtzunen
Iñaki Petxarromanen Kearen fiordoa nobelaz ariko dira irailaren 19an (astelehena) 19:00etan Irurtzungo Iratxo elkartean.
Ira 19 16
Antenor Firmin arrazen berdintasunaz
Irailak hemeretzi zituen orain ehun eta bost urte Antenor Firmin hil zenean, gizakiaren duintasunaren alde idatzi den obrarik ederrenetako baten egilea. Haitin bertan ikasia, abokatua eta eskoletako inspektorea izan zen. Ideia aurrerazaleak defendatu zituen Le Message du Nord egunkaritik, eta politikan murgildu zen alderdi liberala sortuz. Ordezkaritza diplomatikoan heldu zen Parisera 1883an, eta gizakia goi arrazetan eta behe arrazetan sailkatzen zituzten Gobineauren ondoko guztiei egin zien gogor. Ondorioz, Giza arrazen berdintasunaz (Paris, 1885) argitaratu zuen, «Antropologia positiboa» azpitituluarekin. Gardena bezain zorrotza, antropologia kritiko, sozial, kultural eta literarioaren eredu, zientzia modernoaren aitzindaria dugu Antenor Firmin. Harrigarria ote da obra hau berriro inoiz publikatu ez izana Frantzian, l’Harmattanek egin arte 2003an? Ez da batere harrigarri: Mendebaldearen arrazakeriaren aurkako erantzuna, erantzun zientifikoa, mundu beltzak dakar! Zientzia eta morala, horra bi ertzak bat eginik! Jasan ezina, bistan da. Haitiko lehendakaritzarako hauteskundeetan hartu zuen esku 1902an, baina Firminen aldekoak berak matxinadan lehertu ziren eta atzerrira hartu behar izan zuen. Hantxe hil zen. Hona bere obra nagusiaren zati batzuk.