Zazpi Sakramentuak

Señale sekreto sagratuak,

Jesu Kristok paratuak

barkatzeko bekatuak,

ta emateko grazia ta birtuteak.

Señale dire, zeren

ebeki mostratzen den

ariman barna iten dena

eta sentitzen eztena,

baita grazia Jaunarena.

Graziagoi zer gauza da?

Jaunaren dono andia,

gure arimaren bizia,

zeñeki au egiten da

beraren hume onetsia,

dretxo duna gloriara.

Bataioa da len lena,

guzis garbitzen duena,

nola jaiotze berria

kristiatzen gaituena,

elizaren ataria

orgatik bai deitzen dena.

Gero da Konfirmazioa,

konfirmatzeko fedean,

firme egoteko lanzean,

kristioaren perfekzioa.

Gero dugu Konfesioa,

bekatuen barkatzeko,

grazia galdua aurkitzeko,

nola bigarren bataioa.

Da bakeak egiteko

Aitareki hume galduak,

eta dañu kausatuak

humil erremediatzeko.

Baldin ongi penaturik

bagara ongi konfesatzen,

Aita berla da aplakatzen,

ta berla gu barkaturik.

Nai eztena kondenatu,

inas geros bai bekatu

mortale, bear da penatu

ongi, ta ongi konfesatu.

Sakramentu admirablea

da aldarean itendenag,

guzi guzien gorena,

naiz guti iduri señalea,

altxatus majestadea.

Zertako Sakramentu alakoa,

dena milagroen milagroa?

Izateko arimen sustentoa,

erremedio ta erregaloa,

amoresko exzeso dibina,

on guzien iturri kontinoa.

O konbita sagratu admirablea,

non rezibitzen den Kristo amablea,

berritzen bere pasioaren memoria,

betetzen grazias arima guzia,

ematen gloriarako prenda andia,

kunplitzen amoreen geiegia,

gustatzen guk aingeruen ogia,

ta gozatzen Jesusen konpañia,

sanduek gloria-gisa bat emen asia,

au itzulis paraiso berria.

Jan ogi bizi sagratua

gose, gusto, protxu onean:

Da Ama Birjinak oratua

bere bularreko esnean.

O ene arimaren amorea

Jesus, ni zurea, zu nerea.

Olio sanduaren sakramentua,

erremedio Kristok paratua,

kentzeko bekatuen efektoak,

emateko alibio ta indar ta esperanza

baitare gorputzari osasuna, konbeni bada

Zertako Orden Sagratua,

bere elizan ordenatua?

Guzia uzteko Jaun onak,

naitu berexi personak

konsagratuak iteko

beraren sakrifizioak,

sakramentu ta berze ofizioak,

betiro zerbitzatzeko

beraren ardi saldoan,

bizian, iltzean, il ondoan.

Matrimonioa zertako?

Elkarreki bizitzeko

bake onean, ta azitzeko

bai humeak zerurako.

Munduaren prinzipioan,

persona lenbizikoak

Adam ta Eba Jangoikoak

juntatu matrimonioan

zitue, ta Jesus onak

gero zue konsagratu.

Ala zena len kontratua

egin zue sakramentu,

ta auxilioak ematentu

iteko dena obligatua.