AXERIA ETA ZIGOINA

    Murde axerik behiñ, andere zigoiña,

    Hauzoan bethitik hantatzen zuena:

    Gonbidatu zuen erakada egitera

          Eta arrattsa pasatzera.

    Baiña gaitztaginak, beretarik bethi,

    Egiñ behar, non ez, ez laiteke axeri.

    Aphaiñtzen du beraz artha handirekin,

    Axixa bat bere dagozkon drogekiñ:

    Trentxoiñ barne gabe, ta zabal batean,

    Hedatzen du gero molde abillenean.

          Bertze platik hark etzuen

          Hagitz xuhurki bizi zen;

          Zikhoitz aire bat baitzuen:

              Hartzera prest bethi

              Emaitera nagi.

    Madama zigoiña denean ethorri,

    Eta mahaiñean direnean yarri,

    Saltsaren usaiñak baitu betan boztu,

    Nausiari dio hortaz konplimendu;

    Gero alaiki dire yaten abiatu.

    Baiña mokoa du xorrotx eta luze,

    Frikotik har deusik kasik ez dezake.

    Mihiz eta ezpaiñez, aldiz axeriak,

    Laster ditu billtzen plateko guziak.

    Badago zigoiña lehen bezain gose,

    Iduririk eztu egiten halere:

    Nola baitzen ere hagitz ikhasia;

    Erremesiatu ondoan nausia,

    Hauzo, diotzo, nik bihar nere aldia?

    —Bai andre, gogo onez, ezen ez daukat nik,

    Adiskideekin zeremoniarik.

    Badathor maistroa biharamunean,

    Zigoiña baithara, hartu tenorean;

    Badakhar madamak laster mahaiñerat,

    Yarro arbasotarik yautsirikako bat:

    Aspiz zabal, gaiñez luze eta hertsi zen,

    Mokoa aise hartan berak zarabillken:

    Halaber bakharrik laster hutstu zuen.

    Aldiz axeriak baitzuen musua

    Hagitz bertzelako amak moldatua

    Eziñ zuen egiñ tristeak bertzerik,

    Kanpotik yarroa milikatu baizik:

    Eta gelditu zen gormanta barurik.

    Etxe alde laster emaiten da abian;

    Baiña damak hauxe derro partiadan:

Hauzo, barda nere gostuz dostatu zare ederki:

Baiña orhoit zaite duenak, azken egiten hirri,

Harrek duela bakharrik hirri egiten ongi.

          Ez izan nihoiz trufari:

          Ezen gutien ustean,

          Ahalke handienean

          Ukhan dezazuke urriki.

Erneak baitu topatzen erneagoa bethi:

Eta abillagoa abillak bera baiño noiz nahi.