Pilatosenean

Ortzilare eguna

noizbait argitu ze,

egun triste iluna,

noiz Jauna agertu ze

guzia ilundurik:

Ain deslustratu ze!

Nekez ezaun beiraturik.

Sobra Jaun sanduak

pasatuareki

ez ase juduak,

ez oraño orreki;

Jaun maitagarria

il ta odolareki

ase nai dute egarria.

Presentatzen dute

Presidenteari:

Entregatzen dute,

ez justiziari

atenditu naiez,

bai beren irari

asetzera eman naiez.

Lekuan sartzeko

eskrupulo dute,

ona ilarazteko

pixkarik eztute,

sandu kontrakoak,

marka goi baitute,

direla infenurakoak.

Juezak aiturik

aiek ta presoa,

klaroki ezaundurik

aien exzesoa

inbidiarena,

ta arren on osoa

ez dezakela kondena:

Publikatu zuen

askotan atrarik,

etziola aurkitzen

batere kulparik:

Jangoikoareki

doaiela penarik

deus gabe edo gutireki.

An aiek oiuak,

an alegazioak,

eta an arroituak

eta turbazioak,

eta gezurketak

eta akusazioak,

irak, inbidiak, kejak.

Onek nastekatzen

duela jendea

galtzera botatzen;

ta potestadea

deserrespetatzen;

au dela erregea

Kristo bera seguratzen.

Alako gauzeki

Pilatos turbatu

ze, ta berareki

sollik barneratu,

galdetzen ziola:

Errege zara zu

agian? Nondik ta nola?

Errege naizela,

orrek dio, ta nik

diot eztutela

nik ori mundutik;

egia errateko,

mundura jaiorik

nago, ta seguratzeko.

Jesusek au erran,

ta Pilatos bera

atra ze berriz an

sinestaraztera

kausarik eztela,

ta palakatzera

jende bat ain errebela.

Ta bazkoagatik

libertatzen zuten

bat presoetatik,

zein ere nai zuten:

Preso bat deitua

Barrabas bazuten,

ladron agitz famatua.

Karzelean dago,

zio, gaixtoetaik

bat preso; emen dago

Jesus ez aietaik:

Biz zuen eskura,

zein nauzen bietaik,

Jesus edo ladron gura.

Gauza arrigarria,

autan paratzea!

Iago izigarria,

ladrona autatzea

Jesusen aldean!

Iago imitatzea

guk juduak maldadean!

Juezak ez galdu

nai gizon sandua,

ezta desgustatu

nai jende judua,

eztare arrixkatu

nai bere burua:

Eztaki nora jokatu.