XXXII. KAPITULUA

Josefen anaiak

Gen. 42.

        Josefek izan zuenean Faraonganik hanbat bothere, eta eman zitzaizkonean eskutarat errege hark zuen indar eta nausitasun guzia, erakutsi zioen printze hari zein dohatsu den errege hat ministre zuhur baten yabe denean, eta ez dela halako tresorik, nola konseillu on bat. Haren lehenbiziko artha izan zen populua dohatsu egitea; hartarako erakharri zuen frankia behar orduko: frankia hartan nihork eskasik izanen etzuen bezala. Bildu zuen artha handirekin lehenbiziko zazpi urthetako bihia. Gosetea abiatu zenean, eta ya hasi zenean mundua parte hartarik pairatzen, populuak izan zuen errekortsu, bere hersturan, Faraonganat, bere beharreen estaltzaillearenganat bezala. Printze hark bidali ziotzan guziak Josefi, zeinak arraiki entzun baitzituen; ezen etzuen nihor dorpheki hartzen. Kanaengo lurra etzen guphidetsia izan agorte handi hartan. Jakobek, entzunik Ejiptoan saltzen zela bihia, egorri zituen bere umeak harat bihi erosterat: Josefek ezagutu zituen berehala, ordean etzuen bere burua salatu. Nola beldur baitzen haurride hek tratatu zuketeiela Benjamin ttipia, bera egin izan zuten bezala, nahiz yakintsun izan gauza hartaz, tratatu izan zituen espionak izan balire gisa. Anaia hek, akusu hartarik bere buruak garbitzekotzat, erran zioten Josefi, guziak aita baten semeak zirela, zeina baitzatzan Kanaenen heien haurride gazteenaekin. Horren gainean, Josefek ihardetsi zioten, eta erran utz ziozatela, gauza haren segurantza yakin artean, bahikundetzat bere artetik bat, eta erakhar ziozatela aiphatzen zuten anaia gazte hura. Hertsura hartan, orhoitu izan ziren Josefen alderat egin zuten gaixtakeriaz, eta mintzatu ziren, bere herriko hitzkuntzaz, egin izan zuten gaizki handiaz. Josef, ordu hartan, izan zen ukitua bihotzaren zolaraino, eta urrunduxe zen nigar egiteko; agertu zen gero; kontentatu zen atxikitzeaz bahitzat Simon zaritzona, eta bidali zituen bertze haurrideak bethe-arazi ondoan bihiz heien zakhuak, eta bihur-arazi zioten bere dirua. Bere aitaganat zirenean, eraman ziotzaten berriek damustatu izan zuten buraso hura: ezin kontsola ziteken haren umeek eman zuten hitzaz eramateko berekin Benjamin xumea. Orhoitzen zen lehenago izan zuen atsekabeaz Josef galtzeaz; erran ere bazioten etzuela utziko goaterat bere umetarik gazteena, eta gehienik maite zuena.

        Elizako aitak bethi daude admirazionean ikhusteaz historio hunen segida guzian nolako probidentziarekin Jainkoak erregelatzen dituen gauza guziak, eta nihor ezin enferra dakiokela haren nahi sainduari. Josefen anaiei gerthatu zitzaien, berak beldur ziren guzia. Saldu izan zuten bere haurridea nahiz debekatu ametsek ezagut-arazten zuten haren handitasuna; eta zeren saldu izan zuten, hortik beretik izan zen handi egina; bere haurrideek humiliatu behar izan zuten Josef, altxatua izatekotzat, eta haren goratasunak izan zuen anaieen higuntzaren beharra. Jainkoak nahi izan du historio hau izan zadin ezarria iskritura sainduan, sinhets gogorrenek berek yakin dezatentzat hark berak darabillala mundu guzia; ez dela bat bortxa egin ahal diozokenik haren nahiari: eskuratzen dituela yakintsuenak ere, bere antze eta yakintasun guzien erdian. Errege guzietarik zuhurrenak irakhasten daroku ez dela ez zuhurtziarik, ez prudentziarik, ez eta konseillurik Jaunaren borondateari buru egin diozakenik; aitzitik gizoneen erresistantzia edo enferratze hartaz beraz baliatzen dela bere xedeen bethetzeko, eta errextasun botheretsu batekin egiten duela, berak nahi duen guzia.