Hostia goratzean

O Jesus, on altxatzen dena,

adoratzen dut sines;

errege goren gorena

ain apal, ta zer fines?

Egin ta desegin dena

beti guri ongi ines.

Nola nola estima nik

Jesusen karidadea,

beiratus deseginik

nigatik majestadea!

Bego beti pakto inik:

Ni orrena, on nerea.

Jesus ene prisionero

ene naies emen dago:

Nor naiz ni? Ni nola ez nago

Jesusen amores ero?

Ene arimaren esposo

Jesus da guzis maitea;

bere amores ni betea,

kanta kanta bai gozoso.

Jesus maitatzen badut

emen ala atxaturik,

gero dena agerturik

gozo gozatuko dut.

O Jesus, o amorea,

bego ia asentaturik,

betikos firmaturik:

Ni zurea, zu nerea.

Amen.