OTSOA ETA ORA MEHEA

Arraiñ ttiki nahiko zen berriz urera yauzi;

Baiña ez zitzaion komeni gauza arraintzaleari.

Biek zutela arrazoiña badiduritzait niri;

Hark bizia nahi zuen alegiñaz luzatu;

Hunek eskutan zuena gerokoka ez largatu:

Erran dut arrantzaleak net ontsa egiñ zuela,

Segura dudakoan truk nihoiz utzteko eztela.

Bedariak otso batek hau berbera egin zuen;

Ez dakit haren kaskoan zer iragan othe zen;

Naski aprendiz oraiño ofizioan baitzen.

Arthaldez-arthalde behiñ zabillala fatxadan,

Aurki non othe zetzaken artzaia eta ora lotan:

Herriaren hurbillean ora bat topatzen du,

Mehe, zimeill, eta egiña xoil hezur eta larru.

Halarik ere kostumaz zathitzera zaraman,

Herresaka ora tristeak baldiñ ez balio erran:

          Nausia zer diduritzu?

          Nolaz ikhusten eztuzu?

          Nere xarpanteriatik

          Ez dukezula mamirik,

          Niholere zuk athera.

          Zure ahoa bethe ahala?

          Bizpairur egun indatzu,

          Eta itzuliko natzaitzu

          Egiña gizen-gizena:

          Ezen gure etxekoiauna

          Dioa alaba ezkontzera:

          Behar naiz eztaietara.

          Beraz nahi edo ez nahi,

          Hagitz ondu behar naiz ni.

Otsoak hau sinhetsirik, utzten dautzu goatera;

          Ez zaitekeien barura.

Zenean ephea iragan badathor han berera,

Ikhusi behar zuela zakurraren ardura:

Baiña aurkitzen du kokiña etxe-barne dagola,

Xareta baten artetik erdi-hirriz derrola:

          Kide, hor zaren hitzean?

          Halaber nago nerean.

          Banathortzu mementean,

          Athe-zaia sahetsean.

          Athe-zain hau ora bat zen

          Aspaldi otso despeitzen

          Hagitz ohitua zena:

          Urrun zoan hunen fama.

          Otsoak derro orari:

          Seguretik musikari?

          Niketz, bi milla goraiñtzi

          Errozu athezaiari.

          Zuk begirautzu bidaia,

          Non eztuzun athezaia.

Hau erran eta laur atzez laurenka suntsitu zen,

Kskoz bainon atzez hura hagitz hobe zaiten.

          Otso gaizo haren pare

          Yendetan asko badire:

          Hari dire bill eta bill

          Nahi dena goseak hill:

          Bere seillaru gaindiak

          Daozkatela hetsiak?

          Egiñ nahiz geroago

          Irabazi gizenago.

          Baiñan atzemanak dire,

          Aldi batzuez bedere

          Oxala balire bethi

          Nola luketen merezi.