CVII. KAPITULUA

Sabako erregina

3. Erreg. 10.

        Salomonek eragin zuen ondoan tenplue eder hura Jainkoaren ohoratzekotzat, eragin zuen orobat palazio guzizko bat beretzat, eta bertze bat erregina bere emaztearentzat, zeina baitzen Ejiptoko erregeren alaba: etzen gauza miragarri eta lilluragarririk Salomonen palazioan edireten etzenik. Urrea zarion alde guzietarik: xoratzen bezala zituen hura ikhusten zuten guziak. Palazio haren eta Salomonen bertze obra ederren ospea hedatu zen bazter gehienetarat. Mundua heldu zen, osteka, Salomonen ikhusterat, eta guziek behatzen zioten errege hari, bere mendeko mirakuillu bati bezala. Haren ikhusi nahizko gutizia gehien agertu zuena zen Sabako erregina. Printzesa hau ethorri zen hegoako alde barnetarik, yakiterat egiak othe ziren bada Salomonez zarauntsaten guziak. Sarthu zen Jerusalemen morga eta edertasun handitan. Hedatu zen Salomongana: ekharri zioen present edo emaitza hainitz: hala nola, ehun eta hogoi talen urre, zeinek baidakharkete zortzi million diru, perleria balios hainitz, eta nihork egundaino ikhusi etzituen bezalako urrin-onak. Sabako erregina mintzatu zitzaion Salomoni harenganat erakharri izan zuen xedeaz; asko galde egin ziotzon. Erregek ihardetsi zion xeheki gauza guzien gainean, eta erregina arrotzak izan zituen bilhatzen zituen argitasunak. Ezagutu zuen Salomonek magnifizentzia bere palazioan; haren zuhurtzia bere hitzetan, haren izpirituko zorrotztasuna ikhusteko gauzarik gordeenak: eman zen, dio iskritura sainduak, bere baitarik kanpoan bezala, eta erran zioen printze hari: orai nerhorrek ikhusten dut zutaz, eta zure zuhurtziaz erran zitzaizkidan guziak hala direla. Ezin sinhets netzakeien zutaz entzuten nituen gauza harrigarriak, eta nahi izan naiz guziez argitu ene begiz; ordean nik ikhusten ditudanak oraino gehiagokoak dire: ala baidire dohatsuak zure zerbitzuan direnak, eta zure solas zuhurren lekhuko direnak! Sabako erregina bihurtu zen bere erresumarat, guzia loriatua berak ikhusi zituen gauzez. Salomonek egin izan ziotzon berak ekharri ziotzkan presentak baino hainitz ederragoak.

        Sabako erreginaren etsenpluak gure ahalkea, eta kondenamendua dakharke. Hedatu zen lurraren bertze bazterretik Salomonengana: ezagutu zuenean berak haren zuhurtzia guzizkoa, dohatsu zaduzkan hari hurbiltzen zitzaizkonak, eta zerbitzu bihur ahal ziozoketenak. Eta guk Jainko bat dugu nausitzat, Jesu-Kristoren zuhurtzia bera erregelatzat, zerua bera gollardotzat: halarik ere, o, itsumendua! hobeki yarraikitzen gaizko kreatura ezdeus-bati, ezen-ez kreatzaille adoragarriari, munduko zuhurtziari, ezen-ez Jesu-Kristorenari, lurreko gozamenari, ezen-ez zerukoari. Berriz ere diot: o, itsumendua! o, erhokeria.