maiatza
26
22
Hitzen zoo libre bat dakar Lizar Begoñaren Gepardo japoniarrak poema liburuak. Logika egituratuak desafiatuz eta formaren aukerak zukutuz, mundu garaikidearen testurak bildu ditu, organikoenetatik ukiezinenetara. Palmondoak, abereak, belar txarrak, Bergman, Brontë, Oteiza, Le Guin eta beste hartu ditu solaskide, zentrorik gabeko eremu batean kiribiltzeko gonbita eginez irakurleari. Osorik irakur dezakezue sarean.
maiatza
25
22
Uxue Alberdiren Dendaostekoak liburuari buruz berbetan arituko dira maiatzaren 25ean (asteazkena) 19:00etan Sarrigurengo Oihanburu salan. Gidaria: Nerea Balda.
maiatza
25
22
Kepa Iribarek 72 ordu izeneko nobela aurkeztuko du maiatzaren 25ean (asteazkena) 11:00etan Donostiako udal liburutegian. Argitaletxea: Erein.
maiatza
24
22
Annie Ernaux idazlearen Gertakizuna liburuari buruz hitz egingo dute maiatzaren 24an (asteartea) 19:30ean Ezkarozen, Zaraitzuko irakurle taldean.
maiatza
24
22
Virginie Despentesen King Kong teoriaz mintzatuko dira maiatzaren 24an 18:30ean Aurizberriko liburutegian.
maiatza
22
22
1972ko maiatzaren 22an hil zen Cecil Day-Lewis idazlea. 30etako idazle ingelesen artean erreferentzia ezinbestekoa, militante komunista, beste zenbait idazle garaikidek bezala, Espainiako 36ko gerrarekin harreman estua izan zuen. Eta Euskal Herriarekin: The Nabarra poema luzea ondu zuen Euzkadiko Gudontzidiko bou ezagunaren ibilera eta borroka oinarri hartuta. Luigi Anselmik euskaratu zuen Idatz&Mintz-entzat (Bolondresa poema ere badator Nabarra-ren edizio horretan), 2003an, eta hiru urte geroago Jose Luis Padronek beste itzulpen bat egin zuen Bassarairen edizio hirueledunerako, Bere izena Nabarra izenburuaz. Sarean irakurgai dagoen lehenaz gain, bigarren itzulpen hau eta honetarako Gabriel Insaustik egindako aurkezpena ere (obraz, garaiaz, estiloaz eta Day-Lewisez) online jarri ditugu. Igela argitaletxeak ere Piztiak hil behar du polizia-eleberria, Day-Lewisek Nicholas Blake ezizenaz plazaratua, argitaratu zuen, Estibaliz Lizasok euskaratua.
maiatza
22
22
Amaia Hennebutte, Itxaro Borda eta Ur Apalategi literaturaz solasaean arituko dira maiatzaren 22an (igandea) 10:00etan Donibane Lohitzuneko Maitena trinketean.
maiatza
20
22
Leire Vargasen Dena ametsa den irudipena poema liburuari buruz solasean eta kantuan arituko dira Oihana Arana eta Miren Amuriza maiatzaren 20an (ostirala) 20:30ean Arrazolako Amillena bentan.
maiatza
20
22
Amets Arzallus eta Ibrahima Baldek idatzitako Miñan liburuari buruz hizketan jardungo dira maiatzaren 20an (ostirala) 19:30ean Eako Eskolondon.
maiatza
20
22
1922ko maiatzaren 22an jaio zen Reus-en Gabriel Ferrater. Editorea Seix Barrall argitaletxean, irakaslea unibertsitatean eta, batez ere, poeta izan zen, 50 urte bete aurretik bere buruaz beste egin aurretik. Aurten bere jaiotzaren mendeurrena ospatzen ari dira Katalunian, eta bere poemen oihartzunak gurera ere heltzen dira, ez oso aspaldi euskarari ekarritako lanak ere argitaratu izan direlako. Zenbait poeta katalan antologia osatu eta itzuli zuen Gerardo Markuletak 1997an eta Literatura Unibertsala sailean argitaratu. Berrikiago, Aritz Galarragak Munduko Poesia Kaierak bilduman, Gabriel Ferrater poetaren lanak euskaratu zituen eta argitara eman, Beñat Sarasolaren hitzaurrearekin.
maiatza
19
22
Miren Agur Meabe idazlea Mikel Peña sukaldariaren ondoan arituko da Sukaldaritza eta poesia ekitaldian maiatzaren 19an (osteguna) 20:15ean Gasteizko Poetak maiatzean egitarauaren baitan.
maiatza
19
22
Xabi Bordak Urtu aurretik poema liburuan oinarritutako errezitaldia egingo du maiatzaren 19an (osteguna) 19:00etan Zarauzko Garoa liburudendan.
maiatza
19
22
Rikardo Arregi Diaz de Heredia eta Nerea Arruti Joseph Brodsky idazlearen Ur-marka saiakerari buruz solasean arituko dira maiatzaren 19an (osteguna) 18:30ean Donostiako Tobacco Days liburudendan.
maiatza
14
22
Ainara Maiak Hatsaren poesia 2021eko lanen bilduma aurkeztuko du maiatzaren 14an (larunbata) 14:00etan Galdakaoko Sormenen.
maiatza
14
22
Xabi Bordak Urtu aurretik aurkeztuko du maiatzaren 14an (larunbata) 13:30ean Galdakaoko Sormenen.
