Kaifasen etxera

Andik Kaifasen etxera

damate gisa berean,

non bildurik batzarrera

zeuden guziak batean.

Zego Jesus onegia

erdian paraturik,

an ala nola axuria

otsos inguraturik.

Odios aiek beterik

inbidia ta iraren sus

etzute nai berzerik

baizik il gure Jesus.

Zer kulpa du axuriak

onen ilarazteko?

Bai otsoen gosetiak

nai du zatikatzeko.

Aiek andik ta emendik

dabiltza afanaturik,

al baleike niondik

arrapatu punturik.

Eguzkiaren argian

nola ez ilundurarik,

ala Jesus onegian

ezta kulpa motarik.

Ezta pasatzen egia

an, guzia da gezurra;

nork an Jaunaren begia

atenditzen, nork beldurra?

An onaren kontra dire

guziak, nior fabore;

alaere nola ai dire

eman naiak on kolore!

Engañatzeko mundua,

zein testigo, nolakoak,

billatzea da modua,

au da, beren gisakoak.

Ebek aien alderat

asko gezur eginik,

ezin konpon zuen bat

egiaren urrinik.

Preso Jauna zego humil,

sereno, modesto, grabe;

baize ageri, naiz ixil,

zela sandu kulpagabe.

Kaifasek, ira andi bat

arturik, badio emen:

Eztuk aditzen zenbat

ire kontra erraten den?

Ixil Jesus; ark orgatik:

Ea, diat manatzen

erranzaken Jaunagatik,

Kristo Jesus i aizen.

Emen Jesus onegia

mintzatzen da bereala:

Ala da sines egia,

berorrek erran bekala:

Ta ala preso daukatena

orai guziak erdian,

dela gero etorko dena

majestade gora andian.

Kaifasek dio ontarat,

kapa zarrastaturik:

Erran du blasfemia bat;

ona, zeurek aiturik:

Testigo iago zertako?

Zuei zer zaize iduri?

Erran zute aiek ontako:

Iltzea du merexi.

Eutxi berla ango jendeak

aurpegira lixtukatzen,

atratzen buruko illeak,

andik ta emendik golpatzen.

Gero burla iago ezin,

begiak bendaturik,

golpe eman ta galdegin:

Erran zak, nork eman dik?

Nork alako festarik

alako Jaunari aditu?

Poderoso delarik,

Jesus, nola du sufritu?

Gau garren gañarakoan

zenbat pena-neketan

egon zen kalabozoan,

nork pensa ta nork erran?