Abe
01
18
Mikel Laboak hiru ildotan sakondu zuen bere sormen lana: Herri kantagintzaren berreskurapen eta hedatzean, esperimentazioan (lekeitioak) eta idazleen testuen ahairetzean. Bere heriotzaren 10. urteurren honetan, musikatzeko aukeratu zituen testu batzuekin osatutako LP bat proposatzen dizuegu, jakinik Laboaren kantagintzak euskaldunon belaunaldi askoren imaginarioan duen eraginak mugatuegi ere bihur dezakeela, nork bere LPa duela.
A aldea
Egun da Santi Mamiña
(
Gabriel Aresti) 1966
Gaberako aterbea
(
Bertolt Brecht) 1969
Izarren hautsa
(
Xabier Lete) 1980
Herria eta hizkuntza
(
Xalbador) 1980
Martxa baten lehen notak
(
Joxean Artze) 1980
B aldea
Lizardi
(
Bernardo Atxaga) 1985
Sorterriko koblak
(
Joseba Sarrionandia) 1985
Oroitzen zaitudanean, ama
(
Joseba Sarrionandia) 1994
Gure hitzak
(
Bernardo Atxaga) 1999
Sustraiak han dituenak
(
Joseba Sarrionandia) 2005
Emari eta sakonera handiko ibaia harri batetik bestera jauzika zeharkatzeko ahaleginean irudikatu dugu Laboa. Gabriel Aresti musikatu zuen lehenik, artea artearen aldeko aldarri ozenarekin eta klase kontzientziatik euskal poesia modernitatera ekarri zuen hura, Ez Dok Amairun bidelagun izango zituen Artze eta Lete, Arestik itzulitako Brecht, Aresti aitapontekotzat izan zuen Atxaga, Atxagaren bandakide izan zen Sarrionandia. Herria da gorputza, hizkuntza bihotza, gure hitzak esan, ez daitezela gal, ez daitezela ahaztu. Nekez uzte du bere sorterria, sustraiak han dituenak. Oroitzen zaitugunean…
OHARRA: Datak kantak argitaratu ziren urteei dagozkie, ez testuak sortu zirenekoei.
Aza
30
18
Ugaitz Agirre Tximeletak bizkarrean nobelari buruz mintzatuko da azaroaren 30ean (ostirala) 19:00etan Tuterako Letras a la taza liburudendan, AEK-k bultzatutako euskarazko irakurle talde berrian.
Aza
29
18
Arantxa Iturberen Koadernoa zuri liburuaz ariko dira azaroaren 29an (osteguna) 19.30ean Algortako Aldai patronatoan, Uribeko Kostako Irakurzaleen txokoan.
Aza
29
18
Virginie Despentes idazlearen King Kong teoria izango dute mintzagai azaroaren 29an (osteguna) 19:30ean Gasteizko Irakurle klubean.
Aza
29
18
Alfonsina Storniren poemen errezitaldia musikatua egingo du Uxue Alberdik Ines Osinaga soinujolearekin azaroaren 29an (osteguna) 19:00etan Zumaiako Oxford aretoan.
Aza
29
18
Edorta Jimenezek Ostadarrak lurrak ukitzen duen lekua nobela berria aurkeztuko du azaroaren 29an (osteguna) 19:00etan Bermeoko Talako kantinan.
Aza
29
18
Gotzon Barandiaran eta Rafa Rueda Hitzen ahairea liburuarekin eta Toti Martinez de Lezea Malkoak lur antzuan aurkezten egongo dira azaroaren 29an (osteguna) 19:00etan Larrabetzuko Anguleri kultur etxean. Euskaraldia.
Aza
29
18
Bernardo Atxagaren Obabakoak hartuko dute hizpide azaroaren 29an (osteguna) 18:30ean Getariako irakurle taldean.
Aza
29
18
Jon Arretxek Ez erran deus aurkeztuko du azaroaren 28an (asteazkena) 12:00etan Donostiako Udal liburutegiko sotoan. Argitaletxea: Erein.
Aza
28
18
Bi itzulpen-lan eman zituen argitara Idatz&Mintz aldizkariaren 64. zenbakiak, biak ere itzulpen lanetan ohiko kolaboratzaile duen Xabier Bovedak eginak. Jorge Luis Borgesen poemak, alde batetik, idazle argentinarraren obra poetikoaren ale batzuk euskaratuz; eta, horrekin batera, Marcel Schwoben Umeen gurutzada lana. Biak eskaintzen dizkizuegu.
Aza
28
18
Danele Sarriugarterekin Azala erre nobelari buruz arituko dira azaroaren 28an (asteazkena) 19:00etan Tolosako Galtzaundi irakurle taldekoak kultur etxean.
Aza
28
18
Alaine Agirrek Kamisoi zuri zetazkoa aurkeztuko du azaroaren 28an (asteazkena) 11:00etan Donostiako Udal liburutegiko sotoan. Argitaletxea: Erein.
Aza
27
18
Harkaitz Cano Fakirraren ahotsa nobela berriari buruz solasean arituko da azaroaren 27an (asteartea) 19:30ean Iruñeko Karrikiri dendan.
Aza
27
18
Uxue Alberdiren Jenisjoplin nobela hizpide hartuko dute azaroaren 27an (asteartea) 19:00etan Martuteneko Etxarriene kultur etxean.
Aza
26
18
Eider Perez eta Ane Zubeldiak munduko hainbat emakumeren poemak irakurri eta taularatuko dituzte Autobiografikal ikuskizunean azaroaren 26an (astelehena) 19:00etan Bilboko Bira kultur gunean.
