Urr 04 22
Eider Rodriguez Eraikuntzarako materiala Abadiñon
Eider Rodriguezen Eraikuntzarako materiala nobelari buruz berba egingo dute urriaren 4an (asteartea) 19:00etan Abadiñoko Errota kultur etxean. Gidaria: Mikel Antza.
Urr 01 22
Karmele Jaio, Edu Zelaieta eta Rikardo Arregi Gasteizko Irakurle Klubaren 20. urteurrenean
Karmele Jaio, Edu Zelaieta eta Rikardo Arregi Diaz de Heredia beraien liburu kuttunei buruz arituko dira Gasteizko Irakurle Klubean,20 urte bete dituela ospatzeko urriaren 1ean (larunbata) 11:30ean ospatuko dute Gasteizko Ignacio Aldecoa kultur etxean.
Ira 30 22
Sastraka erakusketa eta mahaingurua Donostian
Pello Lizarralde, Imanol Rayo, Imanol Ubeda eta Jose Ignacio Agorreta mahainguruan arituko dira Garbiñe Ubedarekin Sastraka erakusketaren karietara irailaren 30ean (ostirala) 19:00etan Donostiako Ernest Lluch kultur etxean.
Ira 29 22
Kae Tempest Antzinako berri-berria Iruñeko Laban
Kae Tempest idazlearen Antzinako berri-berria euskarara ekarri du Itziar Diez de Ultzurrunek eta irailaren 29an (osteguna) 19:00etan aurkeztuko dute Iruñeko Gaztelu plazako Laban. Argitaletxea: Igela.
Ira 29 22
Morau eta Beñardo Ardo Zarauzko Garoan
Morau eta Beñardok Ardo errezital eta kantaldia egingo dute irailaren 29an (osteguna) 19:00etan Zarauzko Garoa liburudendan.
Ira 29 22
Bertol Arrieta Gezurra berdaderoa Zarautzen
Bertol Arrietaren Gezurra berdaderoa nobelari buruz jardungo dute irailaren 29an (osteguna) 18:30ean Zarauzko liburutegian.
Ira 29 22
Itxaropenak 90 urte eta erakusketa Zarautzen
Itxaropena argitaldari eta inprentak 90 urte bete ditu –Kuliska sorta argitaratu zuten 1952tik 1973ra- eta irailaren 29an (ostirala) 18:00etan hasita erakusketa egongo da Zarauzko Sanz enean.
Ira 29 22
Emile Zola hil zela 120 urte
Émile Zola 1902ko irailaren 28-29ko gauean hil zen, lo zegoelarik monoxido karbonikoz itota; askoren iritziz, idazlearen arerioek etxeko tximinia blokatu zuten pozoitu zedin. Urriaren 5ean ehortzi zuten Montmartre-ko hilerrian. Hiletan Anatole France idazleak esan zuen: “Giza kontzientziaren momentu bat izan zen Zola“. Idazlearen heriotzaren 100. urteurrenean, Iñigo Aranbarrik euskaraturik eskaini genuen Émile Zolak 1898an L’Aurore aldizkarian argitaratutako Salatzen dut…! (“J’Accuse…!”) gutuna, Dreyfus aferako epai-akatsen eta gehiegikeria politikoen kontra.
2017an Egan aldizkarian Juan Luis Zabalak euskaraturiko Katuen paradisua eta Michu handia jarri ditugu online efemeridearen karietara.
XIX. mendeko Frantziako gizarte eta literatur giroa ilustratzeko, Joseba Sarrionandiaren Idazlegoa eta iraultza artikulua duzu irakurketaren lagungarri (“Marginalia”, 1988, Elkar).
Ira 29 22
Oskar Gaztelu Heriotzari aurrez aurre begira
Oskar Gazteluk Heriotzari aurrez aurre begira saiakera aurkeztuko du irailaren 29an (osteguna) 12:00etan Donostiako udal liburutegian. Argitaletxea: Erein.
Ira 28 22
Joseba Sarrionandia Habanako gaukariak Deustun
Joseba Sarrionandia Habanako gaukariak trilogiarekin, hizlari arituko da irailaren 28an (asteazkena) 19:30ean Deustuko Bidarte auzo etxean.
Ira 28 22
Iban Zaldua Ipuina engainua da Gasteizen
Iban Zaldua, Angel Erroren laguntzarekin Ipuina engainua da liburuari buruz arituko da irailaren 28an (asteazkena) 19:00etan Gasteizko Zuloa liburudendan.
Ira 27 22
Saseta, Monzon eta Gudarien eginak Bergaran
Irati Jimenez, Mikel Antza, Oihana Arana eta Edorta Jimenez idazleek, Garazi Barrena musikariarekin batera Saseta, Monzon eta Gudarien eginak poesia eta kantu emanaldiaren agerpena egingo dute irailaren 27an (asteartea) 19:00etan Bergarako Seminarixoan.
Ira 23 22
Marina Tsvetaieva Ene anaia femeninoa Ean
Marina Tsvetaievaren Ene anaia femeninoa liburuari buruz arituko dira irailaren 23an (ostirala) 19:30ean Eako irakurle taldean.
Ira 23 22
Katixa Agirre eta Karmele Jaio Beti zentauro Gasteizen
Katixa Agirre eta Karmele Jaio idazleek Berriz zentauro nobelari buruz arituko dira irailaren 23an (ostirala) 19:00etan Gasteizko Elkar liburudendan.
Ira 23 22
Landura eta Bar Gloria liburuei idazleek egindako aurkezpenak
Susa literatura argitaletxeak plazaratu dituen azken bi liburuak dira Landura eta Bar Gloria. Normalean, idazleek eta editoreak aurkezten dituzte liburuak hedabideen eta lagunen aurrean. Ekitaldi sozialak ere bilakatzen dira sarritan, eta atsegin dugu hori ere. Literatura partekatzeko baita. Une oro. Eta Jose Luis Otamendik Landura aurkezteko prestatutako idatzia; eta Bar Gloria nobelaren aurkezpenean Nerea Ibarzabal Salegik irakurritakoa sarean daude irakurgai.
