Mar
21
18
Udaberriaren loraldiarekin ospatzen da Munduko Poesia Eguna, martxoaren 21ean. Eta poesiaren zabaltze lanean lan handia egin zuen Gabriel Arestirengana jo nahi dugu, Euskal Herrian gaztelaniaz idazten zuten poetak euskarari ekartzen egin zuen ahaleginarekin. 1960an Egan aldizkarian lau poetaren lanak itzuli zituen, “Erdarazko lau poeta” izenburupean, guk orain eskaintzen dizkizuegunak: lehen ere hemen emana dugun Blas de Otero, eta Angela Figueraren Aingeruen zuzenbidea, Gabriel Celaya-ren bi poema eta Jose Maria Basalduaren beste bi.
Mar
21
18
Miren Agur Meabek Kristalezko begi bat izango du berbagai martxoaren 21ean (asteazkena) goizeko 11:00etan Igorreko institutuan.
Mar
20
18
Gotzon Hermosilla, Igor Mercado eta Iñigo Basagurenek idatzitako Idoloak akatu genituenekoa liburua hizpide hartuko dute martxoaren 20an (asteartea) 19:30ean Leioako irakurle klubean.
Mar
20
18
Danele Sarriugarte Azala erre nobelari buruz arituko da Kattalin Minerrekin martxoaren 20an (asteartea) 19:00etan Bilbon, Poza kaleko Elkar liburudendan.
Mar
20
18
Eider Rodriguezen Bihotz handiegia ipuin liburuaz jardungo dute martxoaren 20an (asteartea) 18:30ean Lasarte-Oriako Ttakunenean.
Mar
19
18
Kattalin Minerren Nola heldu naiz ni honaino hartuko dute berbagai martxoaren 19an (astelehena) 18:30etan Galdaoko Topa tabernan.
Mar
19
18
Martin Bidaur poetaren Itzulerari buruz arituko dira martxoaren 19an (astelehena) 17:00etan Igorreko kultur etxean.
Mar
19
18
Anaia eta Tollund-eko gizona, Hugo Clausen bi poema bikain ekarri dizkigu euskarara Iñigo Aranbarrik. Duela 10 urte, 2008ko martxoaren 19an hil zen Claus, Flandriako idazle eta artista handia, XX. mendeko literaturgile erreferentziazko bat. Ohean, hiltzen, datzan anaiari egindako poema, eta Danimarkan aurkitu zuten duela 2000 urteko momiari eskainitakoa, hark iradokitakoa, maisutasun horren erakusgarri dira.
Mar
16
18
Mikel Etxaburuk Lo zaudela zabaldu dizkizut begiak poema liburua aurkeztuko du martxoaren 16an (ostirala) 19:00etan Bilboko Louise Michel liburudendan.
Mar
15
18
Kritikak esandakoaren arabera, intrahistoria dakar, hizkera indartsu eta estratoz estrato mailakatu baten bitartez Juan Karlos Lopez Mugartzaren Garraren eta karroiaren margoak poema liburuak. Eta hain zuzen ere izenburutik bertatik adierazten dizkigu kontrajarritako bi elementu bortitz, indartsu, poemetan gero garatzen direnak. 2017an bi poema-liburu argitara eman berri ditu Mugartzak, Arima animalia (Maiatz) eta Bihotz hauskorrak osatu eta portu handira iritsi dira (Denonartean). Isiltasun luze baten ondoren, esan genezake, izan ere gaur osorik eskaintzen dizuegun liburua, Euskaltzaindiaren Poesia saria irabazia 93an, haren lehen poemarioa, 1994an argitaratu baitzen.
Mar
15
18
Dino Buzzatiren Tartariarren basamortua aztertuko dute martxoaren 15ean (osteguna) 19:30ean Zarauzko Garoan.
Mar
15
18
Anjel Lertxundiren Zu liburuaz ariko dira martxoaren 15ean (osteguna) 19:00etan Zestoako Portalen.
Mar
14
18
Anjel Lertxundiren Horma berbagai izango dute martxoaren 14an (asteazkena) 18:30ean Bilboko Begoñako udaltegian.
Mar
14
18
Agota Kristofen Koaderno handia izango dute solaserako martxoaren 14ean (asteazkena)18:00etan Leitzako liburutegian.
Mar
14
18
Alaine Agirreren Bi aldiz erditu zinen nitaz, ama nobelaz berba egingo dute martxoaren 14an (asteazkena) 18:00etan Bilboko Bidebarrieta liburutegian.
