ASTOA ETA ORA

          Elkhar behar da lagundu

          Naturalezak nahi du:

Astoa hargatik behiñ legeaz zen trufatu.

Handia baitzen harentzat, eta ezduket esplika

Hori nola zuen egiñ; orhe onetikan baita.

Bazioan herriz-herri gogoan gabe deusik;

Sahetsean ora eder bat, nausia gibeletik.

Nausia lotan zen sarthu, aldiz astoa alhara

Ateka zabal batetik gan zen phentze batera.

Hango belharra iduritu zitzaion zalegarri;

Nahiz han astakarlorik ez zuen hark ikhusi:

Plat hunen faltan ezta iñoiz othuruntzarik utzi.

Aldi huntan asto Yauna pasatu zen halere,

Harentzat hain frianta den plat faborita gabe.

Gosetua bere aldetik zakurrak othoitzten du,

Aphur bat lagun on gisa, nahi zaion aphaldu:

Arren horrela atzemanik bibretako otharrea

Athera dezan hartarik zertaz yabal gosea.

Arkadiako xantreak ez dio egiten kontu,

Hortz-kolpe xoil bat galtzeaz, zeren bailuke damu:

Gormantak egiten dio gorrarena luzaro;

Noizbait ahoa bethea, hula mintzatzen zaio:

Kide, nere kontseillua duk ezaken igurik,

Nausia daiten athera lo duen ederretik:

          Ezen berak falta gabe,

          Arras trankill bahagoke,

          Iratzarri den pontutik

          Emanen dauk otharretik

          Hire portzi ohitua:

          Etzen oraiño ixildua,

Horra non oihan zolatik ikhusten duen yalten,

Bertze azinda gosetu bat, otso Yauna hura zen.

Astoak oihu orari dathorkon laguntzera;

Ora ezta mugitzen, segur ez zagoken hortara.

Ordainez erraten dio: kide, dizut kontseillu,

Egizun ihez, nausia dadiñ artio atzartu:

          Ya luzaro egon ez daite,

          Hots bada hots khexa zaite:

          Ukho phentze gizenari,

          Eman zakizko ihesari.

Eta baldiñ otso yaunak atzematen bazaitu

Uztarko batez haidorki matrailla hauts ezozu:

Haiñ xuxen ferra berriak dakhartzu ere atzetan

          Eta banintz zure plazan

          Otsoa niro betbetan

          Heda laur atzak airetan.

Haiñ ederki mintzo zela, otso yauna aldera zen,

Eta lepora yauzirik asto yauna itho zuen.

          Hunek zer erran nahi du

          Behar dela elkhar lagundu

          Asto, orentzat bada aski

          Morala hori segurki;

          Bertze hau ere bai naski:

          Egiok egilleari

          Baiña yende khristauentzat

          Oraiño bada bertze bat

    Gaitz egilleari, zuk on egiozu,

    Zuri egin gaitza, onez garai zazu:

    Othoitz ere egizu, zuri yazarlentzat,

    Mundu huntako hau, ezta goxo hanbat.

          Bertzeko aldiz hobea da;

          Zure zortea hor baita

          Kestione sekulaz da.