«Ecce homo»

Pilatosek bidezue

ala ikusis urrikari,

ezi kausatu uste zue

ala agertus jendeari.

Jesus bada agertu zue

ain aldaturik itxura,

ezi bear izan zue

erran: Ona gizon gura.

Aitak beiratus semea

alakoa, dio zer?

Au da ene seme maitea,

zeintas nik duten plazer.

Bere ama birjinak bada,

ikusis alako itxura,

sentitu zue estokada

Simeonek erran gura.

Kongojak arimaraño

mortalak sentiturik,

nola etzen il oraño

biotz gura ilundurik!

Gure amores, ene arima,

ala Jesus beira zagun,

izan zogun bai lastima,

ilartaño estima zagun.

Baña aiek dutelaik an

Jesus ala beiratu,

lastimatu dire agian?

Ez, baizik iago iratu.

Nai dute lan bein asia

bukatu arras, ala nola

otsoek jan axuria,

txastatus geros odola.

Au da klamatzen dutena:

Ken ordik on, kenbez.

Au repetitzen dutena:

Kenbez, kruzifika bez.

Dio ark, dakusalarik

guzia nola dagon:

Nik eztakit kausarik,

or ar zaze ta or konpon.

Ona ni informaturik

emen zeuren alzinean;

eztaukat progaturik

den kulparik txipienean.

Ezeta Herodesek ere,

ezi zeurek ermanik,

eztio aurkitu batere

kulpa, bentzait andirik.

Aiek dute alegatzen:

Gure leges il bear da,

zeren Jangoikoaren

seme beroi eginda.

Dauzki erriak nasituak,

errege naies izan;

Zesari ere trebutuak

ez ditio nai eman.

Pilatos arriturik

sartu ze sollik barnera,

Jesus bereki arturik

egias informatzera.

Ote daiken Jangoikoa,

dudan, dio galdetzen,

nor den eta nongoa,

ta nola preso utzi den.

Errege barin bazara,

nola etzara defendatu?

Edo, dio, nola zara

niri zeuroi entregatu?

Ezta zuen mundukoa

erregetasun nerea,

bai, dio, goragokoa

da nik duten podorea.

Etzinduke ez eskurik

ene gain zuk, emanik

ezpalitz au zerutik

Jangoiko jaunaganik.

Orduan Pilatosek:

Beras zara errege zu?

Berla ontara Jesusek:

Ala zuk erran duzu.