Pilatosek etsirik

Pilatosek etsirik

etzuzkela beratu,

zue daiken gaizkirik

gaixtoena pensatu.

Pensatu zue bereki:

Ederki azotatu dela

kontent ikusteareki,

or baratuko zirela.

Alaber barin badu

onek bekatu zerbait,

ala pagatuko du,

zion, dena nolapait.

Uts egin Pilatosek,

nondik nai beiraturik;

ta pagatu Jesusek

naiz ez merexiturik.

Zer espera aienganik,

zeñek beren temareki

ia satanasi emanik,

pakto zuten berareki?

Preso goi bada nork duda,

ona dela ta onegia?

Begira berez eldu da,

ain klaro da nola argia.

Bada aurkitzen eztiola

kausarik, orrek erran;

pena andigoi beras nola

juez batek nai dio eman?

Baña kulpak gizonenak

izanik, galdus elkar;

Jesus ona, baña penak

guziak orren bizkar!

Prebenitzen berdugoak

dire ia sei gizatzar,

gorputzak eta gogoak

sendo, kruel eta azkar.

Jaun ona biluxirik

aien erdian humil,

nautenera utzirik,

nola axuri bat ixil!

Bortz milla ta iago azote

beren indar guzieki

Jaunari ematentiote,

aldiskatus elkarreki.

Nola zuten zatikatu,

nola zuten desegin,

ustu odoles eta urratu,

nola pensa, nork xakin?

Gure kulpa anitz ta andien

pena berak arturik,

lastima geldi dadien

ain guzis urraturik!

Alaere, naiz ezin

dagoken oñen gañean,

eztu arkitu nork egin

lagunzale txutitzean.