Kristioaren izate, izen,
obligazio ta señalea

Kristioa Kristorena

Jangoikoaren grazias,

kuida kuidatu justizias

kunplitzea alako izena.

Zue Kristoren fedea

bataioan profesatu,

ta ala zen an obligatu

guardatzera aren legea.

Gurutze bedeikatua

kristioen señale da;

ontan señalatzen da

Kristo gruzifikatua.

Deitzen dute zeñatzea

irur gurutze formatu,

ta Jangoikoari eskatu

etsaietaik libratzea.

Kopeta, agoa ta petxoak

irur gurutzes armatzen,

gaixtotik ala libratzen

gogoak, itz ta afektoak.

Gurutze bat da formatzen

luze, santiguatzean,

Trintateren izenean;

ala guzis seguratzen.

Dabiltza etsaiak nonnai

zure kontra ingur ingur:

Gurutzeak aisa bai

salbatuko zu segur.

Etzin, jaiki eta asten den

edozein gauza edo lan,

joan, etorri, jan, edan,

gurutzea beti len.

Gurutzea adoratzean

beira, pensa Jesus bera,

ta ain nola balitz berbera,

adora biotz barnean.

Adoratzen, bedeikatzen

dut nik Jesus biotzean,

zeren ilik gurutzean

bere kostus gu salbatzen.

                        Amen Jesus

Laur gauza on bear ditu

kristioak ongi jakin:

Zer sinetsi, zer egin,

zer eska, zer rezibitu:

Kredo ta Mandamentuak,

ebek biok dire len;

berze biak urbilen:

Otoi ta Sakramentuak.