Guzia prestaturik

Guzia prestaturik

guretako; gu probeak!

Ta maia paraturik,

emen iltzen gu goseak!

Nola seme galdu gura

despeitus aitaganik,

itzulizen akordura

bai goseak emanik:

Ah! Zenbat dauden asean

ene aita onareki,

zerbitzuan bere etxean;

ta goseak emen ni!

Zer inen dut? Joanen naiz

aitagana bai arin,

oñetan botako naiz,

nai badida grazia egin.

Erranen dut aitari:

Aita, egin dut nik bekatu

berorri ta Jaunari;

barkatu niri, barkatu:

Ez naiz digno dei nazaten

berorren seme ia ni;

kontent naiz egin nazaten

laneko zerbitzari.

Ori gabe gauza onik

ezin izan, galdu bai:

Baña orreki ni egonik

ongi nago nolanai.