Ave Maria

Agur Maria, Ama andia,

andre eder miragarria,

ta Birjin maitagarria;

elizaren ilargi ta eguzkia,

guzien konsolazio ta alegria,

Jangoikoak salba zaizala,

Maria, estima ta honra zaizala:

Glori zaite Jangoikoan zu,

zeren bere maiteena zaitu.

Grazias betea, agraziatua,

grazia guzies adornatua,

bakar eskojitua, amablea,

perfekta, humila, admirablea,

Jangoiko ez, bai guzien obena,

artas landara, aren urbilena.

Jauna da zureki, orai,

ta len, ta gero, ta beti:

Nola bere biotzeko bakar

eskojituareki:

Aita eternoa zureki,

nola bere alaba maiteareki:

Semea zureki,

nola bere Ama propiareki:

Espiritu Sandua zureki,

nola bere esposa onetsiareki:

Trintate guzia zureki,

guardatzen zu,

nola bere sagrario ta zeru bizia,

ta bere eskutik atra den obra propia.

Bedeikatua zu emasteetan,

aien gloria, gala ta sendagalla,

guziei baitamazu abantalla:

Ezpaituzu parerik sanduetan,

eztare aingeru ta serafinetan:

Bedeikatua, zori onean jaioa,

logratzeko Jaunaren agradoa,

jautsi zeien bera zure amoretan,

egitera gizon zure entrañetan.

Eta bedeikatua zure sabeleko

fruitua Jesus,

fruitutik estimatzeko

planta bedeikatua,

Jangoikoak plantatua:

Fruitua Seme Jangoikoa,

Planta Ama ezin onagokoa.

Santa Maria, Jangoikoaren

Ama dena,

baita ere bekatariena:

Ebengatik izan baze aren

gizon egitea;

ebengatik agitu ze aren

Ama zu egitea.

Zuk otoitz egin zazu

gu bekatariengatik,

zarela Ama ager zazu

gurea Jesusengatik,

orai bai bizi guzian,

baitare azken lanze ertxian:

Zu gure Ama anparotako,

salba gait_zen sekulako. Amen.