(Altxaturik iruzkia)

Altxaturik iruzkia

belo gorren atzean,

bai ta ene biotzean

itxekitzen su bizia.

Jesus onak amatzen

lurreko arima pobrea!

Nola arimak amorea

Jesus onai ukatzen?

Biotz txarra, zergatik

amanterik obenai

eztiozu onetsi nai?

Txar izanes, orgatik.

Bera da guzis noblea,

guzis abrats liberala,

guzis eden, nai bekala,

guzis ona ta amablea.

Amanterik andiena

gure arimen da Jesus:

Nola amore gonen sus

ezta erretzen bizi dena?

Gure billa zerutik

etorri zen, ta guzia

in gugatik, ta bizia

eman zuen gogotik.

Infernura botarik

gina gaizki gu gizonak;

atra gaitu Jesus onak

infinito kostarik.

Ta guzien ondorean

nola dago altxaturik?

Dago preso loturik

bere amores aldarean.

Lenik preso portalean,

preso gero baratzean,

gero preso pilarean,

preso gero gurutzean,

Nork ordea lotu du?

Etzen aski paxarik,

itze, kate, sokarik:

Amoreak egin du.

Nork zezake garaitu

guzis poderoso dena?

Baña niork etzukena,

amoreak egin du.

Nondik nora apaldu du

nork ta nola Jangoikoa?

Ikasazu: Milagroa

amoreak egin du.

Aur lenik Ama Marian,

gero gurutzean galdu,

orai berriz ala apaldu

ogiaren idurian!

Ain andia ta ain txipi

Jesus ori enegatik;

badakusat zergatik:

amorosteagatik ni.

Jesus onak maite ni,

nik ere maite Jesus:

O amore gonen sus

erre ta il banindedi. Amen, amen.

Barin badut biotzik,

Jesus, nai dut ilartaño

iago ori guziak baño,

ori nai dut bakarrik.

Nola bear dut amatu

ain amante ta amablea?

Ain onegi ta noblea

nola bear dut pagatu?

Enegatik jaiorik,

bizi ta ilze enegatik,

emen daukat orañik:

Nork indida alakorik?

Sal duzuen traidoreak

an dirutan itsuski:

Emen grazias ederki

dut, emanik amoreak.

An utzi zen atratzera

bere odola dolores;

emen berriz amores

ematendit edatera.

An juduek zatikatzen

guzia llagaturik;

emen bera altxaturik

bere llagak presentatzen.

An il zuten gurutzean,

nola balitz bekatari;

emen ia janari

bere onegis aldarean.

Ene arimaren esposo,

ta erregalo barnera

eldu zaida ematera

ezin iagos amoroso.

Zer nai du, ene Jesus ona,

enebaitan sarturik?

Besarka nai du arturik

salbatu bere gizona.

Bere onetik apegatu,

Jesus, nai dida niri,

ez dezaten orreki

berze gauzarik amatu.

Nitzake ni traidorea

ama banez berzerik;

mereji du bakarrik

bai guzien amorea.

Ezta alako gustorik

on guzies beterik,

ezta alako amanterik,

ori bekalakorik.

Orren mai pean egon

ala nola txakurttoa

etxideten apurttoa

obe dut ezi nion.

Orren maieko apurttoak

orren grazian ta amorean

naitut iago ezi batean

mundu guziko gustoak.

Uz nezazke bai sines

guziak berladanik,

naies berorrenganik

beiratze bat amores.

O Jesus, zein ona den!

O noraño apalzen da!

Ezi desposatzen da

bai arimareki emen!

Jesus Jauna, bere esposa

ene arima iten badu,

errege da, ta inen du

erregina bai ditxosa.

Esperanzagonetan

nai dut bizi, ta ez erori;

fiadore dut berori,

gelditu da prendatan.

Amen goneki bidean

indar ta konsolu dut,

oneki sinesten dut

atra salbo bearrenean.

An goiti gero glorian

gozatu berorreki,

kantatus alegreki

aingiruen konpañian.

Jesus ene Salbadore

beti izan, ta izanen da,

salbatzea segur da,

baitu amore ta podore.

Orai emen kurturik

orren oñetan Jesus

diot amoresko sus

negarretan urturik:

Barkatu, Jauna, barkatu

niri bere onagatik,

otoi otoi orgatik,

ez nazala kondenatu.

Grazia, Jauna, grazia in bez

gaixto goneki, zeren

ori guzis ona den,

orren onak supli bez. Amen.