Jaiotzearen

Zoritus fruitua,

urbildus denbora

predestinatua,

noiz lur emengora

agertu bear zen

ain apal, ain gora

dena Jauna guziaren.

O admirableak

bide Jaunarenak!

Esposo amableak,

utzirik berenak,

naies aterbea,

galde berzerenak,

non sar guzien Jabea!

Badabiltza eskean

ataris atari;

ezta ziudadean

nior urrikari:

Etxola zar bat zen,

dio Mariari,

arara, nai badu goazen.

Fortunas etxola

jendes utsik zegon,

zarra naiz zegola,

non utzirik egon

bakar, nai bekala:

Neretako da on,

amak dio bereala.

Etxola zar gura

beira jauregia,

non jaio mundura

Jesus onegia,

errege Jaun ona,

ta iruzki berria,

gure Jangoiko gizona.

Nola ama ondaturik

zegon an gozotan,

Jauna beiraturik

aur bere besotan!

Zein amorosturik

apa amorosotan,

ta guzis admiraturik!

Ain andi ta txipi

persona batean,

ain goiti ta beiti

zeru ta lurrean!

Jaun goren gorena

etxola utsean,

gauza pasmatzen duena!

Dabiltza aingeruak

nola zoraturik,

baitare zeruak

alborotaturik,

festejatu naies

Jauna ala apaldurik

lurrekoen onginaies.

Amak maiolatzen

du: maiolaturik

beira; du paxatzen:

beira paxaturik;

bularreratzen du:

beira apegaturik,

eta nor den ez atzendu!

Non kuna erreala

errege delarik?

Al duken bekala,

ganbelan bildurik

an ziren agotzak,

erreklinaturik

beira aurra gañean otzak!

Artzaiak zeuden an

urbil inguruan

ardien guardian:

Aien gain buruan

argia ilunbetan,

ta ain nola koruan

aingeruak kantaketan:

Jauna biz zueki:

Adi gozo onaren

mezua alegreki,

zeren gaur jaio den

salbazale dena,

bai Kristo Belenen,

zuen ones jautsi dena.

Ezauntzeko, duze

ona señalea:

Aurkituko duze

aurtto amablea

an maiolaturik,

o admirablea!

ta ganbelan paraturik.

Aiek bereala

progatus egia,

aditu bekala

beiratus guzia,

aurkitus etxola,

Josef ta Maria

ta aurra ganbelan dagola.

Adoratzen dute

ganbela pobrean,

admiratzen dute

nolako goatzean

agotzez eginik

dagon, ta gabean,

erregeen Jaun izanik.

Adoratzen zaitut

nik ere naiz rehus,

ta estimatzen zaitut

agitz, ene Jesus,

nainuke abrasatu

zure amoresko sus,

ta ala bizi ta bukatu.

Orra Jangoikoa

eginik aurttoa!

Throno zerukoa,

kuna lastoskoa!

Judako leona

ta axuri mantxoa,

geiegi onetsis gizona!