Urr 06 16
Errezitaldia Kaxildan, Donostian
Iñigo Astiz, Eric Dicharry eta Ixiar Rozasek errezitaldia egingo dute urriaren 6an (osteguna) 19:30ean Donostiako Kaxilda liburu-dendan.
Urr 06 16
Lisipe bildumako lehen saiakera
Zuriñe Rodriguezek eta Oihana Etxebarrietak Borroka armatua eta kartzelak saiakera feminista aurkeztuko dute urriaren 6an (osteguna) 11:00etan Donostiako Udal Liburutegiko sotoan. Argitaletxea: Susa.
Urr 06 16
Lisipe bildumako lehen liburua
Zuriñe Rodriguezek eta Oihana Etxebarrietak idatzi dute Lisipe saiakera bildumako lehendabiziko liburua: Borroka armatua eta kartzelak. Erronka politiko, sozial, ekonomiko eta kulturalak aztertuko ditu Lisipe bilduma feministak, eta Jule Goikoetxea idazlea izango du editorea. Gorpuztutako historia, ohiturak eta pentsamendu markoak zalantzan jartzea du helburua, patriarkalak ez diren tresna analitikoak sortzea. Euskal Herriko gatazka armatuaren eta haren ondorioen inguruko irakurketa feminista egin dute Rodriguezek eta Etxebarrietak osorik sarean eskaintzen dizugun aurreneko liburu honetan.
Urr 05 16
Beti oporretan Deustun
Harkaitz Canorekin Beti oporretan ipuin liburuaz berba egingo dute urriaren 5ean (asteazkena) 20:00etan Deustuko Bidarte etxean.
Urr 05 16
Su zelaiak Leitzan
Mikel Peruarenarekin Su zelaiak nobelari buruz solas egingo dute urriaren 5ean (asteazkena) 19:00etan Leitzako liburutegian.
Urr 05 16
Alsina, Xabier Mendiguren
Xabier Mendigurenek Alsina nobela aurkeztuko du urriaren 5ean (asteazkena) 11:00etan Donostiako Elkar aretoan.
Urr 04 16
Txistu eta biok Donostian
Juan Luis Zabalaren Txistu eta biok nobelaz jardungo dute urriaren 4an (asteartea) 19:30ean Donostiako Udal Liburutegiko sotoan.
Urr 04 16
Zu Eibarren
Anjel Lertxundirekin Zu liburuaz berba egingo dute urriaren 4an (asteartea) 19:00etan Eibarko liburutegian.
Urr 04 16
Uriberekin solasaldia Baionan
Kirmen Uriberekin solasaldia izango da urriaren 4an (asteartea) 18.15ean Baionako mediatekan.
Urr 03 16
Alain Fournierren Emakume pozoitua
Ehun eta hogeita hamar urte bete dira urriaren 3an Henri Alban Fournier jaio zela, literaturan Alain Fournier izango zena. Gazterik hasi zen idazten. Charles Péguyk, 1911n igorritako gutun batean «Urrun iritsiko zara, Fournier, eta oroit zaitez ni izan nintzela esan zizuna». Eta gazterik argitaratu zioten hilezkorra bihurtuko zuen obra, hogeita zazpi urte zituela, 1913an: Le grand Maulnes (Maulnes Handia, Monika Etxebarriak euskarari ekarria), milioika nerabek irakurria geroztik. Alabaina, bere nobela bigarren geratu zen Goncourt sarian, egun inor oroitzen ez den obra baten ondotik. Kritikak bero hartu zuen, eta nobela poetikoaren eredutzat hartua da. Charles Péguy bera eta beste asko bezala, Lehen Mundu Gerrak segaturiko idazle multzokoa dugu Alain Fournier. Lotinanta zen eta agindu absurdu bat bete behar izan zuen. Bere estilo poetikoaren adibidetzat, Emakume pozoitua ipuin laburra eskaintzen dizuegu (La femme empoisonnée, 1911).
Urr 01 16
Zikoinaren hegaldia Hendaian
Patxi Zubizarretak eta Pello Ramirezek “Zikoinaren hegaldia” errezitaldi musikatua eskainiko dute urriaren 1ean (larunbata) 18:00etan Hendaiako Asporosttipi landetxean.
Urr 01 16
Ametsak ere zain Gasteizen
Mikel Antzaren Ametsak ere zain liburuko poemen errezitaldia egingo dute Josu Landak, Gotzon Barandiaranek eta Itziar Castrillok urriaren 1ean (larunbata) 13:30ean Gasteizko Probintzia plazan.
Urr 01 16
Alde erantzira nabil Gasteizen
Ekhine Eizagirreren Alde erantzira nabil poema liburuan oinarritutako errezitaldia egingo dute urriaren 1ean (larunbata) 12:30ean Gasteizko Probintzia plazan.
Ira 30 16
Mrs. Hemingway Iruñean
Naomi Wooden Mrs. Hemingway aztertuko dute irailaren 30ean (ostirala) 20:00etan Iruñeko Zaldiko Maldikon.
Ira 30 16
Azken hitzordua Ean
Sandor Marairen Azken hitzordua nobelaz ariko dira irailaren 30ean (ostirala) 19:30ean Eako Eskolondon.