Mar
27
20
Eduard Veniaminovitx Savenko, Eduard Limonov gisa ezaguna 1943ko otsailaren 22an jaio zen Djerjinsk-en (SESB) eta 2020ko martxoaren 17an hil berri da Moskun (Errusiar Federazioa). Gaizkilea izan zen Kharkiven (Ukrainan) gaztetan, poeta Moskun (1966-1974) eta eskale eta morroi New Yorken (1974-1980). AEBetan SWP alderdi troskistako kideen gertukoa izan zen eta bere egunerokoan oinarrituta idatzi zuen Morroi baten istorioa eleberria. Idazle gisa Parisen (1980-1991) egin zen ezagun. Berdin argitaratu zuen L’Humanité egunkari komunistan, Le Choc du mois nazionalistan eta, bereziki, L’Idiot international gorri-arrean. Azken honetan hasi zen Philippe Sollers, Marc-Édouard Nabe eta Thierry Ardison bezalakoekin harremanetan. Fanzineetan idatzi zuen, panfletoak egin zituen eta punk kulturari lotuta egon zen. Aleksandr Duginekin batera Alderdi Nazional Boltxebikea sortu zuen 1991n eta 2001 eta 2013 artean sarritan atxilotu zuten eta kartzelaratu. Putinen kontrako oposizioko kide nabarmenetako bat, idazlea izan zen: 50 liburutik gora argitaratu zituen. Hona hemen, haren heriotza kari, Hedoi Etxartek itzulitako poema bi.
Mar
27
20
Ramon Saizarbitoria idazlearen Miren eta erromantizismoa solasgai izanen dute martxoaren 27an (ostirala) 20:00etan Iruñeko Zaldiko Maldikon.
BERTAN BEHERA
Mar
27
20
Antzerkiaren Nazioarteko eguna ospatzen dugu urtero martxoaren 27an. Urtero, munduko antzerkigile batek manifestu bat idazten du egun honetarako. Sarritan, manifestua euskaratu eta gurean ere irakurri egiten da antzerkiaren inguruko mezu hori, aurten balkoitik balkoira egin beharko dugu, ziurrenik, antzerki areto guztiak itxita daude eta.
Eta aurten ere, Pakistango Shahid Nadeem antzerkilaria eta giza eskubideen aldeko aktibistak idatzi du eta guk ere sarean hedatu gura izan dugu euskarara ekarrita.
(gehiago…)
Mar
25
20
Rafa Egiguren Txipiroiak bere beltzean aurkezten arituko da martxoaren 25ean (asteazkena) 19:30ean Iruñeko Karrikirin.
BERTAN BEHERA
Mar
19
20
26 urte zituela hil zen Ana Isabel Garcia Llorente, Gata Cattana. Artista, rap kantaria, poeta… Mezu feminista eta politikoz hornitutako kantuak, protesta kantuak, dira andaluziarrarenak, eta umorez eta sarkasmoz –ukitu klasikoz— onduak poemak. Gotzon Barandiaranek itzuli dizkigu lau, hemen dituzu.
Mar
18
20
Amets Arzallus Miñan liburuari buruz solasean egongo da martxoaren 18an (asteazkena) 18:00etan Oiartzunen.
BERTAN BEHERA
Mar
18
20
Miñan argitaratu eta hiru hilabete geroago, Amets Arzallusek Ibrahima Balderengana Madrilera egindako bisita bat du oinarri ikus-entzunezko honek. Ibrahima Balderen egunerokoa azaldu eta, bide batez, liburuaren nondik norakoez, ahozko literaturaz eta migranteen aferaz hausnartzen da bertan.
Kulturaz kooperatibak Dinamoa sormen gunean ekoiztu du DAPA bideo sorta.
Mar
17
20
Amets Arzallus Miñan liburuari buruz solasean egongo da martxoaren 17an (asteartea) 18:30ean Lasarteko irakurle taldean.
BERTAN BEHERA
Mar
12
20
Gorka Salces Iraganeko izterrak bere poesia liburuari buruz solasean arituko da martxoaren 12an (osteguna) 19:30etan Bilboko Biran.
Mar
12
20
Txema Garcia-Viana eta Felipe Juaristiren arteko solasaldian Pentaedroa liburua aurkeztuko dute martxoaren 12an (osteguna) 19:00etan Donostiako Elkar liburudendan.
Mar
12
20
Garazi Goiaren eta Goizalde Landabasoren 1.362 kilometro euri liburuari buruz arituko dira martxoaren 12an (osteguna) 18:45ean Basauriko Pozokoetxe kultur etxean.
Mar
12
20
Igor Estankonak Moskito liburu berria aurkeztuko du martxoaren 12an (osteguna) 11:00etan Donostiako liburutegiko sotoan. Argitaletxea: Susa.
Mar
11
20
Nerea Balda eta Garazi Arrula, Bi idazle, bi begirada Inma Erreak elkarrizketaturik martxoaren 11n (asteazkena) 19:00etan Nafarroako Liburutegi Nagusian, Iruñean.
Mar
11
20
Moskito Igor Estankonaren bosgarren poema liburua da, azkenekotik hamaika urte igaro ondoren argitaratutakoa. Bizitzaren bideak bezain zabala eta ustekabekoa, Moskito aitatasunaz ari da, bikoteaz, nazioaz, heriotzaz. Agerpen eta desagerpenean, adierazte eta ezkutatzean oinarritzen den unibertsoa da berea, lanbroak ezkutatutako poesia, hainbat irakurketarako aukera iradokitzen duena. Estankonak badaki zinikoa izaten, baina badaki esperantzari eta poesiaren edertasunari eusten ere. Osorik eskaintzen dizugu sarean.
Mar
10
20
Ingeborg Bachmann-en Aldibereko narrazio lana hartuko dute hizpide martxoaren 10ean (asteartea) 19:30ean Donostiako udal liburutegiko sotoan.
