«Pange lingua» euskaras

Kanta, mia, glorioso

Jesusen onegia,

gorputz odol prezioso

emanaren andia,

eginik bera amoroso

erregalo berria.

Gure errege den gorenak

emanik guruzean

gorputz-odol in zirenak

sabel birjinalean,

kontino emen oroipenak

ematentu aldarean.

Guri emanda, guregatik

Jangoikoaren semea

amaren entrañetatik

jaio da, ta gurea

bizi ta ilda orregatik

agertus amorea.

Erakusten ta manatzen

salbatzeko bear dena

beti egonda, ta paratzen

bere elizan ordena,

faboreak beti obratzen,

ta azkenean obena.

Azken arrats ta afarian

jarririk bereeki,

kunpliturik ia guzian

lengo legeareki,

bera emanda janarian,

bera bere eskueki.

Ogi ta ardo len zirenak

gorputz-odol bereak

itzulitu dezakenak

Jesusen podoreak,

gozatzentu emen direnak

fedeak ta amoreak.

Sakramentu gau gorena

guzis benera zagun,

ontan gure amanteena

Jesus ona ama zagun,

sentidos ezin daikena

fedes supli dezagun.

Trintate jaun andiari

biz denbora guzian

kanta milla ta laudari

beitian ta goitian,

ta esker milla biz berari

emen eta glorian. Amen.

V. Eman digu zerutik ogia.

R. Duena bereki gusto guzia.

Orazioa: O gure Jaun Jangoikoa, sakramentu miragarrian utzi diguna bere pasioaren memoria, eman bezagu, otoi, alako maneran estimatzea berorren gorputz ta odol preziosoen misterio sagratuak, ezi gure baitan redenzionearen fruitua kontino senti dezagun. Amen.