Aditzen ta mintzatzen

Aditzen ta mintzatzen,

bizi zelaik, zutenek,

ditxa andia kontatzen

zute bai zekitenek

Bada sarzen zen etxean

Jesus, an ze ditxa obena,

grazia ta gloria batean

mundu gontan al daikena.

An salbazioa bateo,

an bizitza ta alegria:

Testigo ona da Zakeo,

progu Marta ta Maria.

Zakeo gizon txipia

zego iganik arbolean,

ikus naies Jaun andia

bidanabar pasatzean.

Jaunak arri alzinetik

dio, agertu deneko:

Ea berla jautsi ordik;

egun nai dut zure etxeko.

Ark etxean artzen du

Jesus ona gustoreki;

Jaun onak betetzen du

ones bera bereeki.

O Jesus, zein ona den

arturik etxeetan:

Pensa zer izanen den

sarturik entrañetan.

Ezin pensa, ezin erran

nik alako faboreak:

Egin zuzke, zuzke eman

sollik orren amoreak.

Nork alako amanterik

sekulan ikusi du?

Nork ala bere humerik

sekulan onetsi du?

Amak hume maiteena

azitzen bere esneareki:

Jesus onak probeena

bere gorputz odoleki.

O Jesus, au zer fines?

Zer nai ote du logratu?

Nai du bai nai du sines

gu bereki bateratu:

Besarka miragarrian

ertxitu gu beretako,

berareki orai bizian

gauden, eta sekulako.