ARRATOINA HERMITAU

          Lebantekoek diote

          Egia den badaiteke,

          Ziñ egin nahi ez nuke.

Arratoi bat lehenago, bere baithan sarthua,

Munduko gan-ethorriez arras desgustatua:

Guzier adio erranik erretiratu zela,

Olandako gasna baten barnean bizitzera.

Zeldatxo bat egiñ eta haren erdi-erdian,

Goxoki han bizi zela urus bakhe handian.

Atzez eta hortzez hariz bere bizi-tokia,

Ezarian egiñ zuen gustos eta konplia.

Geroazko griña gabe bethi izan oraikoa,

Bethi prest baitzagokion hazkurri gustukoa;

Yadan egiña zen gixen eta gorddo-gorddoa:

Hain da gorphutzarentzat on sosegu barnekoa.

Urus arras, hark ez zuen desiratzen bertzerik.

Baiña mundu huntan ezta urustasun osorik,

Ustekabean badathor nahigabe nonbaitik.

Yan ondoan egun batez dagolarik siestan,

Arrotzak badituela senti du bere borthan:

Ideki diotenean, bizpahirur Yaun gazte,

Agertzen zaizko, direla miñtzatzen hunelaxe:

Hemen, Yauna, gathorzkitzu beharrak hartararik,

Urrun oraiño gioaz, eta gathorz urrundik:

Bai ahal dakizu naski ya aspaldi baduela,

Gathuen ta gure artean gerla bizia dela;

Ratapolis deithatzen den gure hiri nausia,

Heien armadak deukala setian ezarria;

Enbaxadore goazi gorthe estranyeretara

Dukegun erakhar zenbait gure sokorritzera.

Baiña gure errepublikak delakotz pobretua,

Partiadan ez derauku boltsa utzi garnitua.

Zerbait emaitzez zue baldiñ baginitzatzu lagun.

Gure xedea urruski arren konpli dezagun;

Othoitz giniro gartsuki gure aldetik zerua,

Dizun arren doblaturik emaitzaren pagua.

Arenga ukigarri hori zenean akabatu,

Ermitaiño zelebrea hula zaien mintzatu.

          Ay! nere haur bereziak

          Munduko gauza guziak

          Aldebat ditut utziak:

          Hemen iraganetarik

          Ez zait ya behatzen deusik;

          Ez daigiket deus bertzerik

          Othoitz egitea baizik.

          Zerua dut othoitzturen

          Bere laguntza dizuen

          Eta horiehe erran eta,

          Zerratu zioten bortha.

          Nor uste duzue hemen

          Nik dudala sieñalatzen?

          Fraidea othe? —Ez fraidea

          Nik daukat on-egillea.

          Apheza othe? —Ez oraino,

          Apheza ematera dago:

          Zikhoitza segur hobeki

          Gauza ezen yakiña aspaldi,

          Holako yenden doktriña

          Da, bedi nor bere diña:

          Nor ere ezpaita beraren

          Hanbat gaitztoago haren:

              Bakotxa beretzat

              Yainkoa ororentzat.