Bizi bear dut guzis

Bizi bear dut guzis

berze gisas iadanik

kondizio zarrak utzis,

gizon berria izanik.

Ez naiela izan malder

ia bada ni, ene Jesus;

in benaza sandu eden

sakramentuaren sus.

Ikatza goriturik

brasa eden itzultzen da;

or arima suturik

sanda eden egiten da.

Ez naiela bizi ni,

ori nibaitan baizik,

eztaien emen aurki

orren kontra den gaitzik.

Ori biz ene sukar

erre nazana guzia,

ama gaitzen beti elkar,

ori biz ene bizia.

On nai du nere azitzea

zeruko bizitzara;

arrazio da bizitzea

emen ango gisara.

Pakto ebek elkarreki

Niri gizon Jangoikoa

komunikatzen da emen,

beraren jenio gozoa

progatzen da nola den.

Zein ona den Jangoikoa

ezpaze ageri osoki,

on Jesus amorosoa

dago agertzen klaroki.

Maiz tratatus onareki,

nornai ontzen omen da;

ez ontzekos Jesuseki,

erremediorik ezta.

Ez ona, gaixtoa naiz,

ona bai da Jesus ona;

tratatus oneki maiz,

ondu bedi orren gizona.

Pakto-ebek, Jauna, nik

nai inzkigun elkarreki,

firma bezki oraidanik

orrek bere firmareki.

            1

Lena biz, orrena ni

garela, ta ori nerea,

firme dagola beti

elkarrengo amorea.

Nere Jaunak nai duena,

nautela nik ere bai;

berorrek nai eztuena,

nik ere eztutela nai.

            2

Bigarrena, obra nereak,

itzak ta pensamentuak,

afektoak ta amoreak,

ats, pausu, mogimentuak,

andi, txipi, dena dela

bizitzean eta iltzean,

guziak izan daitzela

orren gloria ta amorean.

            3

Irugarrena, deituak

on nereak graziareki

doazela beti unituak

Jesus onaren oneki.

            4

Laurgarrena, eman dakiola

gloria plazer al guzia

bakotxean, ala nola

emanes nere bizia.

            5

Borzgarrena, nai dutela

ongi-eginas desegin;

gaizki-egina nonai dela,

ezpaize bear egin.

            6

Seigarrena, nai dutela

aldioro aprobatu

ongi-egina nonai dela,

ta ene partes oni ofratu.

            7

Zazpigarrena, zenbat

golpe ematen pulsoak,

nautela diren anbat

afekto amorosoak:

Direla atsaldi guziak

ala nola arimaren

anheloak eta antsiak

naies Jesus onaren.

            8

Zorzigarrena, orrendako

bizi naiela, banaiz

bizi, ta berorrendako

il naiela, iltzen banaiz:

Ta ala bizi, nola iltzean

berorrena ni naizela,

ta batean ta berzean

ene Jauna honra daiela.

            9

Bedratziganena, nik

nitas etsirik nautela

konfesatu, gauza onik

nereganik eztutela.

Gaixto dena eneganik

sollik ori datorrela:

On guzia orrenganik

izan, eta izanen dela.

Ta salbatzen banaiz ni,

orren grazias ori dela:

Galtzen banitz, kontra ori

neure kulpas litzakela.

Baña neure kulpak ez

ez dezala, otoi, garai:

Orren onak garai bez,

grazia egines, grazia, bai.

            10

Amargarrena, noiz ni

juiziora deitzen nauen,

ez bakarrik ez utzi,

betikos galez naien.

Galtzeas etsiturik

nago ni neregatik,

nego kondenaturik

ezpalitz orrengatik.

Infernutik ni lenago

libratu nau graziareki;

erorzeko berriz nago,

ezpanauka ni bereki.

Berori ta ni batean

goazela juntaturik,

nerees kontu ematean,

orrenak kontaturik.

Ori fiadore biz,

Jesus, eta pagadore;

ene kontra kulpa anitz;

orren onak biz fabore.

Orren mereximentuak

ene falta supli bez;

orrek in ta pasatuak

ene partes kunpli bez.

Ene Jesus, azkenean

orren kasos salbo ni,

zeren ezi orren menean

Jangoikoak du imini.

O Jauna, emen ezpada,

nion ez salbaziorik,

zeren nior ere ezta

ori bekalakorik.

Ezta glorian dagonik,

ezpada orren amorez,

ori gabe gauza onik

ezta nion, nion ez.

Orren kasos, Jesus ona,

nik ere esperatzen dut,

zeren ezi emen dagona

ango errege ezauntzen dut.

Bitartaño den lekuan

ori, nik emen humil

utzirik orren eskuan

nai dut bizi, nai dut il. (Amen).